¹ Atagini kagavara-minda ivuwakena-enava wamamiyeno. ² Kageguvavo kamba aganda-mbe waya wawa aogi-ena poitakenagava, kaisa kinambiva piyave kaisa kinapa kamba aogima agae pihpa ankero-kinanemava. ³ Napi-itao igana namapindi minde kinaka, piyamba kagege igana nama pindi minduwema napo igege. Pigo napiyo kagavarami wasanami kundwena iyapisa uritaekava. Piyamba kagegeve pihpindiva mitauwema-gina. ⁴ Itagini ayama kinambiva waya-urikivembe-ndanagapa agaiyo kage. Waya urikivembe-ndanagambava ewasapu-wama aratakamba miyo. Piyamba Anutu-va asore puku-weiye kegava ya towage toweke kupiyo-ena putanasi-kivembepa. ⁵ Ke nasi-kena enagapa atagana aratakapuwakina pigo miye kava ah kavu-wakina nanavaya atanda-mbendana-ga kavuwo, Anutu agewa piga iye, "Kamba kagaikuwe kagege mikuwe." ⁶ Piyamba amu-pumagita piyae-ukune tageva, Anutu-va nage nopikena-enanene, piyamba nanga nageva karu-pukuwe, kayagara-mava kamba nagepa asore-punatakiye. ⁷ Aeva kinaka pa aogima igao, kevaya Anutu-kamanapa iyema ayamba-paya eriyapa pe-ema. Pigo uro kamasa imatiti-ena. ⁸ Isu-Mesai-ya, kamasa-puma aiva mitaika-na ivava-mindikana ayama yaga mima unda unda-puwakiye. ⁹ A napi-enagapa atagana aivo--avosawano, piyamba igaru-kama-natakava, aogi-ena puwa-kiye kandaga atagana egema amupikivipa. Ugasuga kih nasikivi-kinamba pih nasana nakivipa kamba aepikiye. ¹⁰ Tage mondana pombepa, eriya-kinambi ta kamana ikena-kumapa aogima aevavena mononama-pindi, pigo oiyavekina kamba ageva nasanava urikiye. ¹¹ Mono-namata-sa anoyambu yagarama yaga aeguma korawa u-urite wakiye, wama uma kaema agundaena ukaite auwapa kago-oma ave-iwah ka egai-kiveye. ¹² Piyaputagina pigo Isu-va kago-oma ave-iwa a uwugu-ena uritae nanavigema, waya wawa karawatasa aeyowa-igaikenaga. ¹³ Paviyambato tageva kago-oma ave-isa tanindana-va ureno age putai-sapuma. ¹⁴ Paviyamba-toroviyo, tagenda kamba piya kumate windiye mata, piyavegita tageva agarindune kah-kuma kana kiyema. ¹⁵ Pih agepa, tageva ayama yaga tave-agi-ami ma agunda avasa-atano Anutu-pa. Tave agi amikena enave agunda avasaga-kena-enave awamutasa kanate agewa-mbave-nape agandiye. ¹⁶ Piyavekita tageva kamba tageguw-aveno, ayama-kina tagora minda-kive kinapa aogiena poitano, nana-viyemba, Anutu-va piya-ena pikivembe-takagava amupu wakiye. ¹⁷ Kamana avimagina aevagamba amendapind miyo ige, nanaviyema igeva kania kina-kata aeva vundae, tigena piyamba, pe eriya-omanda kamana imikive-omandaga. Kamana aviyo, anoyambu kinatimba-va amundana-yaga eriyapa piyoma, pigo igeva kamba inda-va ikivaki piyoma, pipa kamba aogiena-e. ¹⁸ Nunamu urataiyo tageka, aogi napi-ena urusuna magiri, pigo aogi maru-urusuna-magiri pih aya-ma-ena-omandaga. ¹⁹ Nageva urimuwe tige, ayama yageva piyavikive ema, nanura-ka wakarasakipa kana kuwe tigetiva. ²⁰ Ivava, Anutu-va paru yagara-e, kevaya purinda kina asi-itanda yagara-e, pih yagara tave yagara yoni utarasama nakena yagara aeva-vundi yagara-e, taveremba Isu, pigo kora-watasa age, utagaindi-e ayama yaga miwakunema. ²¹ Napendana-va timima aogi ena puritae, kegavaya age napi-enara aegarambe kinapa ageva uga purataki-ye nana aogi-enava, pipa agewatapa aogi-enarakane, pipa Isu-Mesai-yae tave agi urikena-yagara pigo ewasa-ena wima unda unda puwanda yagara tagane. ²² Ivava napi-enari asititauwe nagavara tige, aogima napi-iyoma kamana, nageva urimitamagi ka ema-ro ai sagatauwe. ²³ Piya-vuta emava agata-ya, tagando-rembava, Tomoti-va uga mitaae ka-enamava kamba aku-atata-gina, pigo agege avaga-yaga amba tigakuwe nageva. ²⁴ Kagi-ne kamanapa aeva kina-mbike imatiti wawa mikerisa kanae. Itari kina-mbitisa venape kagine kamanapa kanae. ²⁵ Pigo anda paru-enawapa tigege mima unda-wakiye.