¹ Hai nsavi orog yau mokhi unpokup:hai nahiven yevaigi/yevaiogi nen,im itais ra netgon non,im hai umpwavkor ovon mosi narwolem im tavgone nduru ra nompun. ² Iyi itanyompuk,im yemagrisak ra ndan noryoki nitni,yemasau ra noryoki nitni. ³ Hai momu nsavi yau mokhi upokup:Okhi!hai uramal nmah itravlar nompun(seven)im ovnempati eni narwolem,im(seven)umpwavkor ra nompun. ⁴ Novlaimpkon yetaior gi ovon mosi ndu semsimokon ndehel ogi ra pokup im tavokond nduyep ra nmap.Uramal ma yetur ra nipmi nahiven mori yemoku potpot kampai nitni ma nempigon iyi kamampai nalau marima,iyi kagkini nitni mori ma. ⁵ Yeti hai nalau,itnatman,mori hai ndan konari ra ovon nompuwo su gi hai nei ndomo narki.Nitni nduvai pelak parokond niskon Novu im horog eni, ⁶ im nahiven yalou mpe ra untompoi,nur Novu itahvehveh gi niskon,ma yefinte iyi 1,260 ndan. ⁷ Marima hai navkat unpokup.Maikel im ovnagelou ndwavkat ndal uramal mori ma,im uramal im ovnagelou isen ndwavkat torilki. ⁸ Kou uramal tawi iyi ndomo wortantevakpe woretpin.Mompi ma tawi hai momu nur niskon ra pokup niskon im ovnagelou isen. ⁹ Uramal mori ma nmas--nehekil netalam nduvrogi muku natmah ku seitan mori yemnempiri gi nmap magkau omwisu--ndutavogi iyi iyep ra nmap,im ovon nagelou isen ndutavokond nduyep ndal iyi. ¹⁰ Im yau morgi hai navian ra pokup:''Marima kokvelom neiyowara im horogsak im lou en Novu enogkoh,im horog en Kristu isen.Ra neteme nempiri mori yemnovotogi ravensaime kutavogi kokyep ra nmap iyi mori yemnovotokond ra nipmi Novu soret pwakah im pumrok. ¹¹ Ndu tantevakpe iran gi nde en Pogpogi im gi ovon nam nompuvsok eniror,ra ndutuwolintogi ovon nomurep eniror mafeli ra nmah. ¹² Mompi ma wavoh kimi ra pokup im iror mori kumante iyuwi! Kou urves ra nmap im ra ntok,ra natmah kokyep unmap pogkum!Iyi kovwar gi ovnakan urveh ra ndan eni iyi virok ndan wokon! ¹³ Nempigon uramal kokili kutavogi iyi koyep ra nmap,iyi ive tovni nahiven mori yomrokoti hai nalau itnatman. ¹⁴ Kou nahiven mori ma nduvrogi ovneflokond nduru en hai umrom nivorih,ma kagkili nokep menalou parogi mampe ra nur kusiman niskon untompoi ra nur wokon.Nur ma iyi hai nur wafinte wi iyi,gi hai ndan,im ndan ilvukteven parogi nipmi natmah mori ma. ¹⁵ Nehekil i silgi nu marogi nogun hogkusu hai nu ma iyi konompi hai nousap worvai iyi mampe. ¹⁶ Kou nmap yavri nahiven.Nmap yovag im metgoli nu ma uramal yemelwogi ilat ra nogun. ¹⁷ Im uramal yakan ra nahiven im pe woravkat ndal iror su mori ov'nompunaran nahiven mori ma,iror mori ndwalkolki ov'namalam en Novu im mulkavsivsi ovon nompuvsok ogi Iesu. ¹⁸ Im uramal yetur ra narvin ra telgon tok.