¹ Isu kamana uma pala-vugaita-ginava, kanala kaisa kinambi istoli omita ema Isu ige Galisa kinambi-ka, Pailati-va oimitaema ayaema Sodiyawa-ka agenda ayaema iyeguma ivuliyoma pi-kanata ige Anutu-ti kunda avasagai-gilipa. Pigo igenda kolapa asunukae-kiyema kunda avasaga-kena pikive yaga-oma avovola. ² Isu-va awaema ige kamana piyamba oimitae-ma, "Tigeva napiyiyoma Galilisa ige pi-kinaka, igendava tavelata-ka agunda-enava windiema, pigo ige kaisa waya wawa Galilisa-va igasima, piyamba-kana pigo igeva piya kunduena-va uliema?" ³ Kamba-ema. Nageva ulimuwema tigepa, "Piyamba tige kamba tigenda agunda-ena-lika uma avalama pigo tindala kambana ikivepa, tige ayaema-va pulikivema piyamba ige piginambi pesamba." ⁴ O ige Pi-18-wa waya wawa Silo amu-isa, tauwa-oma ige ivovola walema-gina pigo iyeguta-gini ige Pulitae-sapuma, Piyamba-paya tigeva napema ageva ayaema agunda wawa-lakapa-ya ema ige Jerusalemu-isa kinapa igasima? ⁵ Kamba-lakanema, Nageva ulimuwe-ma tigepa. Pigo piyamba tige agunda-enali-kaga kamba uma avolama pigo tindala kamana tige agunda-enalikaga ikivepa, kanala tigelove-nape pulikive-ma." ⁶ Isu-va ka ama kamana uma avolataema piyamba, "Ka yagalamava ka fiki ya ataema waini yaguwa-pindi ageva, pigo aindiva ageva kanama-gina pi fiki yaomanda nasana-waka aguyo-sataema. Pigo ageva kamba kapa aguyosa-taema. ⁷ Piyamba-kana pigo ageva omitaema yagomanda eliya kinawa-kava piyamba, 'Havoma, kakaga kavuvindi nageva kanamagi pigo pi-fiki yaomanda nasanawakava aguyosa-kauwema, pigo nageva kamba kapa agauwe-ma. Alisama kasaoma. Nanalaka ageva wima pigo maomanda kalisiwa-pa pagima -miyema?' ⁸ Pigo yagomanda eliya yagalama-va awaema piyamba utaema, 'Atoaoma agepa wikiya ka-kavulo mevapu-ma, pigo nageva yaoma agovipa kuma pigo ainkitamagi, pigo atakuwema yagama iyewa. ⁹ Piyamba age nasana aekivipa to kavala, ageva kanala-nema. Pigo kamba-ikivipa, nageva alisama kaikuwema." ¹⁰ Savati yaga, Isu-va kamana imita ema ige waya wawa mono nama-oma anda-vipindi. ¹¹ Pigo ka wae mitata-ema, age pindi-va kamba aogi awamu-sa mitata-ema ageva. Pi-kamba aogi awamu-saomava agepa kanala 18-wa kavuvindi amitaema-piyamba-kana pigo agepa akava aemba. Palevuwa-tagina, pigo ageva kamba kanala asitaema. ¹² Pikanata Isu pi wae agataipa, ageva kegae uma agekava kanaoma wakala pigo omita ema agekava piyamba, "Wayama-oma, nageva inukapa ago kanala-saga tauwema kagendava." ¹³ Isu-va pi-wa emba avovola aya atatagina pigo avaga-taka alaketa-mba ageva asimagina pigo Anutu age aisesata-ema. ¹⁴ Pigo mono nama-omanda anoyambu yagalama amokamana utaema nana-viyema, Isu kava-atatagina pi wae Savati yaga. Pigo ano yambu yagala-mava oimitaema ayaema waya wawa-va piyamba, "6-wa yaga eliya-pikenava windiema. Pigo piyamba tige ayaema inute ige wasanami kava tatakiyema napiendilipa tige, kanala tigeva kanaiyo-ma ayaema pikanata. Tigeva Savati yagava ha kanai-yoma." ¹⁵ Pigo Tave yagalama-va age kamana awaema utaema piyamba, "Tige ayaema wasanava kambali kinataema! Tigeva kamba iganava iyovaka-vema donki-omandayo o pulmaka-omandava tigeva pigo ige ivavulite wani naiyoma wakenava, Savati yaga? ¹⁶ Pi wae mapa ageva Abrahamu yagalaema. Pigo alu yagalama kalavusi potaema agepa kanala 18-wa kavuvindi. Piyamba naye napima pi-kalavusi iyovakena-vopa nana-viyema, nageva kamba kanala Savati-yagava posinema?" ¹⁷ Pikanata Isu pikamana awaevu-taginava, ayaema agenda tupu kinawambi-va iniputaema. Pigo ayaema waya wawa-miva amu putaema ayaema aogiena Isu putaika. ¹⁸ Isu-va to meva-puma utaema piyamba, "Anutu-nda Kindomu-wapa ageva nana-enaema, pigo nageva nanaena pumagi ama kamana-pa umagi pindana-enava