¹ Okaena tauseni wawa kanama akiyutaema. Igeva okaena-laka egina pigo kumapa awitawama pigo igeva ha-aelalisaga ha-aelalisaga-maema. pigo Isu-va oimitaema ige disaipeli-wapa agenda paitama, "Tigeva agoima aevavi-yoma istiga ige Farasiminda. Nageva uwema igenda Kambali-enawika. ² Pigo nanaena-vaya kakama winda kivindanava paguta avolakina pigo kamba ka-ena kakama winda-kivipa ige wasanamiva kamba agakivema. ³ Piyamba-kana pigo nana kamana kage tunuda-navindi ikivembepa ayaema waya wawa-miva avikivema kaneti. Pigo nana kamana kage ka-wina agevindi omikive-mbepa age kakama alumuoma andavi-pindi naoma avovolisa tapoiki-yema. ⁴ Nageva ulimuwe-ma tige ayaema nage nokina, tigeva ha Kaluviyoma wasanami matiu aeguma ivukeke-va, pigo aindi igeva kamba ka enalova pikivema. ⁵ Pigo nageva e-ge kamana ulimu-kuwema tigepa kekeva-ya kalavi-yomava. Tigevva Anutu-ka kaluvi-yoma, ageva tiyeguma tigepa pigo ageva esegi-ena wape pigo amupe windiema tige mevikenava agaga kavindi. Taganema, nageva ulimu-wema tigepa, tigeva kaluvi-yoma ageka. ⁶ Tigeva agandaema, ige wasana-miva ayaema 5-fuwa amana kavala-anda-ndo ika putaepa tu toyalasa. ⁷ Pigo Anutu-va ka igepisa-gava kamba ageguwavi-yema. Piyamba-kana pigo Anutu-va isuema ayaema tige tinoyambu-omanda tinoviyapa. Tigeva ha kaluviyoma. Tigeva ewala puwama pigo pi-ayaema amana kavala-andondo-va aganda-ema. ⁸ Isu-va piyamba-to utaema, 'Piyamba ka yagalama nage nage ige kaisa kinambita uma avola-kivipa, kanala wama yagalama-lova age agelova uma avolaki ema ayaema Anutu-nda ankela-wambita. ⁹ Pigo piyamba ka-yagalama nage nage ka-kakivipa ige kaisa kinambi-ta, kanala nagelova ka-kakuwema age-agelova Anutu-nda ankelo-wambi-tapa. ¹⁰ Wasanama Wama Yagala ka-avilaki-vipa, Anutu-va agenda agunda-enawapa Uaga-ikiyema. Pigo wasana-ma Hawa-Musaka ka-aviraki-vipa, Anutu-va kamba-laka pi agunda enawapa uagaiki-yema agendava. ¹¹ Pi-kanata ige wasanami tige tivavulite mono nama pindi wigilipa gavmani kinambi-ke pigo ayaema anoyambu kinambi-ke iyola, tigeva ha kaluma pigo napi yiyoma, tageva nana kamana igetapa awaema ukunema-yo o tageva nanae ukunemava. ¹² Pi-kana tataka-pa Hawa-Musaomava ulimikiyema tigepa nana kamana-paya uma avolakenava." ¹³ Ka yagalama okaena kina waya wawami ivakapisa omita ema Isu piyamba, "Posenda yagala-oma, kanala kageva omikeveno-ma nage nana-ndone-mba-pa nageko kapi igeke tasivalesi-mbanada ayaema kota ayikomava." ¹⁴ Isu-va avigata-ema agepa, "Ayamba-nema? Ke utanata-taema nagepa jasi avolaomava tisigendava ayikikena ayaema ena tigenda? ¹⁵ Pigo Isu-va oimita-ema ayaema waya-wawava piyamba, "Tigeva agamagili pigo aevaviyoma, igalu tigeva tiyo igana atama pigo tivuwa-kiyema ayaema okaena-enaga. Nana-viyema tigeva kamba kanala aumava ulikivema ayaema