¹ Ayaema nagenda nagaya-valaoma, tagendava windi-yema Anutu-nda ayaema wali kamana wapa tage taumavindi piyamba pigo penoma tagete ewasaenave ayaemaena agama pukunombe pipi yaena taupindige pigo Awamusa pindigeva. Tageva aguyo-sanoma ewasaena-ga kapi Anutu-nda kalu-enalasa. ² Kalesoena piyoma tagendaga tige tndavi-pindi! Nana-viyema tageva kamba tageguvo-e nava punema ka-yagaralapa. Tageva kamba ka-yagalava ausugu-enava amimagita-yo o tageva kamba ka-yagala omima nana-enavaya tagele tvindana pomava. ³ Nage pi-kamana yopa kamba tige tiye vaskiena-yane. Nageva ago piyamba ugaitauwema, tigeva tage tandavindi mindaema, pigo ayaema-a kagapa kapi putite pigo kapi aumava uma mikune-ma. ⁴ Nageva tave namatiti-ena tigepindiva windiyema, pigo nageva amundana windiyema kagepindi. Nageva awitawae-ma kapi pasema. nanda. Nageva amunda-na windiyema meva puma tavelaka uga nageva pi-kanata kunda enavindi miyopa. ⁵ Pi-kanata tage Masedoni-yai kanataom-bepa, tagenda tau-omava kamba miyalatae-ma. Piyamba kana, tageva kunda ena ulutaunema ayaema kitisa nana ayaema kunduena aveisa tauta kanataipa pigo tage tanda-vi-pindi kaluenageve. ⁶ Pigo Anutu-va, kevaya agamagina esegiena imigavi ayaema kina waya wawaw kegivaya esegienawi kawinda, ageva esegiena tamitaema tagepa pi-kanata age Taitusi aisagatagina tageti kanataipa. ⁷ Ageva kamba Taitusi kanatai kana-takoviyema Anutu esegiena tamitaipa tage. Taitusilova ulamitaema tagepa ayaema aogiena tige amita ekava age. Ageva ulamitaema tagepa ayaema-ena likaga tigenda, pigo ageva tave andaland-na putaema, pigo nageka napikena-enaga. Pindanama putagi nageva meva puma amundan-ava putauwema. ⁸ Uga isa nage ka ema-gi aisaga-taogana kanatagili tige napi na paena putaepa, nageva kamba ayakuma nandala-enagava piyamba nage pi-isa kae tao-kava. Pigo nagepa nayakumala ka nadalaena-va putaema pi-isa tigeti ka ema isagakana kanakivika pi kanata nage agama piyamba pi-isaoma tige napi napaena pulitakivikaga. Pigo tigeva kamba napienapaina e-ela la kanata pe-ema. ⁹ Ivava nageva amu puwema, kamba nanalaka-ga tigeva kamba amu pema, pigo nana pi-napi napa-enamava tigepa tivavulite waema uma avolaken-enavindi agunda-enalikaga tigenda pigo uma tindala-piyoma. Tigeva aogi napinapaena-ge pigo indala-enage ayakule-ema, piyamba-kana pigo tigeva kamba ka ena-lipa kasaema. ¹⁰ Anutu piyamba aogi wali-enage pigo andala-enage pugaga-vipa wasana avavulute wama agunda-enawaka-ga uma avolama pigo andala kamana-omava, wasana avavike-na enavi-ndi wasana avavulite wagagaviyema. Pigo ma-mavisa waliena-mage pigo andala-enamageva wasana avavulite-gina pulikena-enavindi wagaga-viyema. ¹¹ Tige agama nana pi aogi wali enage pigo andala-enage avola-kivipa tigepindi. Pi-ege napi ena tigepindi uma-avolakena piyamba tige kamba tageguvo-ena tavela mevapundyema. Tigeva wali-puwaema agundaena-manda kambali kamana-watakaga, tigenda Kaluenage pigo tigenda tivuwakena-enageva alaketaena avolakivi-pa! ayaema-enavindi, tigeva ayakema piyamba tageguve-ena ka-windiyema. ¹² Uga nage isa ka ema aisaga tao=pa tigeti, nageva kamba ige igeguvo-ena pugave kinambi igelapa kaetau-wema, o ige wasana, kegivaya igeguva-enalaka kunda ena ule igetakaya. Nage pi-isa kaetaopa nana-viyema pi-aogi-enalipa tigenda kagekava waela amba avolai-yomaema tigetapa Anutu aovindi. ¹³ Pindanalakava tageva esegi ena ulunema. Kapi akimagita pi-tagenda esegi-enage, tageva mevapuma amundana pumamunema Taitusi amu enaga, nana-viyema tige aya ema pe-ema agenda Awamusa kasaena avalanoma. ¹⁴ Piyamba nage aoigima tigeka Taitusiti waiyo ukuvapa, nageva kamba kanala nanindava pikiyema pi-kanata age kana kivipa tigeti. Piyamba kana, kamasa puma ayaema-enava tage ulimombepa tige taganema, ayaema aogi kamana tage yombe kamanapa tigetasa wama Taitusita, ageva tagane. ¹⁵ Taituinda tigeka avuwake-naenava tavelakane-ma mevapuma, nana-viyema ageva napitaema tigenda ayaema kamana avikena-enalikaga; pigo pi-kanata age kapi tave kaluenala-sage pigo ise-ena potama avav utaeka. ¹⁶ Nageva amu puwema nana namatiti ena nagenda tavela meva pundi yema.