¹ Te yan wembung swa mbilina Jisas mbe husi ane vianten nio pian hemyio te mbe ka nda na tuwu husili tongtong miane nio, te jif prist miane skraib nio yam me miane elda nio. ² Yam soro te ka miane nge ka, ''Kop ka miane kimiem, rait sewe sa kom liye ka kope nkene siniontak, mente si sa ma sengene rait entak miane ngok?'' ³ Nge me sene ta ka miane nio, ''Mo te ka nie mon ka nap husi miane kimim, te kip ka miane nie. ⁴ Baptism na John mbe nkene: Me me nane tongtong mente nane vianten?'' ⁵ Nio yam soro milili kio nio ka, ''Ka rat ka, 'meme nane tongtong, ' nge ka waka, 'Te mangivi sa kitoh niorkateh?' ⁶ Ah ka rat ka, 'meme nane vianten,' vianten kevene niontak maka yap hembu err ne vior, teviana nio yam niorkateh na John nge mi provet.'' ⁷ Kuon te nio yam ka na yato kowiliye ar na meme arran. ⁸ Jisas me sene te ka,''Te saka Nie mon nan ka rait sewe sa nie nam liye ka nape nkene seniontak.'' ⁹ Nge maka parabol entak miane vianten nio, ''Vianten swa me mbya toh ne greips swa, tonok, ma lingi toh mbe yan nio na yam ndu tepuon grapes, te nge ma hoko vian yan vilye wsa timinies te ber mi merin. ¹⁰ Meme yan yembung an memior nge ma sengene san hepepeso vian tevian nio na yam ndu tepuon greips ka yap sengene wye an tisio miane nge. Ah nio na yam tepuon toh yam tie nge te sengekuwu ma hoko mes vian. ¹¹ Nge ma sengene hepepeso an swa mon vian te niosi yem jiop tase, yem ngene honmasa, te yem sengekuwu ma hoko mes vian. ¹² Nge ma sengene na mi sii-an vian, yem tiye te sengekuwu nge mon. ¹³ Te yapu ne toh ente maka, 'Kanap ngene wakivi, Wisewe ka nap sengene netukman na luk mikies ane vian te ka yewet memio ane'? ¹⁴ ''Ah mbilina ka nio yat esi nge, yam soromilili kio nio, ka, 'Entak mi natenman na ka dimian wa lingi sie kevene yan vyan. Sip tie nge te sie kevene niontak ka wi sansi.' ¹⁵ Ah niosi yem kokuwu nge motone toh te jiovini. Te kom ndimie ka yapu ne toh ka we ngene sewe ne nio? ¹⁶ Nge ka we me jiopsea nio na yam ndu tepuon toh, te sengene toh ne greips ente miane vianten minies nio.'' Mbilina ka yat hongane te yam ka na yato ndimiane ka we me ngimiane sewe sa yapu mbe ka. ¹⁷ Ah Jisas me tee husili nio, te ka, ''Ka wagivi ne nda na yam tiskate ber: 'Viorr na vianten ne nkies hem-an nio yam misien ane meme i mbeti viorr na ma pesetiliya hem'? ¹⁸ Kevene na ka yat murr yan viorr ente maka yap liolio milili, ah ka viorr ente tu murr yan tuswa maka wa muilie.'' ¹⁹ Kuonte skraib miane jif prist nio yam kowilye na nge mbe ka juptean ente mui hah, yem ndimiane ka yep ngomu nge mbiliente kuon ah homenek ane vianten nio. ²⁰ Yam ndu humiarr ane nge, te yam sengene vianten woswa na yam ngene kimiane na ka nio yat miorr, te ka yat vian hongane nge te ka nda tuswa saka te miorr, te ka yap liye nge vian teve yapu nio ah teve kavena. ²¹ Yam vian te husi nge, ka, ''Tija, kiniem kowilye na ngok kom usiane sie na me mior, te koto be tee yen vianten, ah kom usi ane peten-an na mui seli se God. ²² Temior ka