Netai eni Timoti Penuri tamas:4 virok:1mafeli-22.
1
Yakamanwi im memanwi ponok ra nipmi Novu im Iesu Kristu,mori iyi koumampogi nurian ponor ovon nomurep im ovon nmas,im torilki isen im lou isen:
2
konterenwi nam kontahvehveh ra ndan nve ilat im ra ndan mori tawi nve ilat;Konatkisak,kanwali kampaisak gi noramel im nenwavsogi.
3
Ra kampelom ndan mori ovoteme kutwagkili tantvakpe ra ovon navian ovnenwavsogi.Kou wosemsimogi ovon tavsogi marogi ovnakayogi eniror,telgont kanakyogi wororgi.
4
Im wampoli ovnorgi marogi ovon tanpo,im itnesogveh wampoli iror mawi ovon vuvu.
5
Kou kik kaghokveh/kaghiveh mentaru armai ra siame su konasau ovndan ndomo ompi ovnompurak woryevi ovoteme;okomliveh ovon talou.
6
Ra kutorpesisu yau,im ndan enyau worowi imo nmap kovelom su.
7
Yokokompli su ra hai nempil armai,yokokompli hai nalau,yokofinteveh tavniri.
8
Im marima umpwavkor ogi tanpoveh kutipe tavehveh,niskug,mori Novsurumon neteme nurian tanempo,kampoyau ra ndan mori,im tawi Novsurumon neteme nurian tanempo
9
Tapmiveh worvelom poyau itnom.
10
Ra Dimas kovoyau,memnelintogi nomurep ra ndan ire,im mpe ra nur Tesolenaika,Kresens im ra nur Kalesia,im Taitas kokve Dalmaita.
11
Luk ikohai ndu yau.kontouri mak im mampaipelom ndu kik,ra iyi armai irag ra imo nompurak.
12
Kou yokotamuli Tihikas kokve Efisas.
13
Semplawon mori yaumousep Troas ndu Karapas,kampai nempigon kemampelom,im ovnetai,mori iturtavsimogi.
14
Aliksanda neteme nompurak gi kopa iyi yovoyau nogkogko tamah.Novsurumon iyi kavitorilki nvasi pogi iyi marogi ovon nompi eni.
15
Kik hogku kolavleh iram parogi iyi,ra iyi yenwali ntamah ovnam enogkoh.
16
Ra ovnam nsuli enyau mampum,tawi hai neteme petur undu yau,kou omuwisak su nduwisep yau.Nigoi kutwahapi parokond.
17
Kou Novsurumon yetur ndu yau im movoyau faneteme ma marokyau,nahavyogi nam iyi kampelom itrompukveh,im iror ovoteme pelak wagkili norgi hogku.Im mompi ma nduvai pelak yau marogi nogun laion.
18
Novsurumon iyi kampai pelak yau ra ovon nompi ndi/ur im menavoryau kou worve ra lou unpokup/simanlou eni.Pogi iyi nilaslaswi uvurini im uvurini.Amen.
19
Uvaives Prisila im Akwila,im nimote en Onisiforas/wansiforas.
20
Erastas kamante Korin,kou Tropimas yokovyogi iyi Miletas itramarat.
21
Tapmi matekisak pelom penuri ndan nakah kampelom.Eibalas kamanwi kik pau ponok,im Padens,im linas im Klodia,im rapmusaime.
22
Novsurumon kante ra naviat enogkik Nevaiyeveh kante iram.