¹ Taem mi kam long yufala,ol brata mo sista,mi mi no tok flas o mi talem tingting blong nara man.Taem mi kam mi talem ol samting abaot God we oli bin haed bifo. ² Taem we mi mi stap wetem yufala,mi jus blong no save tokbaot eni samting taem mi stap wetem yufala,be ded blong Jisas Kraes nomo. ³ Taem we mi stap wetem yufala mi mi no save mekem wan samting from mi fraet mo mi seksek tumas. ⁴ Ol mesej we mi stap talem aot long yufala ino wetem paoa blong toktok blong save,be wetem paoa blong spirit, ⁵ Blong bae biliv blong yufala ino stap long save blong man,beh long paoa blong God. ⁶ Nao mifala istap talem ol waes tok igo long olgeta we oli save moa long tok blong God,be i no save blong wol ya,o ol man we oli stap rulum wol ya,from olgeta tu bae oli ded. ⁷ Be mifala istap talem aot ol tru samting we i haed long tok blong God tru long save blong God,waes tok ya God i jusumaot bifo long olgeta bambae hem i jusum blong leftemap nem blong hem long yumi. ⁸ Ino gat man we istap rul ofa long wol ya long taem blong tede bae i save andastanem ol samting ya,from spos olgeta oli andastanem ol samting ya,bae olgeta oli no save kilim Jisas we hemi Masta blong glori. ⁹ Be i olsem we oli raetem, ''ino gat samting we ae bae ino luk,sorae bae ino harem,inogat hat we bae man i save tinkbaot wanem we God i priperem blong ol man we oli lavem hem''. ¹⁰ From God i bin talemaot ol samting ya tru long spirit.From weh spirit isave evri samting,hem i save evri samting abaotem God,be yumi ol man yumi no save. ¹¹ From yumi no save tingting blong nara man be spirit ya nomo we istap wetem hem bae isave?I olsem,nogat man i save ol samting we God istap mekem be spirit blong God nomo i svae. ¹² Be yumi no risivim spirit we hemi blong wol be spirit we i blong God,blong bae yumi save se ol samting blong God we hem i givim long yumi hemi fri. ¹³ Yumi stap talem ol samting ya long toktok be ino long tinktink mo save blong man beh long spirit,talemaot ol samting we spirit i stap givim long olgeta man we spirit istap wetem olgeta. ¹⁴ Ol man we spirit ino stap wetem olgeta oli no risivim ol samting we hemi blong spirit blong God,from olgeta oli no save hem.Hem ino save andastanem olgeta from we spirit i mekem olgeta blong oli save samting we igud mo we inogud. ¹⁵ Olgeta we oli risivim spirit oli save mekem jajmen long evri samting,be ino gat wan man we bae i save jajem olgeta. ¹⁶ ''No gat wan man i save tingting blong Masta blong yumi,we bae i save tijim hem long ol samting from we hemi save ol samting ya finis?''