1 Ka-kanata Isu nunamu umami-tagina, pigo ka-disaipeli-wamba agenda utaema piyamba, "Tavene-mbaoma, kanala Rageva nunamu ulaya-kikiveno-ma tagepa piyamba Joni oiyakitai-samba ige disaipeli-wa agenda." 2 Pigo Isuva age kamana awaema utaema piyamba, "Pi kanata tige nunamu ikenaga napindili-pa, tigeva piyamba nunamu-va iyoma, 'Navane-mbao kage kageva ewasama wiyenoma. Kage kumapa kananoma. 3 Aya emva yagava tamikive-nema kageva tayepa kanala pi yagasa nasanava. 4 Pigo kageva utagaiki-venema tagegu-vo enava tagendava, nana-viyema tageva uigasaunema igeguvo-ena ige kaisami tage pulataepa. Pigo kageva ha ataoma ayaema atakaena tageta avola no-mava." 5 Pigo Isu-va utaema igekava, "Pitamba tige tivakapisa ka kao-ando minda-kina, pigo wama-gina ageti aseka-ava pigo avigakivenema piyamba agepa, 'Nao-andomao kanala kageva namikive-noma nagepa kakaga breti-va, 6 Nana-viyema ka nage nao-ando avolagi nageta ivalaka pigo nageva nasana kawindiema age amikena. 7 Pigo piyamba age aokinamba na andavipindi minia-kivitasava, pigo awaevi-kiyema age kamana-pa piyamba, "Kageva ha ativa kuva namoma nagepa. Naoma-nda kaveva akuwa-ema, pigo ayaema yagala-ge kapi tageva wiyega-saunema. Nageva kamba kanala asimagi pigo kamuku-wema bretiva kagepa." 8 Nageva ulimu-wema tigepa, naoma avawa-mbava alesi pikiyema asima pigo amikenava breti age aokina. Pigo age aokinamba-va okaenala kegae ikiyema, piya-vekina pigo ageva asimagina pigo amiki-yema agepa okaena mevapu-ma breti-lo. 9 Piyamba-ka pigo nageva ulimuwema tigepa, 'Tigeva Anutu-ka nunamu uma avigaigi-na pigo timenoma tigepa ayaema-ena tige tivikivi-ndanaga-va, pigo ageva timikiye-ma tigepa. Tigeva eliya pyma kaisa-enaga agusayoma, pigo tigeva agakivema. Tigeva kavela aeguyigina pigo Anutu-va awilita-kiyema tigepa. 10 Ayaema kinambi Anutu-ka nunamu umagini avigaepa igeva ulema pigo ege wasana-mi aguyosae-pa igeva agaema pigo ige wasanami kavela aeguye-pa, kaveva awikiyema igetapa. 11 Piyamba ka tigepisa yagala-ma kavigakiyema avawamba-kaka noyanda namoma ageva, kanala ageva amikiyo-ma agepa kuyava? 12 O piyamba yagala-mava avigaki-ema ageva avawamba-ka ka bulmaka-ga, piyamba-paya avawa mba-va agepa amikiyema ageva kamba aogi kavagina-pa, a? 13 Tigeva agunda wawa0la ema, pigo tigeva agandaema ayaema aogiena ige yagalalipa imikena tigeva. Piyamba-to tivalimba tige mandali minda-nava, ageva amu piyema agekaga avigakivi kina Hawa-musa amikena-ga." 14 Ka-awamu akuni-nda yagala mitagina Isu-va ka-kamba aogi awa-musa agaluwataema agepindi-sa. 15 Pigo kaisa waya wawa-miva utaema, "Ageva Belsebuli esegi ena-lasa kambali awa-musapa agaluwa-kagavi-yema, ageva ayaema kamba aogi awa-musa-omanda anoyambu yagala-ema." 16 Ige kaisa-milova avigata-ema Isu ka-atakae-na Poma iyakikena piyamba, taga ageva manda kuma tisaema. 17 Pigo Isu-va ige napi-enavindi-va agagoutaema, piyamba-kana pigo ageva oimitaema igepa, "Piyamba ayaema waya wawa kakantri-visa apakoma talaena potama pigo igewi ivakapi akendana pikivepa, pi kantiva asole puwa kiyema. Pigo piyamba ige wayawawa kanama-pisa igewi ivakapi akendana pikivepa, kanala femiliva asole puwaki-tema. 18 Piyamba aluyagala-mage pigo ayaema age kinake tala apako-vatama-gini pigo akendana pikivepa, kanala-nema ayamba-to ageva esegi enaova wikiyema igewita aevavikenava? Nage yopa piyamba nana-viyema tigeva eiema nageka Belsebuli esegi enalasa kambali awa-musa agaluwa-nama. 19 Piyamba ageva tagamba nage Belsebuli esegi-enalasa kambali awa-musa agaluwa-kuwokava, kanala ige tige tuwami-va ke-esegiena-lasa kambali awa-musa-pa agalu-wakivema? Ayaema tige tuwamiva iyakima piyamba tigeva kamba alaketa kamana eyema. 