¹ Hemia hemi hao wan man i sut lukluk mifala, olsem ol wokman blong kraes mo ol wokman blong trut blong God we oli haet. ² Nao wanem we yumi luk long ol wokman ya, hemi yumi luk se oli ol man we oli save trastem olgeta. ³ Be long mi, hemi wan smol samting nomo se weta bae yufala i jajem mi o mi pas long wan narafala kot. From mi no even save jajem mi wan. ⁴ Mi mi no save se i gat wan jaj akensem mi i stap. Be samting ia i no mekem se mi mi stret gud. Man we i save jajem mi hemi God nomo. ⁵ From samting ya,yufala i no mas jajem ol narafala man long eni samting we i no stret taem yet blong jajem olgeta. Bifo Masta i kambak. Hem bae i karem ol samting we i haet long tudak mo mekem ol samting we i stap insaet long hat blong man. Long team ya nao, God bae i leftemap nem blong wan wan man. ⁶ Ol brata, mi givim ol stampa samting ya long mi wetem Apollos from yufala, blong mekem se long mifala, yufala i save lanem mining blong tok se, ''yufala i no go pitim wanem we oli raetem i stap.'' Hemia i blong se nogat wan long yufala i save tok hae long hem pitim ol narafala wan. ⁷ Olsem wanem?hu i luk wan difrens bitwin yu mo ol narafala man?wanem samting we yu gat be yu nogat yet?Sapos yu risivim finis,why nao yu stap toktok tumas olsem se yu no risivim yet? ⁸ Olgeta samting ya we yufalai bin gat evri samting we yufala i wantem finis. Yufala i kam ol rijman finis. Yufala i stat rul finis -mo kam ol difren man long mifala. ⁹ Mifala i aposol, be mi luk se God i putum mifala i stap long las ples olgeta. I olsem mifala i stap long prisen mo oli redi blong kilim mifala i ded. Nao i olsem we mifala stap stanap long fred blong ol engel mo ol man long wol tu blong oli luk ol problem blong mifala. ¹⁰ Mifala i olsem ol kranke man long kraes, be yufala i ol waes man long kraes. Mifala i wik be yufala i strong ol man oli lukluk gud long yufala be mifala oli no lukluk gud long mifala. ¹¹ Kam kase hawa ya, mifala i angre mo testi tumas, mifala i nogat ol clots,oli wipim mifala mo nogat ples blong stap. ¹² Mifala i wok had wetem ol han blong mifala. Taem ol man ol tok nogud long mifala, mifala i no givimbak long olgeta, be mifala i stap blesem olgeta. Taem oli stap mekem nogud long mifala, mifala i stanap strong nomo. ¹³ Taem oli talem ol rapis toktok long mifala, mifala i toktok gud nomo long olgeta. Ol man oli stap mekem nogud long mifala olsem we mifala i rapis nomo. Kasem tede,oli stap luk mifala olsem toti blong wol nomo. ¹⁴ Mi no raetem ol samting ya blong mekem yu sem, be blong wonem yu olsem ol bilavet pikinini blong mi. ¹⁵ From spos we yu gat ten tausen kaitens long kraes, yu yu nogat fulap papa. From mi mi kam papa blong yu long Jisas kraes tru long gud nius. ¹⁶ So mi wantem yufala i mekem olsemm mi. ¹⁷ Hemia nao from wanem mi sendem yu timothy, bilavet mo feitful pikinini blong mi long Masta. Hem bae i tingbaot yu long ol wokbaot blong mi long kraes, i olsem we mi tijim olgeta evri ples mo long evri jej. ¹⁸ Naia sam long yufala oli ting se oli save moa mo oli stap mekem olsem se mi mi no bin kam long yufala. ¹⁹ Be bae mi kam luk yu i no longtaem, spos hemi wil blong Masta. Mo bae mi no save ol toktok blong olgeta we oli big hed tumas, be bae mi luk paoa blong olgeta. ²⁰ From kingdom blong God i no long ol toktok nomo be i gat paoa long hem tu. ²¹ Yu wantem wanem?yu ting se bae mi kam long yu blong panisim yu o wetem lav mo spirit blong gudfala fasin