¹ Im sogku pe, ravugsaime pau yakemnelitogkm tamas, kimi navos enyau im kraun enyau, ute songku unam ra novsurmon, ravugsaime kimi pau. ² Yakamanuwi tamas pogi yuodia im pogi sinteki, memagku iror wantedowi ra taru haiteven unowand ra novsurmon. ³ Im itnesog yakamnesenogkik songku, kik nesitu irag itnesog, avror ovasiven mori, ra iror dumutorogat ra nam navosavos, im kiement sogku im iror ovoteme nogkon dumutorogat dal yau ovon nind umante ra netai nomurep. ⁴ Wavosr ra novsurmon indowi kimi. Im yakoumemanwi memagku, wavos kimi. ⁵ Armai ovoteme omwisu wagsi nomolsep enogkmi novsurmone ompotpot. ⁶ Uturgi sat tamas ogi sai sesai, kou ogi nofuaki im nesengi im ogi kompalogi unwi ovon nakyogi enogkmi pogi novu. ⁷ Im nenparata eni novu, mori tamas wokon nogkogko worokili, ante mafinte nowami, im ovon taru enogkmi ra yesu kristu. ⁸ Im avni, ravugsaime, siame mori itnesog, siame mori sesye siame mori tanpo, siame mori sentvives.siame mori armai, siame mori umnompuvok armai ogi, nagku sai netvaru armai, im nagku sai narigi, utaruwokond imo siame. ⁹ Siame mori yauimtavsog kum im kumuvai im kumurgi im kumuksi irag, wompi imo siame, im novu nenparata ante dal kimi. ¹⁰ Kou yaumavos tamas ra novsurmon, ra marima ra nisak kimi kumontaruwokyau, im itnehog kimi kumagku wortaruwokyau, kou yetute nempgon armai nimsin. ¹¹ Tawi ma yakamanwi noromkor enyau; ra oumentavsokyau, nagku nokwo nokwo irag, kou worompalogi momante armaiwi. ¹² Yakamagkili woretai wokon tawi sesai, imyakamagkili woretai ogi siame sikat niskug ar sesai im ra ovon siam omwisu omentavsokau wortali yau im wororgi ntemas, woretipe noute, im woreti noromkor. ¹³ Yau faneteme worompi tiame su omwisu ogi iyi mori amnompi yau faneteme. ¹⁴ Kou kumompalogi, kumompi armai ra kimi kumavoryau ra norgompunum enyau. ¹⁵ Im kimi lo filipai, kimi kumagkili, masogku natipotnin nam navosavos, ra sogku yau memne marogi masedonia, tawi sai lou tompor yemesitu dal yau wortalog moniku worvai. ¹⁶ Kou kimi wokon, ra tesalonaika kumurun tamuli sie poyau ra noromkor enyau. ¹⁷ Yokotumnakyogi itmas, kou yakamnesorogi novwan armai mori onenom niskomi. ¹⁸ Kou yokokvai siamesu, im sikat momugo tiame niskug, yakamnavos tamas ra yokokvai marogi epafrodaitas siame mori kimi kumutamuli poyau, sai nempenves armai, sai talok itmas, unipmi eni novu. ¹⁹ Im novu enyau ampogkum siame omwisu aramai niskomi sogku noute nusyan armai isen im nilasilaswi ra yesu kristu. ²⁰ Ante mantepogi novu enogkos im itment nilasilaswi uvum nevisu indowi indowi amen. ²¹ Iror pau ovoteme armai omwisu ra yesu kristu ravetme umante dal yau umagku kimi pau. Ovoteme armai omwisu umagku kimi pau. ²² Kou momu tamas iror mori umante ra temne eni sisa. ²³ Ante mante unowami kimi nelintogi omwisu eni yesu kristu novsurmon enogkos.