20 Pigo piyamba nage Anutu esegiena-lasa kambali awa-musa agalu-wakuvo-kava, kanala tigeva agai-yoma piyamba Anutu kumapa tigeta kanaya. 21 Isu-va to-meva puma piyamba utaema, "Piyamba ka esegi yagalama ayaema akendana pikena-enawa winda kivipa, Pigo ageva agewa namata aevave-kina, ayaema- enawapa agendava aogima wikiyema. 22 Pigo piyamba ka esegi mevapu-ma yagala avolama pigo akenda-na kapi pi yagala-ge pumagina pigo age agai-kivipa, kanala ageva ulikeyema ageva ayaema-ena age, namapindi-salove. 23 Wasana kamba nage tuwa-enama mikivipa, kanala ageva nage tupu ena-ma mikiyema pigo wasanama kamba nage naopuma-gina ayaema waya wawa akivikivipa, ageva igaluwa-gini igepa waga kana puwa ema. 24 Isu-va toge mevapyma utaema piyamba, "Piyamba ka-kamba aogi awa-musa ka yagala kaite wagasai-oa, kanala ageva asawa-nda mavindi uma nasima-miyema, ka miyalake-na avagoka-ga aguyo-samam-iyema. Piyamba age kamba aguyo-sandanava, kanala ageva ugaga-viema, 'Nageva to wanoma pi yagala pai nage migavo agepindi.' 25 Pi kanata kamba aogi awa-musa to kanama pigo agama piyamba na kalinima pigo alaketamba wima, pigo uga wima pigo ka-kina kamba mitagina-va. 26 Kanala ageva wamagina 7- niwato kamba aogi awa-musapa avaviki-yema, agepa agasanoma kamba aogiena pikivi-ndana-mava, pigo iva ageva asoleta-ka ayaema puwaki-yema.'" 27 Pikanata Isu pikamana uma avolatagina-va, ka wae okaena kina waya wawa mitae ivakapisa andalela-sa kegae uma pigo utaema, "Pi kage ukatama-gina pigo kage no no kamitai waembava, ageva amu pikiyema." 28 Pigo Isu-va utaema, "Tageva piyamba ukunema, waya wawa Anutu kamana avuma pigo aegalae-pa amu pikivema." 29 Okaena kina waya wawa-lo to kanama akivu-ta ema, pigo Isu-va utaema, "Ayaema waya wawa-va ma kanatasava igeva kamba aogi wawa-ema. Igeva naviga-ema ka milikoli agakena=ga, ige iyakikena-ga piyamba Anutu naisagagi nageva kanau-wema. Pigo igeva kamba kanala agakivema ka milikoli-va. Igeva agakivema pi milikoli Jona nda. 30 Paipa piyamba Jona-va milikoli avolata-ema, Anutu iyakiu-taema ayaema waya wawa ni niveisa. Piyamba-kana pigo Wama Yagalava piyamba Anutu-nda milikoli miki yema ayaema waya-wawa-minda makanata-sava. 31 Ka yaga Anutu utatae-ma ayaema waya wawa ayikikena, sautisa kwini ayigima pigo uma-avolakiema ayaema waya wawa-minda kamba aogi ena-gava pi kanata-pa. Nana-viyema ageva kanatai-ye pagasai-salaka avikena aogi savege pigo napi enage Solomoni-nda. Pigo ivava ka Solomoni-pa agasima mindiema matapa, pigo tigeva kamba avema agepa. 32 Ayaema waya wawa Ninive-isava Anutu Kotila asikivema. Pigo uma avolakive-ma kamba aogi ena-wikava ayaema waya wawa-va ivasa pi kanata-la. Nana-viyema igeva indala kamana utaema agunda-ena wikaga igeva pikanata Jona kamana uma avolataginiva. Ka Jona-pa agasima mindi ema matapa, pigo tigeva kamba evama agepa. 33 Isu-va to mevapuma utaema piyamba, "Ige wasana-miva kamba kanepa uluma pigo aya ema kakanda-enavindiva atayo o leaketi-vindiva ilalikaeya-ema. Kamba-ema, igeva paguta ataegana pigo ayaema waya wawa-va kanama asuva-sema napindiva, igeva pikanipa agamagini. 34 Kage kaova ageva kauoma-nda kanewa-nama. Piyamba kage kauoma aogi pundakinava, kanala kage kauomava kapi kane-oma awitawakiema. Pigo piyamba kage kao kamba aogi punda-kivipa, kanala kage kaupa tunu-ndanavindi mikiyema. 35 Piyamba-kana pigo kageva aevavoma, igalu pi kani kagepindi windi ageva tunusu wasanaga. 36 Piyamba, ayaema kage kau kane tamagina kamba ka-avala tunu-sindakivipa. Kanala ayaema kage kau-pa kane takiema piyamba alamu-oma taisamba iyakikena kane ageva kageta." 