¹ Jesus Mey vyan te pisya yan vilye Jericho . ² Maki tak ,vanten swa San is sa Zacchaeus. Nge mi Yapu swa towo na be tilya vyor San vanten nyo te nkene sukuon mu tu. ³ Nge ma timea ne ka we esi si sa mi Jesus ,a toy wese ka ne esi teven venten nyo yam puo ten, teven nge mu purpurten ⁴ .Nkene nge mu kuo domo ne venten nyo te poo yan le sycamor tree te ka wey esi nge,teven Jesus ka wa husili seli ente. ⁵ Pilina na Jesus te mey myor ane nge,Mey te vyan milye te ka meyane nge,"Zacchaeus,Mey pyan wamaka,tema ka na perr huane ngok." ⁶ Te nge Mey seling pyarpyarMey pyan te nge ma hongane movuten . ⁷ Pilina venten kevene yam esi,nyo yam soro milili, teka ,"Nge Mey vyan ka wey esi venten na ma migigio te." ⁸ Zacchaeus ma ka meyane Yapu," kop esi yapu,ka nap sengene sok sukuok desye meyane nyo na yam nkivetu,nye na nat yasane syetusa, ka nap sengene liline vya viyer." ⁹ Jesus maka meyane nge, Tema sakuvuan ber kuanengok,teven nge mon mi neti Abraham . ¹⁰ Neti Yapu meymey te teane a sakuwu venten na ma se a." ¹¹ Pilina na nyo yam hongane sye nyo ente, nge ma soro vyan mon kyembak te soro yen pangao,teven nge be vyan pesili ne vilye Jerusalem,te nyo yam tu dimye tongtong se God be Mey pesili. ¹² Nge maka mon,"Vanten swa na ma lingi nge milye Mey vyan ka va liye tongtong swa mi San monok te ka kuoli. ¹³ e mi kye San epepeso yami songavi te pipine San vyor mi songavi meyane nyo te ka, 'kivyan te nkes yan vyor na nam sengene sikia ka nap kuoli.' ¹⁴ "Ah venten nyo na yan San vilye yato dimeane nge te yam sengene woswa yam Doro do ne nge,te ka , 'saka ran dam ane veanten entak ne towey err.' ¹⁵ Toy merin te yapu ente mukoli, liye kingdom, nge maka meyane San epepeso nyo mene nge ,dimeane ka wo kole vyor na yam nkes yan Mitovo na San business kawo kuo yan. ¹⁶ "Namimo meymey ne nge,te ka,'Yapu ,Sam vyor nam nkes yan mi songavi mo. ' ¹⁷ " Venten ente maka meyane nge,'muwuten , sok epepeso. teven Sam nkes an kom faithful yen sey kekei, ngok ka kop tepuon vilye wowo na songavi tak.' ¹⁸ "En lo an meymey, te ka,'Sam vyor,Yapu,nam vyan te nkene lim mon.' ¹⁹ " Yapu ente maka meyane nge,'ngok mon kop tepuon vilye wowo na lim ea.' ²⁰ Swa mon meymey, teka,'Yapu, Sam vyor tak,nam ling sene mowu yen seseiar nyo, ²¹ teven huluk menek ane ngok,teven yum kawepyane nge. Kom liye se na koto kene,Sam kes an mi Ormes.' ²² Venten ente maka meyane nge,'Sam daa nyo ka nap te husili ngok teven,komi epepeso swa na kom sanga.Ka kop kowilye na nye nami Venten ne soro an,liye sye na na toy lingi vyan,te nkene sye na na toy nkene . ²³ Teven seve sa ko toy ling lilie ne sok vyor ka nan me te lye,meyane tuswa mon na ka we per yan?' ²⁴ Te venten na sukuon mo du temaka meyane nyona yam tiniyo du pesili, 'liyep kuvu nane vyor na ma liye te sengene meyane ena ma liye vyor mi songavi . ²⁵ Nyo na ente yam ka meyane ka Yapu nge ma liye songavi vuk.' ²⁶ "'Nap ka meyane ngok ka kevene na yam liye ka vi tovo mon kyembak, a ne nge na nge toy liye,ne seve sa ma liye ka yap liep kuvu nan ne. ²⁷ A sok teve si tung an nyo na ya to dimeane ka na tepuon nyo,tilya nyo y te tiye mo ne nye."' ²⁸ Pilina ma ka sye nyonte monok te ma domo vyan Jerusalem. ²⁹ Me me mur swa pilina meymey pesili ne Bethphage mene Bethany yan veou na yam ka San is mi Olives,ma sengene San epbebeso lo, ³⁰ Ma ka," Ka va yen tenem sanan.Ka kat bies, ka syo kiline sie vinio swana yato kuo yan ve.wawate te liye sie vinio ente Mey ne nye. ³¹ Ka tuswa tu husi ngok,'te vean sewe sa kom vava te sie vinio ente?'ka meyane ka Yapu ma dimeane."'j ³² o na yam sengane nyo yam van te sio kiline sie vinio na ente ma kemeane na Yapu ma ka meyane nyo. ³³ Pilina yem du vavate sie vinio ente, swa sa han sie vinio na ente ma ka meyane o,"Teven sewe kim tu vavate sie vinio ente? ³⁴ "Yam ka ," Yapu ma dimeane. " ³⁵ Nyo yam liye vyan te we Jesus, te nyo yam tevane sesear swa sie vinio ente te Jesus Mey tas yan. ³⁶ Pilina be vyan, vanten nyo yam wuo sa sesear yan seli. ³⁷ Yen entak nge be vyan pesili ne eran yan veuo ne Olives ,wuo venten nyo yam tu ate meyane sa epepeso nyo yam tempese hongane movu te yam weyvio pyan is se God yan wetiu kevene teven kesan sewey sa mekene yam esi,ka, ³⁸ "wuan ka wey per yan King na meymey yen is se Yapu! du marmar ne tongtong meyane San horyup vyan meliye!". ³⁹ Pharisees woswa na yam tu tuane vanten nyo yam ka meyane nge,"Teacher,kop ka Sam epepeso. " ⁴⁰ Jesus ma soro te ka ,"nam ka meyane ngok, nyo na yam tu marmar ,ka vyor nyo yam teng van milye." ⁴¹ Pilina na Jesus Memey pisa yan vilye na tovo, nge Mey teng se, ⁴² te ka,"ka ngok kop kole webuong entak,meyane ngok,te sye na nam sengene meyane ngok tumarmar! a yene yam niy motone metam. ⁴³ ka webuong woswa ka we Mey na Sam venten nyo na yam San nka ne ngok ka yap nkene nke nker ka wo ko Kyo ngok yan tewesye kevene. ⁴⁴ Nyo ka yap tye ngok yan tan,meyane natom nyo meyane ngok.Nyo yap lingki vyor swaswa yan kor teven ngok koto tiye Sam kuone an." ⁴⁵ Jesus me pis byan hem yo te hote nyo na yam tu kene buos an, ⁴⁶ ka meyane nyo,"mi tis per na,mok hem ka vi hem ne temtemeap an,'a kimim kim kene mi hem ne yas an." ⁴⁷ Te Jesus pe husi webuong kevene pyan hem yo.Ah chief priest nyo meyane scribe yam tu teane nge ka yap mawane nge,Meyane nyo na yam tu tebuong vente nyo, ⁴⁸ nyo ya to syo kiye ne seli tuswa kyon te van venten nyo yam tu yongta ne nge.