¹ Jisas mu kuli vian tetes mon pian hemyio, te vianten swa me ber ate vehan mu lunglung. ² Vianten woswa yam ndu miar ane nge na ka te kune vianten ente ne san mese-an yan Sabbath te maka yap toh ndaa miane nge. ³ Jisas ma ka miane vianten na vehen mu lunglung, ''Me atak.'' ⁴ Kuon te ma ka miane vianten nio, ''Yen low te mior ka yap ngene wuhan yan Sabbath mente yap ngene sanga-an; ka yap sakuwu meuan mente yap tiye meuan?'' kuon te orr ma mborr. ⁵ Me esi nio yen yoyaya ah ongane ma sanga tevian sa meuan mi yas ten, te ma ka miane na vihan mu lunglung, ''Kop sio sisie viham.'' Te mi sio sisie vihan kuon te meme mior tetes. ⁶ Viaswa kuon pharisee nio yam sovilye te ndu betene miane vianten se Herod nio na ka wa kivi na yap lingi nge yen mer-an. ⁷ Jisas miane san hepepeso nio yam kuo vian husili tes, te wuo vianten ne Kalili miane Judia yam ndu husili nge. ⁸ Nio na Jerusalem ah Idumea ah vian tone Jordan ah kokio Tyre ah Sidon. Bilina yam ongane sisie na nge be ngene, te wuo vianten na towo yam me ne nge. ⁹ ka miane san hepepeso nio ka yap naknak ane apialo kekei tuswa tene nge, tevian viye nio saka yan tusivia nge. ¹⁰ Ma sengene meuan miane nio yam pis, te kevene na yam mese yam vian ane nge, tevian yam ndimiane ka yap sikia nge. ¹¹ Bilina ninmeuan na yam sanga ka yat esi nge, te yam murr mo ne nge ah ndeng te ka, ''Ngok komi Neti God.'' ¹² Nge me kietase mabayias miane ka saka yan warwuwuo nge. ¹³ Nge me vian yan wehu te kie nio na ma ndimiane nio, te yam mene nge. ¹⁴ Mi ling viha yan niosi songavialo ka yap ndu miane nge, ah ka wa sengene nio ka yap vian ka ndion. ¹⁵ Ah ka yap liye yasan-an na ka yap siokuwu mese-an ah ka yap kokuwu demiarr. ¹⁶ Ma tilia nio na yami somngavialo: Simon na san is mi Peter; ¹⁷ James na mie neti zebedee, John mbivian se James na malingie is swa yan nia mi Boanerges,na yemi neti mbiata. ¹⁸ Ah Andrew, Philip, Bartholomew, Matthew, Thomas, James neti Alphaeus, Thaddaeus, Simon ne Caanan. ¹⁹ Ah Judas Iscariot na ka wu pusane nge. Te nio yam vian tenem. ²⁰ Viye nio yam me buo kio nio tetes mon te ngene yato wese ka yap hen. ²¹ San viale nio yam ongane te vian ka yap nkumkate nge, teviana yam ka, ''San noirnior-an masea.'' ²² Tija ne low nio na yam me Jerusalem yam ka, ''Nge ma liye Beelzabul, miane prince se demiarr na mo kokuwu demiar.'' ²³ Jisas mi kie nio me te ka miane nio yen jiopte-an, ''Ka wakivi ne na ka Satan ka wa kokuwo Satan tetes? ²⁴ Ka kingdom tuswa ti bibi motone nge tetes, ka kingdom ente saka ni dinio. ²⁵ Ka hem tuswa ka te bibi motone nge tetes, saka hem ente ni dinio. ²⁶ Ka Satan wa mbah miane nge tetes te ma bibine nge suwuon, saka nge ni dinio, ah ka wi san ngilisie kuon te. ²⁷ Tuswa toh wese ka we vian pian hem me vianten na mabayas te tilia sukuon, wimo ka wa piskate vianten ente ngambak, ah kawet vian pian hem te mawane sukuon. ²⁸ Petenten nap ka miane kimim, sanga kevene san vianten nio me mo kole ka yap yorrmiline, miane soro vivi-an. ²⁹ Ah tuswa ka te soro vivi ane ninmeuan na mu kuon, yorrmiline-an ka wi ndianga, kawa viose san kienkien-an ber miato ten.'' ³⁰ Jisas ente teviane yam ka, ka, ''Nge ti liye ninmeuan na masanga.'' ³¹ San nana miane san bivian niosi yem dinio ndu viye, ah sengene ndaa ka yap kie nge. ³² Viye nio na yam tas kikio nge yam ka miane ka, sam nana ah sam bivian ah sam meteseli nio yam ndu vilye, yam tee ane ngok.'' ³³ Te nge ma ka miane nio, ''Si mi sak nana, ah si mi sok bivian?'' ³⁴ Me tee husili nio na yam tas kio nge te ka, ''Niontak sa yami sok nana, ah i sok bivian! ³⁵ Si sa me ngene ndimiane-an se God, nge sa mi sok bivian, sok meteseli ah sok nana.''