¹ Tetes mon nge mbe husi visia tes, viye nio yam me buo kio nge, ma meia vian yan abialo na me ber yen tes, te tas yan. Te vianten nio yam buo orr visia tes. ² Ma ka sie me buo miane nio yen jubdene an, are yen san usie an, ente mi sewe sa maka miane nio. ³ ''Ongane! vianten na me vian kawe towane an wutiye . ⁴ Ma towane wutiye, te wosua me tesi visia seli, te base mahane nio. ⁵ Wosua me tesi yan vior arna tan toi towo. Muluk me mamanga ten kuon tevian na tan tio wese. ⁶ Wuti yie na mu luk yan vior ka yia te ane te ma nkao. ⁷ Wuti yie wosua me tesi yen siok siok me luk muwu are doh lingi wejie. ⁸ Na me tesi yan dan na muwu me luk lingi wejee mi thirty, sixty, or hundred. ⁹ Te ma ka, ''sie sa meme ka we yiongta, lingi wa yiongta!'' ¹⁰ Bilie na jesus, kion miane san twelve vianten yam du yam du usii nge ne parables. ¹¹ Te me ka miane nio, ''kim sengene kimim mene yapu na yen tongtong. Are nio na yam du vilie sie kevene ka we yen parables, ¹² Tevian ka yat essi, ao yam essi, are ya toh essi, are ka yat ongane, ao yam ongane,are ya toh kowilie, are ya toh sakuokuo are yapu me yurmiline nio.'' ¹³ Maka miane nio, ''kido kowilie parable nionte? Nanges sa are kip kowilie parable nionte?'' ¹⁴ vianten na me bea yie. ¹⁵ nio na me luk yan seli, makimiane, na yam ongane. Are temiar meme sioku medone nio. ¹⁶ Wudi yie na ma tesi yan tan namie vior, yam ongane tiok are yam ongae mumu. ¹⁷ Are sa nior katean me dianga, daa yasyas na shiote nio te yam murr yen sa nior katean ¹⁸ Nio na yam luk yen besie lee. Makimiane nio na yam ongane tiok. ¹⁹ Are yam ongane muwu tevian tiok, are shie ne tana bian nio yam me mawane nge. ²⁰ wudi yie na me luk yan tan na mewu mi nio na yam uongta ne tiok, te yam ongane muwu te yam timiane te ma tilia weje, thirty, sixty, or hundred or we pis Mon. ²¹ Yesu maka miane nio, ''kom lie light me lingi berr yen atuwo or bian biar? kop lie me bianem te lingi yan miliesie. ²² Towese ka kon lingsene shie tosua. or shie tosua towese kaneni aran na mi mesa. ²³ Vianten na gelingian me ber ten yongta an, lingone we yongta. ²⁴ Te maka miane nio, ''saeyong te yongta, kop sangane are na kom sangane kawi towo ten mon. ²⁵ Tevian ngok si kowusi, miane nge kawe sangane wetowo, are ngok si na mentiaga, kawe lie.'' ²⁶ Te jesus maka mon, ''yien tongtong mangkimiane vianten nama piea wuti yie yien tan. ²⁷ Me berr yien mieaik are narop, me tavia te luk, are toh kowilie ka mangivi. ²⁸ tana bian ma towane wejee suwuon, mimo te ongane te wejee nio yam ongane. ²⁹ wembung na wuti yie me mien, te ma bisien ane na ma naknak. ³⁰ Tetes mon maka, ''ka rap ka wakivi ne kuane tata yen tongtong, or parable sewe nio sa ka rap usum ne explainem nio? ³¹ Makimiane weti yie na kom bia are ma kekei save weti yie kevene ne tanabian. ³² Tetes mon ka kot bia, te muluk save siee kevene na be luk yen toh, besie nio ma wowo ma wese ka base ne yen tongtong ka yap me ngene sa weni yan. ³³ Tevian parable niote, nge kawe bun ane miane nio vian ka yap kole. ³⁴ Nge me bun miane parable. Are kate berr nge suwuon, ma explenem sie kevene miane san disciple nio. ³⁵ Yan webung ente, biavep maka, ''rap vian tevesie. ³⁶ Te yam lingkone vianten nio yam du, te yam liee yesu miane nio yan abialo, are abialo wuosua mon yam wusili nge. ³⁷ Yam du vian te yeng sua me tavia yen tes, te tevia ma wowo te be sungane abialo vian te wie mbe buo yen abialo. ³⁸ Are yesu nge be berrmiaik. yam kieku nge te, ka, ''Teacher, koto ndiniane ka kop kowelie besili ka rap mermer?'' ³⁹ Te me tavia te ka yeng miane tes ka yep saiong, te yem saiong. ⁴⁰ Te maka miane nio, ''tevian sewe sa omim menek? Semim nior katean mendianga?'' ⁴¹ Oh menekten, te yam sosoro mene nio tetes, ''sie sami nge, tevian yeng miane tes yem yiongta bian nge?''