¹ Piyamba-kana, okena iguguya kamani mete wate kanate kinambi ivuna kandama tasagako-kirindae tagepa, tageva aware-ega sano ka-ogienama uma mavindi tatakena vindanava, tumima umbu-kasana agunda-ena ma tauma ayaku-mamikena vindanava. Tageva pasema mimagita inata wakive pindiva karusu-ma agano. Tave amu- ² Tageva Isu-ti maro agano, ageva aya-ema-ena-omandage amiwamba-ndage tama titi-enamandage tagenda. Tave amu-enama agava-maminda-kinagana, Isu-va u-ya aesaga-urite kamba ekuruvunda kunda-ena uri-kivike anindana irikiyi-kegava wamamiye. Ivava ageva Anutu emu-yavera ayataka-ndi manda-kumati marami-ndie. ³ Pigo tageva egema napinapi-veno ageka, ige kamba aogi kinambi kaogi-ena pitataekata, pigo ageva asima egevurindana ayama kundu-enava agewata uritae, Piyambaka ta pigo tageva pika napimagita kamba mamagi-ena puma aegarano age. ⁴ Tigeva egema asimagiri ayama, ataka-enava agaitae, agunda-enamanda piyavuta-giri kora urikena-avara watae, ⁵ kamba pih kamana-pa tigegu-wavotaiy, ige urimikivepa tige, "Yagara-nemba-oma nagenda, tigeva ah kunda-enava urindiri ah wararo-ena va piyo kanata tave yagara-ma aogi-puritakiri pa. ⁶ Tave yagara-mava aogi poitaga-viye waya-wawa age avi kinapa. Pigo kanda kasu iyegu kasima pigo yakarava ivavutae igepa. ⁷ Tigeva asima egeviyo, pigo pasema mindiri kanata Anutu yagara-gandma aogi puritakiripa. Anutu-va aogi purata-gaviye mamavisa tavare-mbagi pugavesa-puma. ⁸ Pigo piyamba tage kamba kawana-kena kamana uruku-nombepa kamasa-kitisa, ige kaisami uritae-sapuma, tageva kamasappuma ivagi kamba kawana-ma aogi poitae yagarami miyesa-pukune. ⁹ Mevapuma mamavisa tavagiva aogi purata-gave pigo tageva ige amenda-pinda mine. Piyamba tageva amendap-indi mimagita pigo kamanawa aegama awamusa-oma avawamba-nda auma uma mikune? ¹⁰ Pigo to napi-enarapa, Anutu-va aogi puratagave aogi-enaremba-ndaga, tagendaga ewasama mi-iyoma agewa ewasama mi-isapuma. ¹¹ Pih kanata Anutu aogi purataga-vipa tage, piyamba tigeka tikivaki-ena uriyamae. Piyamba aindi-va ageva anda paruena puma pigo arataka-ena puma pih ige kegipaya age poiya-kitisamba. ¹² Piyamba-kana pigo kaya uma aogivo warewi, timima kara kamba aogima egevundi. ¹³ Kagisa-omanda aogivo ke wakivika, piyamba-kana pigo pih kagisava kamba aogi puwiti aogi-vekina to wakiye. ¹⁴ Kageva aogi kandama ayama waya wawamigeva Anutu-tu aovindiva ewasama miyo, kamba kah kina-mbava agakiye tave yagarava pipiya-ena winda-kivikagava. ¹⁵ Aogima aevavo pigo Anutu-nda paruena-wapa a kasima, pigo kanda kausu-guenava kauma-vindiva awiyeno kagepa pigo kamba asorepeno kaumava kagendava. ¹⁶ Aogima aevavu-magina pigo ah kupiyo-ena va, atagana kagegeva wiyeno ige pih kinambi Anutu kamba aganda-suma Iso, Putisapu-magina, ka nasana yauraka pigo ageva esegi-enawapa aisagatae ka-tuwami anoyambu-gandma ageva. ¹⁷ Aindi-yemava ago agana kageva, ageva amunda-nawa urikenaviye, agama pikena-ena va kawindi-ye, nanaviyema, ageva kamba anda awaema kamba andara pikiye, piyamba Anutu-va kamba andara-enage kuwe-keva agandi-ye agenda. ¹⁸ Kavega kamba kanama amuti pigo kageva auaku-ma aisagaya pugane, amu yaku tae, tununda-nae, tave kundu-enae, igugu-yake kage-e. ¹⁹ kageva panku-raoma kamba tave aga i kuma tasava kanane. Kaisa kinambi kah kama amema aga avim avima alesi puwae to pih amema agara avisanaga-va. ²⁰ Igeva togeva kamba avikive-e tave kamana Anutu-tisa kanaki-vipa. Piyamba ka kava-tagakina pih amu-oma agora kankivipa, igeva yavata-sa aegukasa-iyo. ²¹ Tave karu-ena wima pigo kunda-ena pih aukai witagina pigo Mosese-va utae. "Nageva karuma anu-omava tava-rava navu-wae." ²² Piyamba kage kanama Saion-Amuta pigo Anutu kumata kevaya auma uma mindita, manda kuma-tisa Jerusarem, okena okena tausen ankero kinambi amundana pumami-ye. ²³ Kage mono namati kanabepa amaru-sa masi-yagaramati kanane, manda kuma-ti windi-ye, Anutu-ti kanao kageva, agev aya-ema waya wawa ayi-kima pigo ageva arata-ka wawaminda awamu-sawpia aogi poita-kiye. ²⁴ Kageva Isu-ti kanao, kasa eriya-omanda avaka-pisa yagarae, pigo ageva kora ari-atama-gina pigo ageva aogi-enama ndaga kamana uma Abel-i kurapa agaitine. ²⁵ Kageva aogima aevamagina ah agasimagina kevaya kamana urita-kivinapa ah kakava amo. Kamba iyegakapa wagai-tene pih kanata kamana akayo-ndiniva, mamavipa ke esegi kama-napa oimitine. To napiyo, tageva taegaka wamami-kune, kevaya egema ege kamana manda kumati ikivikaga? ²⁶ Kah kananta amema agara-kaga mama kuru-vutae. Piyambakana ivava ageva pih kamana pigo ageva umaranda kamana utae. "Ka kana-tatoro, nage mama kuru-vukuvopa kamba mamana-piye, manda kuma keve kuru-vikiye." ²⁷ Pih aya-ema kamanapa, "ka kana-tatorae," ageva winda-kina agowapa piyamba-nemava aya-emaena ukaikena-emava mah kuruvi kivitapa, ageva piyambane, aya-emaena Anutu putai-ndanava pigo pindana egema wikivipa pavita wikiye. ²⁸ Piyamba-kata pigo tagevea kamba waresiya kuma ureno. Tageva amu-peno Anutu-ti mononda-na pikena-enage Anutu-ka taekuru pikena-enage. ²⁹ Tagenda Anutu-va ageva Anutu-e yaku kaema pigo aya-emanena pagi-pugaikena.