Netai eni Timoti penuri tamas:3 virok:1 mafeli-17.
1
kou okili sie imo,ma ra navlutnin ndan kampelom ovon ndan ndomosu.
2
Ra ovoteme wampelom wonakayokond iror pe iror go wonelintogi naviat ,mantvisep,nvaisak,nenwali,netwalkolki ovon etmend im ndinment,tawi nenwi kompalogi im tawi tanpo wi.
3
Tawi hai ntaru eni,tawi ntasiasie,tavuntant,tawi nelkavsivsi iyi,itrowil,tawi navos ra sie armai.
4
Ovnempiri,nokinives ntaru itursak,ovnavos ranmap momu ra ovnavos ra novu.
5
Wante hogkusu ovon tanpo kou wonompi nendvawo gi horogsak wi.Mompi ma kante isut marogi ovoteme ma.
6
Ra ilvukteven iror ovoteme mori kumnintor ra ovnimote mumnompi ovahiven mori ntaru eniror tawi itrogko mori kumonteihak gi ovon sat im mumnuri ovon nakayogi ginmah.
7
Ndan su kumontavsogi,kou kutumagkili worvelom ra hai nokili ogi tanpo.
8
Ra ovnompi ima Janes im Jambres ndwagkokowi wi Moes,mompi ma ovoteme imo ndwagkokowi wi tanpoveh ovoteme ntaru ndi ra nowant/ntaru eniror,im muvelom ovoteme wokon tawi ra ovntavniri.
9
Kou kutwampe tantop,ra ovntaru wokon kampelom nendvavo ponor omuwisu,hogkusu yepmpelom irand iror mori ma.
10
Kou kik kuri ovon nam nenwavsogi enyau,nokhi worompi,ntavniri nvai nesoru tantop,nelintogi,noramel,
11
nvai ndi,nesoru,im sie ivelom irag ra nur Antiok,ra Ikonium,im ra Listra,ovntaru se ma ra ovnvai ndi yaumtanatevakpe wi.Im kamante lap,Novsurumon ivai pelak yau marokond.
12
Im hogkusu ma iror mori kunakayogi worete ra ovon nompi mori tanpo ra Iesu Kristu wampai ndi iror.
13
Kou ovoteme ndi im ovnamlai iror wampe ,momu urveh,wonovotogi nogkon im wonovotokond.
14
Kou kik kanteigi worompi sie mori ndutavsogkik gi im kantur ndomo ra ntavniri worokili ra mei ma kimpai ovnokili.
15
Im nempigon kik virok kimokili su ovnetai vamon mori worompi kik worokili ovnelkon ra neiyowar marogi tavniri mori ra Iesu Kristu.
16
Ovon netai tompor omwisu ndutipe tavsimogi marogi Novu im iyi armai worenwavsogi,woreyevor ogi,woruriand ogi im,im worsuliveh ra ovon netvaru mori ovon tampoliveh.
17
Ma neteme en Novu kagkili nvelom tantevakpe,gi siamesu ogi ovon nompurak armaigo.