¹ Bilina Jisas mu kuli me capernaum mito ne wembung vijo, te yam ongane na nge mbe tenem. ² Te yam puoten na yam sukuo, te orr ma kekei ne nio te me besili ne mbelem mon, te ma soro te ma ka ndaa miane nio. ³ Te vianten woswa yam mene nge, yam viose vianten swa na ma mese bien mu lunglung, niosi vier yem viose nge. ⁴ Bilina yeto wese ka ye vian besili tevian wuo vianten, te yem sekuwu vijuop ane hem na memior ane Jisas, ka yiet sangave te sengep te yem ling kowene mese-an na mu lunglung miane san nding me yan tan. ⁵ Me esi sasi mbiangru, Jisas ma ka miane na mu lunglung, ''Netuk, sam sanga-an nam yiormiline.'' ⁶ Te tija ne low woswa yam tas ndu ate te sa meuan masanga ne nge, Yam ndu ndimie ka, ⁷ ''Tevian sewe sa nge mbe soro mangetak? Ma soro imaru! Si ka wu liep kuwu sanga-an? God suwuon! ⁸ Viaswa kuon Jisas mo kowilye yen ninmeuan sewe sa nio yam ndu noir husili, te maka niane nio, ''Tevian sewe sa kim ndu niornior mangete yen simim meuan? ⁹ Enbe-an sa mololo ka yap ka miane vianten na mu lunglung, 'Sam sanga-an yam yiormiline,' mente yap ka, 'Tavia, liye sam nding te hoko'? ¹⁰ Tevian ka kip kowilye na Neti Viannten ma liye yasan yan tanapian na ka wi yiormiline sanga-an,'' ¹¹ Te maka miane mese-an na mu lunglung, ''Nam ka miane ngok, tavia, liye sam nding te vian tenem.'' ¹² Ma tavia viaswa kuon te liye san nding te sovilye nane hem mone kevene, kuon te kevene mehas ane nge ah vivio pian is se God te ka, ''Kinieto esi sietuswa ningitak.'' ¹³ Me vian tetes tevesie mbiliwie, te wou vianten na towo yam mene nge, te mbe pisien miane nio. ¹⁴ Ka te be save orr vian te me esi Levi neti Alphaeus ma tes ber yan mili puos tax an pian tent, ma ka miane, ''Husili nye.'' Ma tavia kuon te husili nge. ¹⁵ Jisas mbe hen pian hem me Levi miane nio yam puo na yam ndu suku tax, miane vianten ne sanga-an nio yam hen miane nge miane san hepepeso nio, nio yam puisten na yam ndu husili nge. ¹⁶ Bilina tija ne low miane pharisee nio yam esi na nge hen miane vianten ne tax nio ah sanga-an nio, te yan ka miane san hepepeso nio, ''Tevian sewe sa nge me hen ah min miane vianten nio na yam sanga?'' ¹⁷ Bilina Jisas ma ongane te ma ka miane nio, ''Vianten na me meu toh ndimie dokta, ah vianten na ma mese kuon. Nato me tevian nio na yam mior, ah nam me tevian nio na yam sanga ka yap kone nio motone sanga-an.'' ¹⁸ Hepepeso se Jon nio miane se pharisee nio yam ngene fasting. Vianten woswa yam me te ka miane nge ka, ''Tevian sewe sa hepepeso se Jon miane hepepeso se pharisee nio yam fast, ah sam hepepeso yato fast?'' ¹⁹ Jisas ma ka miane nio, ''Nio na ka yap ngene lee-an yam kowilye ka yap fast bilina bridegroom me ber miane nio? Ka bridegroom te ber miane nio te saka yan fast. ²⁰ Ah wumbung tuswa ka we me na ka yap liyep kuwu bridegroom motone nio, bili ente bon ka ya wet fast. ²¹ Toi vinaten tuswa ka wi mbite kaliko vivi yan kaliko miatoh. Katikite ka wa mijio motone na te miatoh, te ka wet mijio wa sangaten. ²² Tuswa saka ni lingi wain vivi vian yien mbeh miato. Katikite ka mbeh wo top ah wain ka wi lip, te mbeh-an ka wi hormes. Wain vivi ka we vian yein mbeh vivi.'' ²³ Yan Sabbath Jisas me vian pisia yen toh ne kon, te san hepepeso niosi yem ndowa kon te ndu vian. ²⁴ Te pharisee nio yam ka miane nge, ''Kowesi, tevian sewe sa yam ngene sie na tho mior yen low yan Sabbath?'' ²⁵ Nge ma ka miane nio, ''Kito esi na mi tis ber husili na David mbe yen ndimiane-an ah mya ma ate nge miane san vianten nio, ²⁶ Mangivi na nge te vian pian hem me God bilina Abiatar ti hai prist, ah hane mia na toh mior ka tuswa ne hane, ah prist kuon, te liye vian sengene miane nio na yam ndu miane nge?'' ²⁷ Te nge ma ka miane nio, ''Sabbath yat ngene mi se vianten, ah vianten toi se Sabbath.'' ²⁸ Tevian ente sa Neti Vianten mi Yapu ne Sabbath.''