¹ Jesus Mey te vyan milye te esi venten nyo na su kuo mo tu yam Mey te tu lingi van yen be er. ² Nge Mey esi weyap meato swa mi nki nki wetu kyon Mey vyan te lingi San vyor mi lo yen be er. ³ Tenge maka,"Petenan nam ka meyane ngok,weyap meatu na mi nkinki wetu tak ma mi tovo ma sa ve kevene. ⁴ Sye kevene na ngok kom liye kop sengene vi towo. Ah weyap meato, yen San ki wetu an ,ma lingi sye kevene na ka ne meu yan." ⁵ Woswa yam tu soro pyan hem yo,movu per makivi ne pyas an se vyor meyane seng en wa an,nge maka , ⁶ "Teven sye nyo na kom esi,webuong swa ka wey Mey na vyor nyon tak tuswa saka ne vet per yan tuswa na saka ne mur". ⁷ e nyo yam husi nge,"Teacher, sye nyon tak ka wey pisa nanges?Seve sa ka vi hem myarmyar ne sye nyo na ka wey pisa?" ⁸ Jesus maka,"kom dim mye na tusa saka ne kraken ngok. Ka venten nyo yap buo ka yam Mey yen sok is, te ka,'nye nam mi nge,'te,'Wembung mi pesili. 'Saka kon vyan meyane nyo . ⁹ Ka kot hungane ba an meyane kenken an,saka hom ne nek,teven sye kon te ka wey pisa vi mo,ah kilisye toy Mey nyem bak." ¹⁰ Te nge maka meyane nyo,"Vilye wowo ka tavea te pa meyane nyo,kingdom meyane kingdom. ¹¹ Ka rap esi moo wowo nyo,tevesye tanapyan ka Mia kyerkyer meyane kenken an.Ka rap esi sye tupuos nyo ka wey mey myem myarmyar ne tongtong. ¹² Wi mo sye nyon te,ka yap ling via yan ngok te tye ngok,ka yap sengene ngok vyan meyane synagogues meyane hem ne yas an,ka yap liye ngok vyan mo ne King meyane venten wowo nyo na yam te puon ate teven sok is. ¹³ Ka yap liye ngok vyan ate teven ka kop soro. ¹⁴ Yen ne kop naknak ane Sam meuan husili webung na pe Mey, ¹⁵ ka nye ka nap sengene daa meyane kovilye an na Sam venten nyo na yam sunga ka yap tuwuli esi ngok ne. ¹⁶ Ngok ka Sam dada meyane sam nana,Sam bivian,vyale nyo,nyo na kim bang bang sukuo,ka yap lingi kim mim tusio ne myer an. ¹⁷ Ngok ka yap sanga ne ngok teven sok is. ¹⁸ Ah ngok viyom tuswa ne patom saka ne mur. ¹⁹ Kot vyan tae ka kop liye meuan. ²⁰ Ka kot esi Jerusalem te sawo ne venten nyo ne pa an,te kop kovilye na kenken an pe Mey pesili. ²¹ Te ling ko ne nyo ne Judea yap kuo vyan yan wehu,ling kovene nyo na yam tu yen city yap kuo na ne,nyo na ya toy tu yen country saka yan kyoli vyan tetes. ²² Teven webung nyon te mi pa an, sye nyon te mi tis per na ka wey mey te vyan. ²³ Hongane mey sanga an ne nana na ma tilya kekei meyane nana nyo na sa kekei nyo yam milili ten yan webuong nyon te!Teven kenken an na ka wey per yan tan entak, meyane yo yaya vyan ne venten nyon tak. ²⁴ Nyo ka yap menteng teven kili er ye,meyane vyan te tu nkes yen nkinki vetu an yen vilye na towo,meyane jerusalem ka kulye yo yaya se yapu vyan ne Gentiles sik kya webung na Gentiles na wey vyan. ²⁵ Hem myar myar ka wey per yen yaa,yen hem pya te ,meyane yen misyo, yan tanapean. Vilye wowo nyo ka yap tu yen hongane ma sunga an , hongane ma sunga an teven tes meyane tevia. ²⁶ Ka venten nyo ka mendeng teven hon neknek ne sye nyo na mey yan Tanapyan. Yas an ne tongtong ka wu kuo. ²⁷ Nyo ka yap esi neti vanten ka wey Mey meten nyer meyane San yas an yen hor yop nato wo. ²⁸ Ah pilina sye nyon tak mutu Mey,tin nyo te te vi gyo batum ,teven Sam sa ku wu an meymey pesili. " ²⁹ Jesus maka sorosian swa myane nyo ,"esi le na yam ka mi fig tree,meyane le din sye. ³⁰ Pilina nyo yam tu twa ne yesukuo vivi Mey milye, ngok kop esi ne ngok suwom te kovilye na mes ma naknak. ³¹ va kem hemia ne,kom esi sye nyo motu tavea,kop koviliye na tongtong se Yapu meymey pesili. ³² Petenan nam ka meyane ngok,elingling entak sa ka no kole nok si kya sye nyo tak va liye mili yen. ³³ Tongtong meyane tanapyan ka wey mey vyan,ah sok daa sa ka no kole vi an. ³⁴ Kop nior husili ngok suwom, teven Sam meuan sa ka kenken teven wiye yasyas nyo ne min nan meyane hongane mes sa ka an ne meuan, teven webuong ente saka ne kuokuo ne ngok ³⁵ kyem meyane kuo swa.Teven ka wey mey yan venten kevene na yam tu yan tanapyan entak. ³⁶ Kop tete webuong kevene, temtemiyap teven ka kop payas te nie teven sye kevene na ka wey liye mil lien,meyane tin nyo mo ne neti Yapu." ³⁷ Meymey yan webuong na nge soro husi pyan hem yo,te yen mea ek ne Mey vyan yan wehu na yam ka mi olive. ³⁸ Venten nyo yam te an ne nge pepelin merin ka yap hongane San sorosian pyan hem yo.