¹ Nagku kristu amnompi nomolsep, nagku kumnavoh ogi nelintogi unowami,nagku nowami saitevenra naviat,nagku kumatnemor ovoteme mumnompi nelintogi niskond, kumompi uvwarogi navos enyau, ² Ute kimi ra taru haiteven, ute kimi ogi nelintogi haiteven, im ogi nowami haiteven, im ogi taru haiteven . ³ Utwompi natkisak ra nogkogko ku worvai narigi eni neteme, kou ogi nomolsep unowami im magku ovoteme momu armai iram. ⁴ Taui sai ku sai irami ontarugi siame isen iyi wokon, kou ontaru sogku ogi siame niskon ovoteme nogkon. ⁵ Uvinte imo taru unowami sogku mori yemete ra yesu kristu, ⁶ it iyi sogku novu, yetuku neforogi woreti horog saiteven sogku novu. ⁷ You yetuku ogi iyi, yivan iran sogku levsau wokon, yete sogku safi neteme. ⁸ Yete iran nomolsep yivai, nalkolki tamas pogi nmas im hogku nmas ra neyumparom. ⁹ Im novu yemetipe sak iyi, memovogi nin tantvakpe ra ovon nin omwisu, ¹⁰ Ra nin eni yesu wosei nompunetred ovoteme omwisu unpokup im ranmap, ¹¹ Ra netnin nmap, im wanwi iyi ovoteme omwisu magku yesu kristu oti narisak ogi nilasilaswi eni novu itment. ¹² Im ravugsamime pau enyau, sogku mori kumalkolki indowi, tawi wokon kou yau dal kimi, kou marima yakamente isut, wosorogi siame neyowar niskomi ogi nelintogi im nevkurkur. ¹³ Ra novu amnompurak unowami worompi im wortarugi ra itmah pau eni iyi pe iyi. ¹⁴ Wompi siamesu armai im tawi ogi tavuntan im nawor. ¹⁵ Ma kimi kwante ovoteme armai im itnehog hogku ovonyau eni novu im taui hai sesai ur irami uniminda palsi sendukie im nelvukvat kumante dal iror sogku ovon nilwo ra nmap, mumosuli nam nomurep. ¹⁶ Ma yakampai woravos ogi ra dan eni kristu, memagku yau metwavan wokon kutorogat wokon. ¹⁷ Im itnnehog, nagku worsilgi de enyau sogku nim sin sokwar, im nagalau sorug ogi tavniri enogkmi, yakamnavos, im yakamnvos dal kimi omwisu. ¹⁸ Im hogkusu wavos dal kimi im wavos dal yau. ¹⁹ Im marima yakamgku ra yesu novsurmon wortamuli timoti pogkum ma yokonavos im magkili ogi kimi. ²⁰ Ra tawi sai neteme enyau tanpoves iyi wortaruves ogi kimi. ²¹ Ra iror su umontarugi siame eniror wokon kou tawi siame eni yesu kristu. ²² Kou kimi kumagkili netvaru eni, ma yemesitu iran ma nam navosavos onalouves sogku sai netni amentorogat iran itmen isen ²³ Im yokontamuli iyi pogkum marima, ma yakagkili anti nokwo ogi yau. ²⁴ Im yakamentavniri ra navsurmon ma yau hogku yakampelom pogkum marima. ²⁵ Kou yau moku armai yokontamuli epaphroditus, avugsai, iyi neteme torogat im neteme nempaku dal yau, im levsau enogkmi, yemelintokyau ra noromkorenyau. ²⁶ Im yemelintogkum tamas, memorgi sat, ra kumurgi ma yemamarat. ²⁷ Kou itnehog yemamarat potpot nmah im tawi iran iyi wokon, kou iran sogku, ma yokotwampai norgompunum ra norgompunum. ²⁸ Kou pe sogku yokontamuli iyi itnom, memagku, sogku kwagsi iyi, kwonavos kimi, im yakante momu virok ra norgompunum enyau ²⁹ Kou pe uvai iyi ra novsurmon ogi navos omwisu, musesyeves irand ovoteme sogku iyi. ³⁰ Ra ogi nompurak eni kristu yemompotpot nmah ma iyi agkomli nompurak enyau niskomi mori yaumetukompli .