2 Mi fidim yu wetem milk,be ino strong kakae,from yu no redi yet blong kakae;mo kasem naia yu no redi yet. 3 From yu stap yet long fasin blong wol ya.From we i gat jalus mo raorao bitwin long yufala,yu stap liv folem ol fasin blong wol,yu stap folem fasin blong ol man long wol?
4 Taem wan i talem se, ''Mi mi folem Pol'',mo narawan i talem se, ''Mi mi folem Apollos,mo yu no stap aktem yu olsem ol man blong wol?
5 Afta huia Apollos?Huia Pol?Tru long ol wokman blong God nao yu biliv,olsem we Masta igivim wok long wanwan long olgeta. 6 Mi mi planem mo Apollos i wotarem,be God i kroem.
7 Afta,ino impoten spos wan i planem o wan i wotarem. Be God nomo i mekem sid ya i gro. 8 Man we i plan mo man we i wotarem tufala i wok wan,mo wanwan long tufala bae i karem riwod blong tufala folem hadwok blong tufala.
9 From mitufala i wokman blong God.Mo yu yu karen blong God,haos blong God. 10 Folem gladhat blong God we i givim long mi wan talen olsem wan masta bilda, mi mi statem faondesen mo nara man i bild long hem.Be man we i bild long faondesen ia i mas lukaotem gud.
11 From i nogat wan man we i save startem faondesen ia olsem wan we hemi bin startem , hemi Jisas kraes. 12 Nao spos eniwan i bildim faondesen blong hem wetem gol,silva ,ol stone we oli sas , wud, lif blong natangura ,o bambu 13 bae wok blong hem i kamaot ,bae igat wan dei ia we bae hemi soemaot wok blong hem.Bae hemi soemaot long taem blong faea. Faea ia bae i testem kwaliti blong wok blong wanwan man. 14 14 Spos eni man igo hed long wok ia bae isave karem riwod from;
15 15 Be spos wok blong eni man i bon long faea bae hem i harem nogud,be hem wan nomo i save sev,i olsem we hem i pas tru long faea. 16 Yu no save se yu tempol blong God mo spirit blong God istap long yu?
17 Spos eni man i distroem tempol blong God,God bae i distroem man ya.From tempol blong God i holi mo yu tu yu holi. 18 No letem eni wan i luk daon long hem wan.Spos eni wan long yufala i ting se hemi waes long taem ya letem hem i kam ''Kranke'' blong mekem hem i kam waes.
19 From ol save blong wol ya i luk nogud nomo long God.Oli raetem se, ''Hemi kasem ol man we oli talem se oli waes tru long ol rapis fasin blong olgeta.''
20 Mo bakegen, ''Papa God i save se risen blong olgeta we oli ting se oli waes oli nating.'' 21 From risen ya yufala i no tokbaot ol man ya tumas.From evri samting ya i blong yufala.
22 spos Pol,o Apollos,o Cephas,o wol ya,o laef,o ded,o ol samting blong tedei,o ol samting we istap kam yet.Ol samting ya hemi blong yufala,
23 mo yu blong Kraes,mo Kraes ya hemi God.