pindana-enavindi-sava." ¹⁶ Isu-va oimitaema ayaema waya wawa ka-ama kamana, "Ka kota yagalamanda yago okaena nasana aendi-yema. ¹⁷ Pigo ageva okaena napiena pugategina pigo uta ema agewaka piyamba, 'Ivava nageva nana puku wema, nagenda kamba tave namapa windi ema nasa na akivikena nageva?' ¹⁸ Pigo ageva utaema, 'Nageva ayaema amana namapa akasavama kasimagi pigo oka ena tave nama kimagi, pigo ayaema nasana akivunda pigo ige kaisaenageve-nape pi-nama andavipindi-geva atakuwema. Pigo nageva piyamba ukuwema. ¹⁹ "Ivava nageva okaena nasana akivuwema kanala okaena kavu-omandaga. Piyamba-ka pigo nageva miyalama. Nageva pasema malamima-gi nanda pigo, wani nama amupuma pigo mikuwema." ²⁰ Pigo Anutu-va omita ema piyagala-gava piyamba, 'Kageva aivo yagalaga-ema, iva ma-aseka pulikivene-ma. Pigo ayaema ena kage akivembe-pa kageka-ndaga. Ageva ke ulikiyema? ²¹ Pigo Isu-va utaema, 'Pi-ndana-enava avolakiema ige wasanami igewindaga ayaema okaena-ena akimamiyi-gi nava, pigo Anutu aovindiva kavona mindanema. ²² Pigo Isu-va oimitaema ige disaipeli-wapa agenda piyamba, "Nageva ulimuwema tigepa, tigeva ha walivi-yoma tigeti tigukava. Tigeva ha napiyiyoma nageva nana nakuwe-mava, pigo tigeva ha waliviyo-ma tigeti tiukava, tige ti watoena pikena tigeti nana tiuta-saenala-sa. ²³ Tigenda tiguomava ageva nasanava againdi ema, pigo tige tiuomava tavela aga-indi ema tiutasa-enamapa. ²⁴ Isu-va to mevapuma piyamba utaema, "Tigeva agaiyoma ayaema kavala, igeva kamba nasanava amagini pigo akivema. Igendava kamba napa windiema nasana akivikenava, pigo Anutu imiyema nasanava igepa. Tige ayaema wasanami-ta againdaema ayama kavalapa, tigeva weala-ena laka-taema. ²⁵ Ke tigepisava age aumava ugenawat-apa mesu-wa potaki ema, pikanata age okaenala wali puwanda-nava? ²⁶ Piyamba tige kamba kanala amana ena pumdilipa nanalaka tigeva walivema ige kaisa-enagalo-va. ²⁷ Tigeva napiyiyoma ayaema flawaka, igeva hayamba-paya ilaya. Igeva kamba ate eliyapa pundini pigo igeva kamba iutasaenava pagunema. Pigo nageva ulimuwema tigepa, paipa King Solomoni-va aogi autasa-ena putaipa, pigo ige flawambi agasa ema agenda aogi awato enava. ²⁸ Iva Anutu poita ema pigo pilasi enava aogi-mataka ayaema flawake pigo kavaomakeva alo kanata. Aindi ige wasanami alisama pigo yakupi mevikive-ka. Pigo tige ayaema wasanava ewala pundaema Anutu-tapa, pigo ageva oilasiva pulitakiyema tigepa ayaema flawapa agasima pilasi. Tige ayaema wasana timatiti-ena windipa amana-taka-tama ageva. ²⁹ Tigeva ha napiyiyoma tigeva nana nate pigo tigeva nana wani nakune-mava. Tigeva ha walivi-yoma ayaema pi-nda-na enagava. ³⁰ Ayaema ma-mavisa waya wawa-miva ayaema pindana-enaga napinapa. Pumagini aguyosa-kagavema. Pigo Tivalimba tigenda mandali mindipa ageva ago agagasa-ema, tigeva ayaema