¹ Ivava tamatiti-enamava ago agagasae pindanaemava, tageva agavama urikenage napikenage pindana-manda taomava kamba agandinda-naga. ² Tage tayava-magi imatiti-putae, piyaputagini aogi-puwatae imatiti-enamava. ³ Tagane, amatiti-enarasa Anutu-va utagina ayama-enava avoratae, piyave-kita ayaema-enava tageva agakuna. Ageva putae taoma kamba agandinda-narasa. ⁴ Eboliva amatiti puma Anutu-ti agunda avasakena na putai-pa agaitae kenipa. Pigo piyaga arataka yagara-ena putagina Anutu-va kamana utae agegeva, nana-viyemae agunda avasa-kenaeana putai-kaga Eboliva uga puwatae. Amatiti-enawambava uga kamana umamindie. ⁵ Inoku-va Anutu-ta amatiti putagina Anutu-va avavutae, piyavutagina purikenaen-awapa kamba agatae. Igeva aguyo-sagataepa kamba agatae. Nanaraka, Anutu ago avavuritine. Anutu Inoku kamba avavundi-tapa, aogiena Anutu aovindi Inokuva pumami titakagae. ⁶ Wasana kamba amatiti-ena winda-kivipa, Anutu-nda amundana pikenaena-wapa kawikiye. Aogienara-ka puwakie wasana Anutu-ti agora wakivinda-nawamba-va, ageva amatiti-peno Anutu-va mindiyema pigo Anutu-va agaoena poitagaga-viye ageka auuyosae-kinapa ⁷ Noava amatiti enaraka kamanapa uritae, kamba kaisaenava agandatasa, aogiena-watasa iugari-va putae waya-yagarawa uma itakenaga. Pita piyavutaipa, mamaomanda esegienawapa uma irarikaegaitae, pigo ayavama-nda anataka ena pikena ena-wapa amatitienarasa putae. ⁸ Abra-amu-va amatiti putae, pindaga kegae-kamana avindanava, magoena pukuwema putai mara aega-urite watae. Pigo irosawatae, pipa aetapaya wauwemava kamba agatae. ⁹ Ageva amatiti-puma mamavi-pa mitae, kaisa tupisa misuma. Ageva Jekopuge Aisakige yogi namai mitaene, Anutu-va ago kamana ugaindivie pi-tuwa imukuwema-va! ¹⁰ Ayama yaga agava-mamitaine esegimaminda kuma agakuwema, Anutu agewa aevama agama napigasima putaine pikumapa. ¹¹ Amatiti-enarasa, Sarai-va yagara atakena-enava Kaitine, Abra-amuva yagarama avandana pukuwema amatiti-putaine. Uga ago karenara watai-piyo, piyamba amatiti-putaipa, Anutu ago pai kamana ugaindiye yagara ena pikiyema-va. ¹² Piyavekma pigo, kayaga karena-rawama purikena-pikivipindisava, okena yagarama avandana pikiye. Igeva okena ena pumamikive, mandarisa norigandaena pundini weni atatisa kepiya-kanda pikina wasanama kamba isusiyama. ¹³ Pih waya wava Anutu-ta imatiti-purite wama uma puwatae. Anutu aogiena imukuwema umaratai-neanava kamba urindatasa. Kambae, igeva asima pigo agamamitae pindanaga maro pagasara witagini amuena-pumamitae igakenaga. Pigo kamba iniputae uma-avora atakenagava pindana. "Tageva mamavi mindune piyamba, kaisa aukeusa kina misuma." ¹⁴ Piyama waya wawami piyae ikive kamana tage avukuno-mbekava, pigo tageva agakune, igeva maga aguyosaga-emava. ¹⁵ Pigo piyamba igeva pih maga napiwakivekava, igeva atate kanakive. Piyamba igeva toh wakena-mamba. ¹⁶ Igeva toh mah urikenaga ivuwatae, ageva aogi ena puwama mamava agasima mae. Pipa manda kumane. Piyavutagina pigo Anutu-va kamba aniputaine pih kamana utaetaka-va. nana viyema, ageva ago kah kuma yoke-poitandana-gana. ¹⁷ Amatati-enaraka, Abrakam-uye, pih kanata Anutu ataka-avutaipa, ageva Aisaki amikenaga yakupi kaema agunda avasaganama. Ageva kayagararakaya-ando e kaema agunda avasa-gakenava, pih agetasa kaisa yagarava avoratae. ¹⁸ Pih kanata Anutu Abrahamu omitaipa, "Pih Aisaki-tasa kayava-magiva igeva urikive-e." ¹⁹ Abrahamu-va piyamba napitae, piyamba Aisaki purikivi-kagava, Anutu-va asitaki-ema. Piyamba