iyakiku-wema? ¹⁹ Ageva piyamba ka amana yana-andoema ayaema mastati-ye e e yaomanda, ka yagalama age yago-wa-ti amalandi-ema. Pigo tave ya anosata-gina pigo ayaema kavala-oma na kitaema pi yaomanda amaoma avovoli." ²⁰ Pigo Isu-va toge piyamba utaema, Nageva nana-ena utamagi pigo ama kamana-pa ukuwema iyakikenava, Anutu Kuma? ²¹ Ageva piyamba isti-ganda pundiema, ka wayamba umagina pigo kapi skonige awaeve-gina pigo pi skoni puluvisa puma." ²² Pigo Isu-va wataema Jerusalemu-i. Pi kanata age uma avolanda-nava ayaema taunilake pigo Jerusalemu-i ke winda malake, ageva miyalama-gina pigo posenda poiyakita-ema igepa. ²³ Ka-winava omita ema agepa piyamba, "Tave yagala0ma, Anutu-va ige amana kina waya wawa ivaviyoma, a?" Pigo Isu-va awaevuta-ema piyamba. ²⁴ Tigeva esegima eliya puma amana kavila wama asuvasi-yoma, nana-viyema, nageva ulimuwema tigeapa, okaena wama asuvasikena napema, pigo igeva kamba kanala wama asuvasi-kivema. ²⁵ Isu-va piyamba-to mevapuma utaema, "Pikanata na-oma avawamba asima pigo kave akuniki-vipa naoma-nda. Tigeva avei asimagili pigo kavela aeguma pigo ikivema, 'Tave yagalao, Tave yagala-oma tagepa tatagata kanama asuvase-noma. Pigo ageva awa ema piyamba tige kamanapa ikiyema, 'Nageva kamba tiganduwe-ma tigepa o nageva kamba agandu-wema tige mava.' ²⁶ Pigo tigeva piyamba ikivema, 'Tigeva kapi kagege nasanava nate pigo wanipa nate putaombe-nema, pigo kageva pose-nda pulayaki-tambene-ma tagepa ayaema tage tauni-omanda ayaema kepa. ' ²⁷ Pigo na-oma avawa-mbava awaaema kamanapa piyamba ikiyema, Nageva ulimuwe-ma tigepa, nageva kamba tigandu-wema tigepa ae malasa-lavayaema-ava. Tige ayaemava kamba laga kinata ema tigeva natate nagepa pigo waiyama!' ²⁸ Isuva piyamba-to mevapuma utaema, "Tigeva kuwena pumagili pigo tiwala upava vikiema tigendala pikanata tige agandilipa Abrahamu-na, Aisaki-na, Jekopu-na pigo ayaema amonda kina Anutu kuma-omo andavipi-ndi. Pigo tigetipa, igeva tigaluwa-kasaigili tigepa pigo tigeva avei mikivema. ²⁹ Ayaema waya wawava kanakive-ma kandri windi yage-ao ilosaiti-sage, yageao tupasiti-sage, pigo notilisage pigo Sautilisage ayaemava kanama Anutu kuma andavipi-ndi malamima nakivema. ³⁰ Pigo aviyoma, ayaema waya wawa ai minda-kivea igeva amalunda-navigina. Pigo ayaema waya wawa amalu minda-kivepa, igeva aitaka mikivema." ³¹ Pi-kanata Isu kamana uma Palavugai-taginiva, ige kaisa Farisi kanama pigo Isu-pa omitaema piyamba, "Kageva ma kumapa kaitegina pigo waoma, nana-viyema Heroti-va kaegukena-ga napiema kagepa." ³² Pigo Isu-va utaema, "Tigeva wamagili pigo omiyoma pi-kamba aogi kavu kalagava piyamba, 'Avoma, nageva ayaema kamba aogi awam-usa agaluwama pigo kanala-saitakuwema ayaema waya wawa inu ulinde ivage pigo aigeva pigo kakaga yagava nagenda eliyande-pa palavuku-wema nageva. ³³ Pigo nageva wamamu-kuwema ivave pigo aive pigo magave. Nana-viyema, igeva ha aegama aivuli-yoma ka eliya-kina tomalapa. Kamba-ema. Igeva Jerusalemu agepa aeguma aivuliki-vema." ³⁴ Jersale-mu-o, Jerusale-muoma, Kageva ayaema amonda kina agamagina aeguma aivukaga-venema. Pigo kageva agama-gina avavene-ma ayaema eliya kina Anutu kageti aisagagina kanaepa pigo yava mevumagiina igetapa kanala igekava puliyoma. Okaena kenata, nageva navuwa-ema akivikenaga tigepa ayaema waya-wawa piyamba waya kokolema agama akivisamba ayaema awalowa agenda, agaga amenda-pindi ageva. Pigo tigeva kamba iviyema nageka piyaena pomava. ³⁵ Agaoma, "Ivava tigenda kumatipa asole-puwama pigo uga wikiyema. Nageva alaketa-mba ulimuwe-ma tigepa, tigeva kamba kanala naga-kivema nagepa, pigo tigeva ikivema piyama, 'Anutu-va aogi potakiye-ma piyagala kanaipa Tave yagalama agela."