pindana-enava uliyoma. ³¹ Pigo tigeva Anutu-pa ataigina tigevna kini miyenoma. Pigo ageva ayaema pindana-enalova timenoma tigepa. ³² Tige ayaema amana sipsipi-va tigeva ha kaluviyoma. Nana-viyama tige Tivalimba-va ugaita-ema ageva tigenda kini mimagi pigo agewa kindomu-va timukuwe-ma tigepa. ³³ Piyamba-kana pigo tigeva aisagai-yoma ayaema-enalipa tigeva, pigo imiyoma atepa ayaema-enaga kavoviki-ve ige wasana-mi. Tigeva uliyoma anpausiva kamba kanala akalevanda. Pigo tigeva eliya puma akiviyoma ayaema aogi enava manda kumati. Manda kumati-va ayaema-enava kamba kanala kakaki-yema, pigo kamba ku-kinapa mindi ema, pigo ayaema kavata-ga kinamba-va kamba kanala asolepikiyema ayaema-enava. ³⁴ Ayaema-enali tigenda windi kumatapa ageva, pi-kuma-taka ayaema napienave pigo timave tigendava wikiyema. ³⁵ Ayaema kanatapa tigeva yoke puma miyiyoma Anutu eliya pikenava, piyaba ige waya wawa-mi eliya pikena i utasa ena pesapuma, pigo kanetipa tigenda ayaema kanata tamami-yenoma. ³⁶ Tigeva yoke puma miyiyo piyamba ige eliya wawa-mi yoke puma pigo agavave-sapuma oyafawi-ka igenda aindi maleti nasanala kanakivi-ka. Igeva agavavu-ta ema avaga0taka kave awisanaga age pikanata age kanama kavela nokuma. ³⁷ Pi ka nata tave yagalava avolama pigo agataema ayaema eliya wawa agavama mitae, igeva amu-pikivema. Tagamba nageva ulimuwe-ma tigepa, igenda tave-yagalamava tavelave alosata-ma ki-ita-kiyema kapi agewanda aletila-sa. Pigo ageva oimekina igepa tevolila malamiyi-gina pigo agewa imikiyema nasanava igepa. ³⁸ Piyamba tave yagala kanama talalano pigo kakaga aseka pigo agakina ige kamba iwima pigo ige yokepuma pigo ige agavama mindini-va, kanala ige pi-eliya yagalamiva amupiki-vema. ³⁹ Tigeva napiyi-yoma pindanaga, piyamba naoma avawamba nana kanata-paya ige kukinambi na-akasava-kivema agenda agandana-va, ageva kamba kanala napa kaikiyema. ⁴⁰ Piyamba-to, tigelova yoke puma miyiyoma nana-viyema tigeva kamba aga-nda ema nana kanata-paya wama yagala kanakena-va." ⁴¹ Pigo pita-va avigatae-ma Isu-pa piyamba, "Tave yagalaoma, piyamba kageva pi-ama kamanapa tage-amana tamepela o ayaema kina kapinema?" ⁴² Pi-eliya yagalama-va amu pikiyema pikanata agenda tave yagalama to kanama pigo agakinava age eliya pumikivi. ⁴³ Piya eliya kinamba-va amu penoma age eliya pumiye-kina agenda aeva yagalama kanama agakinava age. ⁴⁴ Tagamba ulimuwe-ma nageva tigepa tave yagala-mava utakiyema pi eliya yagalagava agenda ayaema-enala aevavoma. ⁴⁵ Pigo piyamba pi eliya yagala-mava agewa andaga napikiye-ma, 'Nagenda tave yagalava ageva kamba kanala avagatova kanaki-yema, 'Pigo ageva ige kaisa eliya wave pigo eliya waepe iyegukiyema, pigo ageva nasana nandana pigo wanipa amagina pigo spaki-vikiyema. ⁴⁶ Kanala pi eliya yagala-manda tave yagalava kanata-ema