pigo tagatakayane tageva pih amandana avoraikeava piyae-ikenae, Abraham-uva yagara-wapa kavindisa avavuri-yemi. ²⁰ Amatiti-enarakae, ayama-enava Aisakita avora-watagina amundanava Jekopu-ge Iso-ge agatase. ²¹ Pigo Jekopu-wa purikena kanawa mekana-tagina amatiti putae, ageva amundana isimitae Josepe masirara. Jekpu-uwa pusa akawamba anoyambura arakavima Anutu-ta monondana putae. ²² Pigo Josepe-va amatiti puma pih kanatapa purukuwakagava piyae-utae, aindiva Israel-i kinapa Isipi-va kaite wakive-ema. Pigo ageva oimitae nanavaya ayambu-enarasa pikivendana-rasagava. ²³ Amatiti-enarasae, Mosese avorataipa, igeva tariwa upindi kakatakae, ige avawamba-gi anowamba-gi agataepa aogi yagara avoratagini. Igeva kamba karuvutae anoyambu yagarama utai kamanakava. ²⁴ Piyamba amatiti-enava, Mosese-va aindiva ago tave-puwatae, ageva kamba karu-putae uma avora atakenava, ageva kamba fero aragama yagaranaema-va. ²⁵ Pipa, ageva igege kunda-ena urikenaga utae Anutu waya-wawake pigo ageva kamba amu putae alokanata mamavindi-saena pikenava. ²⁶ Ageva agama agagaita, Taveyagara aegara-kenaena-omava ayaema-ena aogiena Isipi-i witindanava agasa-emava. Pipa nanaviyema, ageva agatae ikawakaga. ²⁷ Piyamba amatiti-enarakaga, Mosese-va aumava kaitae. Ageva kamba karu-putae aeva-yagarama amondanaga-va, pipa nanaviyema age agataipa tave-yagara kakama agege mitaikagae. ²⁸ Piyamba amatiti-enarakae, ageva ago agagaitae Anutu-va waya wava Isipi-isava igaruwakai-kiyemava, Korawa kavera winda-kivipa, piyamba pigo wasanama amaru masi-yagara aegukaga pikivi kina-mbava kamba Israel-i kanambinda-va amaru yagarava kamba aeguki-ve-e. ²⁹ Amatiti-enarakae, igeva tete kayo wani-pa aka igayotegini soso mari uyesa-wataena. Pih kanata Isipi kinambi paviyaro oenoma putae pah, kaga woni kanama amba irari-kaewataine igepa. ³⁰ Amatiti-enarakae, Jerikaisa kagisava akasava-nataine, nayaka amupurite tonaendisa tara umumayaga inkitaegana. ³¹ Pigo piyamba amatiti-enarakae, rehapy-va pih kupiyo wepa, ageva kamba puritae kamana aka-kayona kina puritae-pindiva, nanaviyema, ageva agama kunda-na putai wava anda paru risa uritai wagana. ³² Tova nageva nanaga-ro ukuve? Nageva pih kamatap uyesawa-kuvoka, piyamba nage utakuvopa Gidioni-gi , Baraki-gi, Samsoni-gi, Jeptai-gi, Davidi-gi, Samueli-gi pih ige amonda kinakega. ³³ Imatiti-enarasue, igeva pih kuma-pa uritae, arataka napi-enarasa eriya-pumagini, pigo ugainda kamana uatamagini. Igeva kavu karama iwamupa akukasima-gini. ³⁴ Pigo yaku-omanda esegi-enawamba-va kamba iratagina igeva pigo awa-nene yogi-oma awawapa agaitae. Pigo igeva inu-enawipa uma kanarasatae, pigo igeva esegi-ena u-urindini akendana tomarisa irevu-kinawipa iyeguma aya-kasima igaitae. ³⁵ Ige waya puwatae weiyava toh asitae. Ige kaisa-kinambi asore poitataegana kamba aogima, mitae kina pa aogi iyaga asikive. ³⁶ Ige kaisava, ata kamanapindisa atakaena uritae, igeva kanda aksu uritae, igisa iyata igana kigasima igana namapindi itatae. ³⁷ Igiva yava-kasutasa iyegutae, mete wate kanate-ena omanda awawatasa tara-enawi kasatae, ³⁸ Igeva kamba pih magava ivuwatae, igeva soso mari ugasuga ki nasitae, amuti, pigo yava agepindi, pigo ma-oma awavi ³⁹ Taga tagane Anutu-va pih waya waga amu poitatae imatiti-ena putae-kaga, pitap umaranda kamanapa kamba urindatasa, Anutu umaratou kamanapa. ⁴⁰ Anutu-va aogi napiena puratandie tage, nanaraka, piyamba, tage kamba mikunompa, ayaema-enava kamba a-ogima avoraki.