¹ Im imo avni,ravugsaime,wavos kimi ra novsurmon. Yototumnimru woretai imo nam saiteven pogkum, im imo siame armai niskomi. ² Finte kimi marogi ovon kuri, ufinte kimi marokond umnompi nompurak sat. ³ Ra kos ovoteme nompi namon irant, ra koskimlenompi ogi naviat eni novu im lenavos ra yesu kristu, mututavniri ogi ovon nompi ratilat ra noklesiran. ⁴ Yau faneteme wortavniri ra siame ra nmap sogku, hagku sai ku sai neteme amagku yokontavniri ra siame yivai yau momugo. ⁵ Sogku dan su eit dumompi namon irag, yaumene ra fan isret, im yau marogi savutaksu eni benjamin, im neteme hibru ra hibru ogi fanitnehog. ⁶ Im songku neteme farsi ogi nalkolki namalam, yau matkisak wortar ovon kalesia. Im ogi tanpo ra nam alam wokon, yau meti sentvives wokon. ⁷ Kou siame mori faneteme woresitu irag, yau moku iror songku nendwavo ogi kristu ⁸ Im itnehogyakamagku nendwavo wokon simaesu omwisu ra imo mor armai indowi, memagku worokili yesu kristu novsurmon enyau, im yaumtavogi siamesu omwisu memagku iror sogku nelilwo wokon. ⁹ Ma yakampai kristu, im worete dowi ra iyi, im woretutavniri ra sai netvaru ogko mori amamne ra tavniri rakristu, tanempoves marogi novu ogi tavniri ma yakagkiliiyi. ¹⁰ Im horog nevsorsak isen, im iante undu iyi ra ovon norgompunum isen, im sogku ra nmas isen. ¹¹ Im memagku yakante faneteme worvai nevsorsak marogi nmas enyau ¹² Yokotumagku yokokvai su imo siame, im yokotumakuyau armai wokon. kou yakamenelvi nagku yakampai ku imo mori yesu kristu yemtoryau ogi. ¹³ Ravugsaime, yokotumagku yokokvai su imo mori; kou yakamnompi imo saiteven, yokotumnentmi tiame su kintag, ¹⁴ Yakemnelesi ogi nuru yui nouror ves umamprokyou ogi novu ra yesu kristu mori yemne unpokup. ¹⁵ Im popow pe sogku, armai kosklentaru sogku, kos mori kokimlagkili ves. Im nagku ogi sai sesai kimi kumagku pe sai, kou novu anuitompne pogkum. ¹⁶ Raimo mori koklivai su, armai kolenuri indowi. ¹⁷ Ravugsaime, uryau kimi, im utarugi navan isend mori umnompi sogku kumagsi iramai ¹⁸ Im sikat umnavan, mori yaumorunenui pogkum ogi iror im marima yakamanui ogi nagri, memagku, iror ovon novsen nakan eni neyumparom isen kristu ¹⁹ Nipmi niskond imo wontavogi iror indowi, netnind novu isend,iror umnavos ogi satdi naromprom eniror, umontaru siame ranmap. ²⁰ Kou sai nur enogkos unpokup, im kokimlente vetwi neyowar, yesu kristu novsurmon. ²¹ Iyi onompi itvau hoklesirant netromorou, ma ante sogku nokesin isen nilasilawi, sogku ogi nompi horog isen mori iyi faneteme worompi siame su niskon iyi.