¹ Jesus miane san discible Yam me tevesie tes, yan vilie ne Gerasenes. ² Jesus me sowilie motone abialo, te vianten na temiar ma songone mo sowilie me motone puluwu. ³ Vianten na meper yen puluwu. Vianten tusua sakane kopuon nge tetes mon, or kene vianten na meper yen kienkien an. ⁴ Ma teteve mene nete na yam pizie nge ne, te vianten tusua towese kane ngomu nge. ⁵ Yen lemiak kevene lia yen puluwu yan weu,nge me teng te lie vior sua me kien de be siep tase nge suwuon. ⁶ Te me esi jesus ma kukuo mene nge te singti mo ne. ⁷ Me teng vian milie,''sewe sa ka nap gene miane ngok, jesus, neti yapu na muwu? nambe usi pian is se yapu kion, sokon panisim nie.'' ⁸ te nge maka miane nge, ''kop kuo motone vianten entak, temiar.'' ⁹ Ma usii nge, ''ka sam is sa sii?'' ¹⁰ Ma ousie ka yap sengane nio via an vilie. ¹¹ Te buh parar na towo yam du luwo nio yan wewu. ¹² Yam usii nge, kawe sangane nio vian yen parar; damane kiniem ka kinie vian yen nio. ¹³ Te nge me damane nio; te temiar nio te yam vian sungane parar niote, te yam mia yan besio van yen tess, taor two thousand parar yam dion yen tess. ¹⁴ Te nio na yam luwuo parar nio te yam kuo vian yan vilie na dowuo, te wartae te vianten nio yam me ka yap essi sewe sama tilia orr an. ¹⁵ Te yam me teve yesu te essi vianten na temiar te songane te be tass, yen nior nior an muwu te oh menek ane. ¹⁶ Te vianten na temiar te songane nge ma sorowusili sie kevene, na ma tilia orr an, ma sorowusili vian sikia parar. ¹⁷ Te yam usii miane nge kawe kuo motone ate. ¹⁸ Bili na jesus be kiuli vian yan san abialo,vianten na temiar te berr yan te, be usii kawe usili nge. ¹⁹ Te jesus doh sivia nge, maka ko vian koane ngok tevian sam vanten nio te ka sewe sa yapu mekene muwu ne ngok. ²⁰ Te me vian be ka sewe na yesu me ngene muwu miane nge, te vianten nio yam kulie motone. ²¹ Jesus me kiuli vian tetes tevesie tess yan abialo, vianten nio yam buoo kio nge, visia tess. ²² Te vianten nio na yam ndu tebuon emm ne temtemiap an san iss sa jairus meme, ka te esii nge te ma singti yan lien. ²³ Ma ka, netuk viaven kawe mierr. Nam be usi ngok, davian te kop sikia te kawe mehu. ²⁴ Te ma usili nge, te vianten nio yam buoo usili nge. ²⁵ Te viapmiado sua na ma mese yen ndom towelve. ²⁶ Ma ongane me sanga yan vian doctor nio are ma sangane siee kevene na me san,na kane ongane wuwu are bet ongane masanga ten. ²⁷ viapmiado ente ma ongane na yam ka jesus, te me tee ne yesu yen vianten nio te sikia sukuon. ²⁸ Viapmiado an maka, ''anat sikia kanap ongane wuwu.'' ²⁹ Bili na viapmiado ente ma sikia jesus, te bura ne nge doo wet kuo, te nge me yiong ta kowilie yan tawilien bien na nge ka we ongane wuwu tevian san nior katean. ³⁰ Jesus me yong kowilie yan nge na san yas an me vian yan tan. me yase nge yen vianten nio tee te ka sii sa ma sikia sukuok?" ³¹ Te san disciples yam ka, "kom esii vianten nio yam buoo, 'are kom ka sii sama sikia nie?'" ³² Are jesus mbe tee biakilie sii sa ma sikia sukuon. ³³ Viapmiato an me kowilie sewe na ma tilia orr an ne nge, me vian sing singdie mone jesus, te ka beten an mene Jesus. ³⁴ Jesus maka miane nge, netuk viaven sam biangru me kene kom yas, vian yen ongane muwu an me are kop meu. ³⁵ Bilie na mbe soro, vianten nio na yam me yen em ne biie an suwa yam ka, neti vianten me merr. tevian sewe kenken an meme biarbiar. ³⁶ Yan wempung ente jesus yuogta masaveor an ten ne tioyon vianten na me tepuon em ne temtemiap an be soro,te maka miane om saka nenek. kop nior kate. ³⁷ Toh usie tusua kawa usilie nge are peter, james,miane john,are bivian se james. ³⁸ Yam me bian em ne biian se yapu te esii sa vianten yam du dum; yam du towane via nio te teng vian milie. ³⁹ Bilie na jesus ma bisia kuane vianten na me tepuon em ne temtemiap an, maka, ''tevian sewe kim ongane me sanga kim du teng? temili ente doh mier nge be bermiak kion. ⁴⁰ Ma ling sia vianten kevene vilie, te lie tata se temili miane san nana miane nio na yam du miane nge, yam vian bianem na temili ente be berr aran. ⁴¹ Ma nkomu vian temili ente te ka, ''temili viaven,nam ka miane ngok, kop tavia.'' ⁴² Mamanga kion temili ente me tavia te okoh (an dom mi twelve) mamanga kion yam ongane muwu tevian. ⁴³ Te ma ka miane nio ka saka tusua saka ne kowilie ne sieniotak. Te me ka miane nio ka yap sangane sietosu te we anee.