er rap nkilye tax vian ane Sisa, mente to mior?'' ²³ Ah Jisas mu kowilye sa niornior-an, me sene te ka miane nio, ²⁴ ''Ka pisien ane coin tuswa miane nie. Si sa nion miane san is mbe yan?'' Nio yam ka, ''Cisa.'' ²⁵ Nge ma ka miane nio, ''Te sengene sie na mi se Cisa wu kuoli vian ane Cisa, ah sengene sie na mi se God wu kuoli vian ane God.'' ²⁶ Nio yato wese ka yap siokiline sie tuswa na nge ka wa ka wa sanga mone vianten nio, ah nio yam saprais ane san ansa nio te yato wet ka nda tuswa. ²⁷ Bilina Sadusis nio yam me tevian, nio na yato niorkate na ka vianten we tavia lili, ²⁸ yam husi miane ka, ''Tija, Moses me tis mene kiniem ka vianten tuswa san mbivian te merr ah san viaven te berr ah natea ti ndianga, vianten ente ka wa mas lye viaven se san mbivian te yep ling temili. ²⁹ Bivian yemi milivio(7) te tomo ne niosi ma lye viavin swa, nateya mi ndianga ah nge me merr. ³⁰ Na tuhusili an mon ma lye te merr motone. ³¹ Na ti sii an mon ma lye, te ma nkimiane vian sikia na ti milivio an ah tuswa to ling temili miane. ³² Mi to-an viaven an mbet mierr. ³³ Te yan wembung na ka vianten nio ka yat tavia lili, si sa ka wi san vianven? niosi kevene yet lene nge.'' ³⁴ Jisas ma ka miane nio, ''Vianten nio na ten meuan entak yam ndu tilya viaven te ndu lene nio. ³⁵ Ah nio na yam mior ka yap ndu yen meuan vivi, nio na yap tavia lili nane merr-an saka yan tilya viaven te ndu lene nio. ³⁶ Mente tuswa ne merr tetes, tevian na ka ya me nkinkis miane angel nio te i neti God na yam tavia lili nane merr-an. ³⁷ ses mon mey tishusili na ka Yapu ka we nkene vianten ka wa tavya tetes. Ram esi enteh yen sorousian na apiang ma piliney ndorr kekei swa. Ate ram esi na Moses mey kei Yapu mi, 'God se Abraham, God se Isak, mianey God se Jekob.' ³⁸ Te nge toyi God san nio na yam merr,ah mey God san nio na yam meu, teviana vianten kevene yam meu yan nge.'' ³⁹ Skraib wuoswa yam tavya te ka, ''Tija, kom ka nda na mey peten.'' ⁴⁰ Yatoh yet ka ka yawet hustaseh nda tuswa mon. ⁴¹ Jisas ma ka mianey nio, ''Tevian sewe sa vianten nio yam ndu ka na Christ mey elingling se Devet? ⁴² Yen buk ne Sam Devet ma ka, Yapu ma ka mieney sok Yapu ka, 'Kop tas mianey nye yan vyok na miato, ⁴³ sikia na ka nap ngene nio na yio mundu pyaney ngok, ka ya meh ndu pyan mbitinliem.' ⁴⁴ Devet mey kie Christ mey Yapu, te ka wa kivi na ka nge wi naten?'' ⁴⁵ Bilina viaten kevene yam ndu yiongta nge ma ka mianey san disaipol niosi ka, ⁴⁶ ''Kasip ndimye ne skraib (Tija ne lou) nio, nio na yam ndimianey ka yap ndu sesehar ane kaliko nio na ma weweyop, te yan mili puos-an yam ndinianey ka vianten nio yap ndu tavijio vya ne nio, te ndu ndimianey hetastas na muwu pyan hem ne temtemiap-an, ah ndu ndimianey ka yap ndu memio ne nio mbili henan sukuoan nio.'' ⁴⁷ Te yam ndu ngaraseh mborna nio te ndu tilya sukuo nio, ah ndu nkene temtemmiap-an nio na ma weweop te vianten nio ka yam ndu esi nio. Vianetn na mangiteh ka san kienkien-an kawi towoten mon ngambak.''