¹ Yau morigi hai navian yemahor ra nimo tompor memenwi pogi ovon nagelou mori(seven,)''Uve mutorpesi kampe ra nmap ovon worvai narakai en Novu mori(seven.'') ² Nagelou mampum ive mtorpesi worvai narakai narakai ra nmap;urveh im ovon nohoruveh novoli yetorvelom ra ovoteme mori lator en nurak iror mori muteveta ra nsavi iran wokon. ³ Nagelou penuri itorpehi worvai narakai eni ra ntok.Ivelom nde,hogkusu nde en hai neteme iturmah,im siame su mori nomurep wi eniror ra ntok ndumah. ⁴ Nagelou ndehel ogi itorpehi pelak pelak worvai narakai eni ra nu im ovon nu tavwan,im nduvelom nde. ⁵ Yau morgi nagelou ra ovnu yemoku,''Kik tanpoveh---iyi mori yete im iyi kamante,tanpoves ra kik ---kepmurian ra siame imo/iyihi. ⁶ Ra ndu silgi pelak ovon nde en ovon tavnirives im ovon profet,kik kovonor nde woromonki;iyi se ndwakayogi musemsi.'' ⁷ Yau morgi nur worsokwar itamsi,''Oo Novu Novsurumon ra nusian ovnurian enogkik iror ovon itnesog im tanpoveh.'' ⁸ Nagelo ndvat ogi isilgi pelak worvai ovnarakai ra nen,im nduvogi nam woretni ovoteme gi nom. ⁹ Ndu vai ndomo ra nen yauurveh,im nduvsokowi su nin eni Novu mori iyi momu horogsak ra ovon namarat iyihi.Ndutuvoli nowand ku puvogi nilaslaswi iran. ¹⁰ Im nagelou sukrim ogi isilgi worvai narakai ra lou horog en nurak mori,im nelvukvat yakvi lou eni.Ndwalsi ovon nelwamend ra ovon nohoru nduvai. ¹¹ Ndunwali Novu ra pokup ra ovon nohoru im ovnovli,im ndutuvoli nowand ra se nduwompi. ¹² Nagelou meheikai ogi isilgi worvai narakai ive ra nu mori orog,ra nur Iupreits.Nuwi imah worompi/tavehveh gi nokugo niskon ovon ovatmonuk wampelom go ndevsi unur. ¹³ Yau mokhi ovon naviat ovnurgo ndehel mori hogkusu ovon frok nduvelom ilat marogi nogun nigavrak,ra nurak mori ma,im ovon profet namlai. ¹⁴ Ra iror ovon naviat en ovon natmah/nompo kumosesi ovon nompi.Ndumuve ilat ponor ovatmonuk magkau gi nmap worsemsi mokond woravkat ra ndan orog en Novu ra Nusian. ¹⁵ (''Ukhi! Yakamampelom hogkusu hai neteme nomprok!Nevaives iyi sai mori kamentavehveh wortopotnemi,memafinte ovnemah ma iyi kotwagkili nve ilat itrompinmah im waghi ovnaromprom iram.'') ¹⁶ Nduvai mpelom iror musemsi mokond ra hai nur kumamprogi magku Armakadon ra hibru. ¹⁷ Im nagelou(seven)ogi isilgi pelak worevai narakai ra nur wokon.Im hai navian ivelom ilat ra nimo tompor im marogi lou horog,mumuku,''Wompi su!'' ¹⁸ Ovon torpis ra torpis,namsak nyowar ra yowar,im hai nomyuk urveh---hai nomyuk nmah momu horogsak ra ovon nomyuk su mori yete ra natipotnin nmap ovoteme ndute wi,nmah ra imo nomyuk. ¹⁹ Ntemne orog mori ma yete itretwavwi nogkon ndehel im temne orog yomol.Im Novu yovrogi Babilon orog,im yovogi ntemne orog mori ma woromonki yovwar gi vinde ndwompi gi ovon narakai urveh. ²⁰ Ovon nompuwo su ndwamiap,im ovon nompuwo tawi momu nokhor ra hai nur. ²¹ Ovon novsen nu ra nompwau mori orogveh,nompuk eni sesai hogkusu hai talent,iyep ra pokup ra ovoteme.Ndunwali Novu ra ov namarat ra ovnovsen nu mori yokini wokon.