2 Hem i wan man we i ting hae long hem!Ino nid blong yufala i harem nogud,from man ya we i mekem ol fasin ya bae hem i aot long yufala? 3 Iven to mi mi no stap wetem yufala,be spirit blong mi istap wetem yufala.Mi mi bin givim ol jajmen long man we istap mekem ol fasin olsem,i olsem we mi mi stap finis.
4 Taem yufala i kam tugeta long nem blong Masta Jisas Spirit blong mi mo paoa blong Masta Jisas istap wetem yufala,
5 Kivim man ya igo long setan from ol fasin nogud we hem istap mekem,blong mekem se spirit blong hem bae i save sev long dei blong jajmen. 6 Fasin blong ting hae long yu wan i nogud.Yufala ino save se smol is blong bred isave mekem wan bigfala bred? 7 Yufala i mekem yufala i klin aot long olfala is blong mekem se yufala ikam wan niufala flaoa we inogat is long hem,we bae i soemaot yufala. Ded blong Kraes,long kros i olsem blad blong smol sipsip ya we oli bin sakrifaesem. 8 Nao letem yumi selebretem lafet ya, ino wetem olfala is, we hemi ol rapis fasin mo ol fasin blong mekem ol kranke samting.Instet, yumi selebret wetem fasin we hemi rili tru i olsem wan bred we i nogat is long hem. 9 Mi raetem leta ia ikam blong talem se yu no mas joen wetem ol man we oli slip wetem woman we ino blong olgeta. 10 I no se mi minim ol man we oli silip wetem ol woman we ino blong olgeta blong wol ia, o ol man we oli selfis, o kavet, o wosipim aedol, from blong no joenem olgeta bae yu mas aot long wol ia. 11 Be naoia mi raet ikam long yu ino blong joen wetem eni wan we yu singaotem hem olsem wan brota be long laef blong he, hem i stap silip wetem ol woman olbaot, o hemi stap wosipim aedol, o talemaot ol toktok we i no stret, o hemi wan drong man o hemi -wan man blong kavet. No mas kakae wetem ol man olsem. 12 Hao nao mi save jajem olgeta we oli stap aotsaed long jej? Instet, mi save jajem olgeta insaed long jej? 13 Be bae God nao i jajem olgeta we oli stap aotside long jej. " Yu mas karem aot olgeta man we oli stap mekem rapis fasin long medel blong yufala."