ka yaga age kamba yoke pundita, pigo ka kanata ageva kamba agata ema agepa. Pigo tave yagalama-va pi-eliya yagalava asole pugasima pigo agepa atakiyema ka-mala kapi ige kamana igasaiye kinake. ⁴⁷ Pi eliya yagalamava, ageva agandiema nanaena agenda tave yagalama avumagina ageka poi eliyapa, pigo piyamba tave yagalama avi pi eliyapa ageva kamba piyema, kanala igeva aikikinda-kivema agepa okaena kanata. ⁴⁸ Pigo ka-eliya yagala-mayo o wayama kamba agama nana eliya tave yagalama ageka napima poikivi, pigo ageva kamba alaketa eliya piyema, kanala igeva aikikinda-kivema agepa amanata. Ige-wasanami okaena-ena ulikivepa igeva imikivema to-oka ena-enalo. Piyamba ka-eliya yagala, tave yagalama ageka aevavoma okaena-ena amekina va, kanala ageva okaena-enalo amikiyema mevapuma-lo. ⁴⁹ Isu-va to mevapuma-lo utaema piyamba, "Nageva yaku mevikena kanau-wema mavi, pigo nageva pi-yaku avaga tasanaga naviyema. ⁵⁰ Nageva tave nausugu-enamanda wani ulikena-va wakala-saema, pigo nageva kamba pi-nausu-guenava ulinelogana pigo nage nanda-omava kundala-ka puwaema. ⁵¹ Igalu tigeva napikive-ma nagekava ma-mavisa akendana aeguma kaikenaga kanaema. Kamba-ema, nageva ulimuwe-ma tigepa, nageva ayaema kina waya wawa atalakena-ga kanau-wema. ⁵² Ivasala-sa agovima pigo aindisa kanata wamava ka nayaka amu femalimiva apakovi-kivema, kakaga-miva tala tupwena poisitigina, pigo isigeva kamba ka-isindava puma kakaga-geva mikivesema kapipa. ⁵³ Igeva apako-vikivema, avawa-mbava masi yagalawa-pa tupuena potakina, pigo yagala-wambava avapa tupuena pitakiema. Anowamba-va alaga yagalawa tupu-votakina, pigo alaga yagalawa-mbava anowa-mba tupuena potakiyema pigo aenda-wambava anatu tupuena potakina, pigo anatulo-va aenda-wapa tupu-votaki-ema." ⁵⁴ Isu-va oimitaema to mevapu-ma ige okaena kina waya wawa-lo piyamba, "Pi-kanata tige ivuna yegili agandilipa yage ao tupasi-tisa, avaga-taka tigeva eyema, 'Ka-aikena piyema, pigo tagamba kava aegaga-viyema. ⁵⁵ Pigo pi kanata tave esi sautilisa kanagili tige agandili-pa, tigeva ugagavema, 'Itave hoti yagi ilosakiema, piyamba pigo ageva tagamba avolagaga-viyema. ⁵⁶ Tige wasanava kambali kinatae-ma, tigeva aogima agaima ayikiyoma nanaenava-ya avolakivi ma-mavike pigo ma-nda kumatige, pigo hayamba tigeva kamba kanala ayikema pi-ivasa kanata avolaindanava? ⁵⁷ Nana-viyema tigelipa kamba aogima ayikema age alaketa-enava? ⁵⁸ Piyamba kage keti wamami-ndanapa kapi kage koti kavikena-vi kinake, kageva avaga-taka kagegu-voenagakava iyoge uma avolaga-saoma kageva. Igalu age kavavu-lite jasila wakina, pigo jasima-va amiki ema polisi, pigo polisima-va kataki ema igana nama-oma andavipi-ndi. ⁵⁹ Nageva ulimu-wema tigepa, tigeva kamba kanala igana namapa kaikivema kanala tigeva ayaema ate, kapugasi-magilika-nema."