¹ Nduvoyau hai nei worsavi siame.ndunwi poyau,''Tuk im savi nimo tompor en Novu im nur worsokwar wi,im iror mori kumon teveta iyuwi. ² Kou kotwosavi ilat magkau gi nimo tompor,ra kupmovogi su ovoteme pelak.wonakayogi mantur wi imo ntemne orog ndan su narwolem ndvat im tavgone nduru. ³ Yakam ponor ovon nopuvsok nduru enyau horog sak worenwatopne ndan su 1,260,wonevargi ovnemah worgomponum.'' ⁴ Ovon nompuvsok mori nduru iyi nei mori Olif im potnin nilar mori ndutur ra nipmi Novsurumon ra nmap. ⁵ Nagku hai mehai kamentomwi worokinor,nom yakamam pelom ra nogund im matni ovon nuvrame.Hai mei hai mori kamnakyogi worokinor wamah ra nompi iyihi ⁶ Ovon nompuvsok mori nduvonor horogsak worsompat pokup ma nevip kotwampip ra ndan mori wanwatopne siame su.Nduvai horogsak worovoli nu kampelom nde im moselatvi nmap gi ovon siame urgo nurigi nakayogi eniror. ⁷ Nempigon kumagkompli ovnompuvsok eniror,nurak mori kamne marogi navranur tawi navlutnin kampasi navkat ndal iror morima.Iyi kontantevakpe irand im mentalokond. ⁸ Ovon noklesirand wandalei ra nokugo ra neteme orog(mori kamesesi memamprogi magku Sodom im Ijip)mori ndvyisokwar wi Novsurumon. ⁹ Ra ndan ndehel im hai pwakah nogkon ra ovoteme su ovnompunarans su ovnam su,im magkau gi nmap waghi ovon noklesirand.Wanwi ponor ma kutwantipe iror ra tanmavrempor. ¹⁰ Iror mori kumamurep ra nmap wonavoh im moneyoumple.Wontamuli ovon itmas ilvukteven iror pe iror ra ovon profet mori nduru kutalokond iror mori ndute ra nmap. ¹¹ Kou penuri ndan ndehel im hai pwakah hai nomurep itresomsak ra Novu konintor irand,im wantur gi nond.Nokinmah im tokkomkom orog kamol ponor iror mori kumaghor/waghor. ¹² Im wandigi hai naviansak kamne ra pokup ponor,''Usak igko!''Iror wosak unpokup ra hai nompwau,kou ovon nuvrame eniror wontopotnemor. ¹³ Ra ndan navleh ma hai nomyuk orog,im netvavwi nogkongo narwolem ra neteme orog kontentvi.Ovoteme(seven)tousen wamah ra nomyuk,im iror mori wamurep wandigi ur mamprogi nilaslaswi Novu ra pokup ¹⁴ Nvai urveh nempigon nduru gi kovelom pe.Okhi!/Topotnemi!Urveh nempigon ndehel gi kamampelom itnom. ¹⁵ Im nagelou mori(seven)ogi yamsak gi tovwi eni,im hai naviansak yam ra pokup im memoku,''Simanlou ra nmap kokvelom Simanlou en Novsurumon enogkoh im ra kristu eni,iyi konari uvruni tawi navlutnin.'' ¹⁶ Im ovon elda mori narwolem nduru im tavgone ndvat ndumutehep ra ovon lou horog eniror ra nipmi Novu,ndumol ra nimind im muteveta ra Novu ¹⁷ Ndumuku,kakimlan ponok kompalogi,Novsurumon Novu ra nusian,iyi mori kamante im yepmete,ra kumpai horog sak enogkik im memnatipotnin worvai. ¹⁸ Ovon nompuwo su ndwakveh,kou narakai kovelom su.Ndan kokvelom su ma ovon nmah wampai nurian im niskomi kwampai ovon itmas niskon ovon levsau hormi ovon profet,iror mori ovon tavniri im iror mori ndusiesie ra nim,iror mori tawiveh nindwi im iror mori ovon horogsak.Ndan kokvelom niskomi worsaiki iror mori kumosaiki imo nmap.'' ¹⁹ Im nimo tompor en Novu pokup itaipelak im ak ra ovon namalam eni yau memokhi ra unisog nimo tompor.Iuyi torpis ra torpis,hai nomyuk,im hai nivorisveh ovon novsen nu ra pokup.