Netai eni Timoti ndurugi tamas:2 virok:1 mafeli-26.
1
Kik pe kik,nitug kantur ndomo ra nelintogi ra Iesu Kristu.
2
Im ovon nam kimorgi marokyau ra mampum ovon nompuvsok ndumuvogi siame imo pogi ovon ovoteme torenwiveh mori wagkili tavsokond ovoteme nogkon hogkusu.
3
Konasau ovndan ndomo veh ndu yau,hogkusu hai neteme ra navkat mori wagkili tavsokond ovoteme nogkon hogkusu.
4
Tawi hai neteme mori kamentorogat hogku hai neteme navakat kamagklar im mementalet iyi pe iyi ra ovnompi ra ovnomurep eni/isen ,ma kagkili worompi armai iyi mori kosemsi iyi ra nompurak morima.
5
Hogku nagku hai neteme kamag kompli hogkusu hai neteme nalau,iyi kutumampogi umpwavkor nagku kotumentampli murigi ovnamalam wi.
6
Neteme nenduk kamnompurak worvai hai netvavwi ra ovon sie mampum ndwowi.
7
Kontarugi sie yihi yakanwi ponok,ra Novsurumon kamponok nokili ra siame su.
8
Kontarugi Iesu Kristu,yovsorsak ra nmah,marogi novsen eni Deivet,marogi nam navosavos en enyau,
9
ra yima yakem nasau ra nur mori yakamante ra ovnos ndomo hogku hai netemendi/sat.
10
Ra siame imo yokokompliveh siame niskon iror mori kusemsi iror,ma iror hogku wagkili nvai nomurep mori ra Iesu Kristu,gi nilaswi uvruni.
11
Iyi hai tavniri nompogon wi nenwi:''Nagku itnesogveh kolimah ndal iyi kolamurep hogku ndal iyi.
12
Nagku kokimlenatkisak,koh hogku kolenavri ndal iyi.Nagku kokimlenamlai iyi hogku kotwagkilkoh.
13
nagku koletum nompiveh,iyi kamante hogkusu,ra iyi pe iyi kotwagkili noumenamlai.''
14
Kou manwi ponor/kanwavsokond ra siame imo ra nipmi Novu ma kutwonawor ra ovnam mori tawi fan,kou memagkinor iror mori kumandigi.
15
Konompiveh ma kantipe kik pogi Novu hogkusu hai neteme nompurak mori kotwon naromprom,memandiokiveh ovon nam tanpo.
16
Kante isut marogi ovon nam tawi nompogon,tawi fan,ra wontourok ra momu tawi tompor.
17
Im nam eniror wonavhyogi hogkusu hai novoli.Ra mompon iror iyi Himenaias im Filetas,
18
mori ndwalou parogi nam tanpoveh,mumawi ma novsorsak yivelom pesu,im iror kumagkili tavniri en nogkon momu
19
Hogkusu,potnin ndomo en Novu iyi kamantur,yivai imo netvintrogi/nelkavsisi:''Novsurumon
20
kamagkili iror mori eni''im ''Omwisu mori nind Novusurmon kotwagkili nvai iror marogi tawi tanpoves.''Marima ra nimo nivoris,tawi wokon ovon koul im silva,kou ra ovnei im vera hogku im nogkon momu ovon nompogon wi,im nogkon tawi nompogon wi.
21
Mompi ma nagku hai neteme kamnompalogi iyi marogi siame iyihi,iyi kampelom hai sie worsiesie wi,pelak,armaives pogi Natmonuk,im mentavehveh gi ovon nompurak armaigo.
22
Mompi alou isut parogi nelahivien im menelehi tanpoves,tavniri,nelintogi,im nenparata ndal iror mori kumamprogi nin Novsurumon marogi patmonuk itvau.
23
Kou kausep ovon nemlu im ovon tamsi itrogko magkilima kamampogi nompromkomol gi naviam.
24
Im ovon levsau en Novsurumon kutwonnawor,kou wante armai ndal omwisu,wagkilitavsogi monemelukluk.
25
Im togosovliveh tavsogi iror mori kumnagkowi iyi ma nigoi Novu kagkili novonor tasiasie ra ovnokili ra ovntanpo.
26
Im wagkili nvelom ovntaruveh nempigon hai momu im monalou parogi neipua en natmah,mori ndupmulkavor worompi nakayogi eni.