¹ Im yau mokhi hai nurak yemne msak rantok.Ovon nempati eni narwolem im ovon nompun(seven).Ra ovon nempati mori ma ovnompwavkor,im ra ovon nompunt hai nin nenwali wi. ² Nurak ma yau mokhi hogku su hai leopad.Ovnon hogku su hai non bea im nogun hogku su nogun laion.Uramal yovogi horog eni pogi im lou isen,im horog sak woruri. ³ Hai ra ovnompun ovnurak mori ma ndutai su,kou ovnohoru irand yevya.Magkau gi nmap ndwavlogiwi im mumuri. ⁴ Iror hogkusu nduteveta ra uramel,ra yovogi horog eni pogi nurak mori ma.Nduteveta ra nurak,im mumuteigi nenwi,''Mei momu hogkusu nurak mori ma?''im''Mei konavkat ndu iyi?'' ⁵ Nurak mori ma nduvogi hai nogun woram woramlai wi im ovon nam ovnurgo.Nduvogi horogsak worompurak ndan su narwolem ndvat im tavgone ndurugi itais nduru. ⁶ Mompi ma nurak yovag memam ov'nurgo ra Novu--memokini nin,nur kamante wi,im oiror mori kumante ra pokup. ⁷ Narakai mori ma nduvogi faneteme woravkat ndal Novu ovon tavniri im mentantevakpe irand.Im sogku,faneteme nduvogi iyi workakvi/worelkavi ovon nompunarant,ovoteme,ovon nam su im mavrigi ovon nompuo su. ⁸ Omwisu mori ra nmap wonteveta iran,iror mori nind kotumante ra netai ra natipotnin nmap,ra Netai ogi nomurep,mori kou niskon Pogpogi mori ndutalogi iyi. ⁹ Nagku hai neteme telgon wi,iyi kandgi. ¹⁰ Nagku kumampai hai neteme kamampe ra nimo nogkogko,iyi kamampe.Nagku hai neteme wontalogi gi nautugo,iyi kamah.Igko iyi hai novrogi ogi noramel indowi im tavniri en ovon tavniri/levsau. ¹² Iyi yemompi ovon siame murigi horog en nurak mori mampum isak ra ntok ra nipmi,im iyi yompi ovoteme mori nduteveta ra nurak mori isak mampum--iyi mori ivai nohoru potpot nmah novli eni ilau mpelom armai. ¹³ Yemompi ovon nehelavrevor nusian.Iyi yompi nom iyep ranmap marogi pokup ra nipmi ovoteme. ¹⁴ Ogi hai nsesie ndutenimpe worompi,yemovotokond iror mori ndumute ra nmap.Yenuwi ponor worompi hai nsavi ra nsiesie iran mori nurak ivai nohoru ra nautugo kou yomurep/yete. ¹⁵ Ndutuvogi ma iyi kampogi nesomsak pogi nsavi ra nurak mori ma woram im iror mori ndutum nakayogi worteveta iran nurak wontalokond. ¹⁶ Iyi hogku yemseleli omwisu,tawi nind wi im ovon nindwi,noutewi,im noromkor,wokon im torogat worvai hai nsori ra nompund meveh ku ra nelpafinend. ¹⁷ Ndomo niskon hai neteme worvasi ku worseivasi nagku tawi nsavi en nurak mori ma,ma iyi,lator morima kamesesi nin. ¹⁸ Imo kamampogi nelkon,Nagku hai neteme kamagkili,Ra iyi lator en hai neteme.Lator iyi mehikai mehikai mehikai.(666.)