¹ Tageva tigekagava tavuwa ema ayaema yakala agama-napima pi-Anutu-nda paluenawa aya ema Masedoni-yaisa mono namata imikaga. ² Tave kunda-enama atakaena-vindige pigo tikivaki-enavindi-ge, tave imuenage pigo igee-nageva avolata ema okae na aogi ena imima iyoputa ema. ³ Nagene avolatau-wema iguguya kamana-omanda igeva nana-viyema ayaemava ige amikena makiva agasima-gini yavapa meva puma amita ema. Pigo igewi imala. ⁴ Kapi okaena taviga kamana-pa tavigata ema tagepa igeyaga atu eliyapa ulite eiliya kina-kadama wakena ige imatiti wawa Jelusalemui. ⁵ Tageva kaba napitaune-ma pindana-ena avolakiye-mava. Piyambato, paitakapa tave yagala igewipa amigai-taekana-ema. Pigo aindiva kanama igewito tamita-ema tage-to anutu aumala-kaga. ⁶ Piyamba-kata pigo tageva esegima utaunema Taitusika, ke agovitata-ema pieliya tige tiypo pikenava aogima pagi pugaikena pi-aogiena ige imatiti wawa Jelusalemuisa yava imima iyapikena-va. ⁷ Pigo tigeva igainataema ige kaisava ayaema enava timatiti-enalasa, kamana-tasa, napiena-lasa, ayaema eseegi-enalasa, pigo tageka tigeva tivuwake-naenalasa. Piyamba kana pigo tigeva a miyalaiyoma pi aogiena puma amikena-enava. ⁸ Nageva kamba pipa piyamba ka wali kamanane-ya uwema. Pigo nageva pi-kamanapa tigenda atakama agatauwema piya-mba ageva tagamba pigo kamasa-puma piyamba ige kaisa waya wawa-gava tivuwa-kiyo o kamba-yo. ⁹ Nana-viyema tigeva aganda ema tagenda tave yagala Isu=Mesaiya-nda waya wawa-va. Agendava okaena-ena windiyema. Tigetasa ageva kota kawima pipiya yagalava avolaema, ageva avolaema alavisi yagala tage-kaga okena ena-le wiyenoma, pindana-enalakaga tigendava okaena-enali wikiyema. ¹⁰ Pindana-lakava, nageva aogi napi ena timimagi. Pigo tiyp pukuwe-ma tigepa tigeva pikena ena-va kamba agovitaema. Kamba ema. Tigepa tivuwa-taema tindavindi-sa tigepa pindana-ena pikenava. ¹¹ Ivava tigeva pi-eliyapa pagi pugasai-yoma. Kamasa puma piyamba tige tavela tigaena wima pigo tinda asitagiri pai putaesapu-ma, tigeva ivava pi-eliya pulite wama pagi-pugaikivema ageva. ¹² Piyamba tige tave tiga ena winda-kivi-kagava pi-eliya pikenaga, ageva ka aogi-enaema. Pikanata tige amikenaga napindi-lipa, tigeva amiyoma nana-enavaya tigenda winda-kivipa, kamba tigenda kawinda-kivindana-va. ¹³ Pi-eliyapa kamba puma ige kaisava kamba kanala uligili pigo tigemana kunda-enava ulikivema. Piyambato ageva kamasa-mba ayaema waya wawa. ¹⁴ Okaena aogiena tigendava ivava windiyema tigeva nana ena-vaya ige kaisa kamba winda-kivipa imikive-ka. Nana-viyema, pi-kanata ige okaena aogi-enawi winda-kivipa, igeva timikivema tigepa ayaema-ena tigenda ka winda-kivindanava, pigo kamasa ava tige tivaka-pipa wikiyema ayaemava. ¹⁵ Ageva kamasa puma piyamba ayaema kamana ige wili kinambi kaetesa pumagina: "Pi yagala kevaya oka ena-enawa windakivipa aindiva kamba kaenawa-pa wikiyema, pigo pi-yagala kevaya kamba okaena-enawa iva winda-kivipa, aindiva ageva kamba ka-e-nagava kavovikiyema." ¹⁶ Pigo anutu-ka aisa kamana otanoma, keyaya pi avuwake-naena Taitusi andavindi atataika, kamasa puma piyamba nagenda navu wakena-ena tigepindi windikaga. ¹⁷ Nana-viyema ageva kamba tage kamana avikagae, pigo-lo agewapa tave auma asiwatagina kanataema asitrite tigeti agewa aumala. ¹⁸ Tageva aisaga-tauema ka masi kevaya ayaema mono-nama-pindisa kinambiva agama-gini agegae aisesamag-ini agepa eliya ageva agamagina uma avolataema Taitusi kapi aogi kamana mete kanataipa. ¹⁹ Kamba pindana-manapiye-ma, ayaema mono kinambilo-va utataema agepa kapi tagege nasimagina pi-eliyapa umangina aogi ena puma amenoma. Pindanava ageva Tave-yagalama agege agewa-ndage pigo piagaenava tageto taopenoma. ²⁰ Tageva kamba taviyema ige waya wawami takaisa kamana usanaga tageka pi eliya tage pukunombe-kaga. ²¹ Tageva aogima aevamagi-ta pigo alaketa-ena punkema, kamba tave yagalama aovindi asa-andoviye-ma kambae, ayaema waya wawami iyovindi-gema. ²² Tageva ka masiya Taitusike aisaga-kunema kapi. Tageva okaena kanata agepa ataka-pugasin-data pigo tageva piyamba aguyosau-nema aga ena eliya pikenava windiyema. Ivava ageva tavela meva-puma aga emava windiyema nana-viyema ageva tave amatiti-ena windagina tigepindi. ²³ Pigo Taitusi, nagaya pigo kapisa eliya kinande nagenda pigo tigenda eliya masili. Pigo tala aganalala tasigenda ayaema mono kinambi isiagata-ema isigekava kapi Taitusike wisoma. Isige pisigina ayaema waya wawamiya tave-agi Mesaiya amikive-kaga. ²⁴ Piyamba-kana pigo tigenda tivuwakena ena ayakiyoma, pigo puma ayaema mono kinapa agama-napiyiyoma isigekava nanavaemava, tageva napimagita tige tigeva asagunema tigenda aogienali-mbanda-ga.