37 Pi kanata Isu kamana uma pugi-vutaginava, ka Farasima Isu avigata-ema agege kapi nasana nakusema age namati. Pigo Isu-va wama kapi agege nataema. 38 Pi Farasima-va okaena napiena putaema pi kanata age agataipa piyamba, Isu kamba aya wasimi-vutaginava ageva piyamba igendaenagana pigo age malami-magina pigo nataginava. 39 Pigo Tave yagalamava omita ema agepa piyamba, "Tige ayaema Falasimi-tava ayaema kapuge pigo yauoma-keva alilisawa-pa aogi malaka aeyovaka-saema, pigo tige tindavipindiva tigetika napiwa-kena-ena awitawate pigo aya ema kamba aogi ena-gega. 40 Tige ayaemava aivo kinata-ema! Ka yagalama age aveisava putaema, piyamba-paya ageva kamba putaema andavi-pindiva a? 41 Tigeva imiyoma ige kavona kina nana-enavaya andavi-pindi winda kivindanava, pigo ayaema-enava kali ni puwakiye-ma tige-ndava. 42 Pigo tige aya ema Farasiva, tigeva agama miyiyoma. Tigeva amema anindage pigo ayaema yodolisa nasana-manake piyamba hap 10-ni ema, pigo tigeva kamba Anutu-kava tivegili pigo tigeva kasaema alaketa-enava. Ageva aogi ena-lake nema piyamba tige alaketa-ena puma pigo Anutu-ka tivuwa-kena -ena wikivipa, pigo kamba ayaema kaisa wali kama napa kasima. 43 Tige aya ema Farasiva, tigeva agama miyiyoma. Tigeva tivuwa ema ayaema amalu siya uma mikena mono nama-oma andavipindi, pigo tigeva tivuwae-ma ayaema waya wawa-mi kagine ulitasana-ga tigepa ayaema nasana aisagae kumata-sa. 44 Tigeva agama miyiyoma. Tigeva piyamba wasana alu kakama windagina, pigo ige waya wawa kamba aganda pigo ige avovoli waesamba ageva. 45 Ka wali kamana-omanda posenda yagalamava pikamana avigategina pigo ageva omita ema Isu-ka piyamba, "Pisenda-yagalama-oma, nana kamana kagu embepa tagepa asolepuwa ema." 46 Pigo Isu-va utaema, "Tigeva agama miyiyoma, tige ayaema wali kamana-oimanda posenda kinapa! Tigeva ayaema waya wawamika tave kunduena aesagavi-yoena peyema, pigo tigelipa kamba agama peyema ka-ena ige iyopikena-enava. 47 Tigeva ayama miyiyoma, nana-viyema tigeva pe-ema ayaema wasa na ala ayaema amonda kinambinda ige tige atalimba-gi iyegutae. 48 Pinda na-enalasa tigeva iyakema ayaema waya wawa-va piyamba, tigeva ka-tinda pema ige tige atalimba-gige. Nana-viyema, ige iyegutae-gili ayaema aomnda kinapa pigo tigeva kaita ema igepa. 49 Anutu-nda aogiena-wamba-ge pigo alaketa napiena-wambage-va ageva piya iyema, 'Nageva aisagaku-wema ayaema amonda kinake pigo pasta kinake, pigo igeva kamba aogiena igepa poitama pigo iyeguma ivulikivema kaisava igepisa-va.' 50 Aya ema amonda kinambi-nda Rolapa timitaipa pi kanata Anutu ma-avolata-gina kanama kanala ivava windiema, ige waya wawa iva mindepa pi-kanata-sa igeguvae-nava ulikivema ige pikinambi ayaema amonda kina iyegutae-kagava. 51 Abeli-tasa agovima kanama kanala pi kanata ige Sekalaia aegutaema. AGe pi amonda yagala-va ige aeguta-ema mono nama-o ma anda-vipindisa, Anutu nama-omanda pigo yalage-wamba avakapisa. Taganema, nageva ulimu-wema tige ayaema waya wawa iva mindepa ulikive-ma igeguvo ena ige wasana-mi ayaema amonda kina iyegutae-taka. 52 Tigeva agama miyiyoma, tige wali kamana-omanda posenda kinapa. Tigeva ukaindaema pamiena-manda kiva. Tigelipa kamba wama asuvasi-ndaema, piyamba kana pigo tigeva ke akunema ige kaisa wama asuvasi-kena nape." 53 Isu-va kamana pagi-vugai-teginava pigo pi nama kaitegina pigo wataema. Pigo ige wali kamana-omanda napi kinambi-ge pigo Farasimige-va inda isugu puwatagini Isu-kava pigo igeva avigata ema Isu-pa aviga kamana ayaema toma toma-ba. 54 Igeva atakama aguyo-satema aloniena-wakaga Isu ayaema kama-na age uma avolatai anda-vipindi.