¹ Pi-kanata tage kapi agege eliya pundatava, tageva tivigaunema Anutu-nda paluena-wapa piyamba ugasuga-enaganda-mapa a uliyoma. ² Nana-viyema Anutu-va iyema, "Nageva ago utagaindu-wema ka kanata, pigo pi-kanatapa ago tiyaputau-wema tigepa. Pigo wasana avavikena kanatapa, nageva ago tivavugai-tauwema." Agaoma, ivava age pi-kanata nageva utatauwema. AGaoma ivava age pulipa wasana avavike-nagaviye-ma. ³ Tageva kamba ka-enava ataunema wasanaga waleyano-enava, nana-viyema tageva kamba taviyema ige wasa nami tage eliyakaga akaya kamana usanagava. ⁴ Piyamba pigo, ayaema-ena tage Pombepa, piyamba tayakiyema tagepa Anutu eliya kinataema. Tage anutu eliya kina avolaombepa nana-viyema, tageva tomatoma kundu-ena agasaombe-kagae ayaema, tausugu-enama, nasikena-enama esegi puwama. ⁵ Igeva taegumagi=ni tagepa, igeva iganala tata-ndini tagepa, okaena kamanape, kamba aogi tawi wima okaena ase, pigo tagaena-ga tavuma. ⁶ Ewasa-enavindige, pigo aogi napi-enovindige, pigo pasema mikena-enavindi-ge, ige kaisa Awa-musapindi ivikena-enage pigo taga tagamba ivuwakena-enageve. ⁷ Tage Anutu-nda tagataga kamana-omanda andavipi-ndisa eliya yakala-wataema, pigo Anutu-nda esegiena-wamba andavipi-ndisa. Tageva alatakaena-manda akendana pikena kukenava ulundune-ma taya takandige pigo taya kemasigeva tageva. ⁸ Tage eliya pombepa tave tagilasage pigo kamba tave tagilasa-gevenapema, pi-kamata ige kamba aogi kamana tageka endanavind-yo pigo pi-kanata ige, aogi kamana tageka endanavi-ndiva. Igeva ulame-ema tagepa piyamba tagekava kambali kinata ema, pigo tageva tagaenala eliyapa punema. ⁹ Tage eliyapa piyamba igeva kamba agama tagepa pigo ayaema kinambi-va aogima tagandaema tagepa. Tage piyamba eliya pombepa tageva pulikenagae piyamba, pigo kambae, agaoma, tageva auma uma mindunema. Tage eliya pombepa piyamba igeva iganala tataema tagepa nanaena tage pombetaka, pigo kamba igeva tage taevima puliyova ikivema. ¹⁰ Tage eliyapa tageva tave tandala en-a windiyema pigo ayaema kanatapa tageva amuena punema. Tage eliya pombepa piyamba ige aivo-kandama nema, pigo eliyapa, tage pokana okaena kinambi okaenaena ulema. Tage piyamba eliya pombepa tagenda kaisa-enale kawindasa-manema pigo ayaema-enava tage-ndaema. ¹¹ Tageva ayaema taka kamanapa ago uligasaunema tige ayaema Korini-va, pigo tage tandava welataka windiyema. ¹² Tageva kamba tige tindava akununema, kambaema tigeli tindava akunema kapi ayaema tigeti napi ena-lasa tigeva. ¹³ Piyamba pigo alaketa kioma andavipindi awaeviyo-ma, nage yopa tigeka. Piyamba ayaema yakala-ndondoga nageva usu-puwema, tigekagaga tinda awiyiyoma-ema tigeva. ¹⁴ Tigeva ah atokae-yiyoma kapipa ige kamba imatiti=pekmakeva. Nana atu kamana-omava iyema piyamba alaketa-enama eliya kapi akima pi kivipa wali kamana akayaki-yema? Nana mononda-nama ikivipa kaneke pigo asenama-geva kapi eliya pikivese? ¹⁵ Nana ka-anda wikiyema Mesaiyava kapi Beliyageva? O nana ayaema aogienava age imatiti wawami ige ulindepa ageva kamasa pumae piyamba ige kamba imatiti pekinambige? ¹⁶ Nana ka-anda Anutu-ke pigo alu yagalamake isiyakapi yavela windipa? Tagele yavelae kevaya auma uma mindi Anutu-tapa. Kamasa-puma piyamba Anutu agewa isamba. "Nageva ige ivakapi mindanda pigo nasikuwema ige ivakapa. Nageva ige Anutu avolakana pigo igeva Nage wawa avolaki-vema. " ¹⁷ Piyamba pigo, "Tigeva amba avolama igepa kasai-yoma, tigeva pagasala miyiyoma igetasava," Tave yagalama iyema. Tigeva a-ayakuli-yoma ayaema-ena kamba ewasa pundinda-nava, pigo nageve kegae ukuwema tigekava. ¹⁸ Nageva tigenda tivalimba-ndana pukawema, Pigo tigeva nagenda waya wawa avola kivema." Kevaya ayaema esegiena ulindi tave yagalama piyamba iyema.