¹ Tageva agakunema piyamba ma mavisa pi tau tage mikunombe age andavi pindisa asole pikivipa, tagendava windiyema ka nama Anutu tamikivi. Ageva kamba ka nama ayatasa wasa nama pundanema, pigo age napa wima unda unda puwakiyema, pigo ageva manda kuma pindi windiyema. ² Pi-yogi nama-oma andavipindi tageva mikuno-mbekaema ageva, tageva taukivaki-ena aukayamamu-name, pigo tageva tavawakiyema Anutu-va mandalisa kasa tauka kapi tagpa tawato-ena pulatakivika. ³ Tagepa tavuwakiyema manda kumatisa. Pi tawato-enagava, nana-viyema tageva kamba pakapa kukena kawindapa mikunema. ⁴ Nana kanata tageva mita tau nema pi yagi nama anda vipindiya, tageva tausugu-ena umagita pigo kunda ena, aesa gavi-taunema. Tageva pi kukena-omanda tawato-enava ukai-kanagava kamba napitaune-ma. Piyamba-to, tageva tavuwataema manda kumatisa kukena tawato-ena kapi tagege wisanagava, piyamba-kana pigo nana-enavaya mavisa asolepikenava asole puwa kiyema. ⁵ Kevaya tige piyaena-mandaga yoke pulatakivipa age Anutuye, kavaya tage Awamusa tamikivipa ageva piyambane makigandama nanavaya kana kivina-ndaga. ⁶ Piyamba-kana pigo, tigeva ayaema yagava asima esegiviyoma. Tigeva agaiya ma piyamba pi-kanata tage mindambe-pa ma-mavindi ma kumata ma-tauoma andavipindiva, tageva pagasalata-ka mindunema Tave yagala-matapa. ⁷ Tageva tamatiti-enalasa nasunema, [pigo kamba tageva agaombe-ndanalasa. ⁸ Piyamba pigo tagendava esegiena windiyema asikenava. Ageva kanaranema tage mikenava pagasala ma-mavisa tauta pigo kapi Tave yagalage Manda Kumati mikenave. ⁹ Piyamba pigo tageva utaunema ke Tave yagalaga amu pikena, uga tage Manda-kumati miuno o pi-kanata tage ma-mavisa kumata munova. ¹⁰ Nana-viyema tage ayaemava asikunema avolataka Mesaiyanda ayikikena aemu yavela, pigo ka-kapa ulikivema ikapa nana ayaemaena ige putae pi-kanata ayaema ma iuta mindini, uga pi-ayaemaena-va aogiena-yo o kamba aogi enayova. ¹¹ Piyamba pigo agama Tave yagalaga kalu. Pikena-enagava tageva esegima unema ayaema waya wawaga. Nana kiti tage agama miyo-mbepa ageva avolataka-nema Anutu aovindi va. Nage napiena-vindiva piyamba windiyema namatiti-enava ageva kanalasa-kiyema tige napienavi-ndivenapa. ¹² Tageva kamba atakama tigekava esegi kamanapa unema tage tagama kapi tindala-ena-lasa nana-viyema tageva Anutu-nda eliya kina-takawata-ema. ¹³ Pi-kanata tage ayaema-ena piyamba kamba aogi napiena winde kinambi ige pesa-ndana pukune-mbepa, ageva Anutu eliyanema; pigo piyamba tage aogi napiena winde kinambi ige Pesandana pukunom-bepa, ageva tige tiuopikena-ema. ¹⁴ Mesaiyanda-avuwa-kena-enama pegita pi-aya-ema eliyapa punema tageva, nana-viyema tagenda piyamba tamatiti-ena windi-kaga, ayaema waya wawa lakaga ka yagala pulitai-takaema, piyamba pigo ayaema waya wawava kapi Agege pulema. ¹⁵ Ageva ayaema waya wawa-lakaga pulitaema, piyamba pigo ige wasana waya wawa kegivaya ima uma minda-kive kinapa kamba igewitapa mikive-kana, pigo igeva ima uma mikivema kevaya igetaka pulitegina pigo pi-yagala to asitoi. ¹⁶ Pina agolakaga, ivasalasa pigo wamava, tageva kamba wasanama napienava ayikenoma, pi-kanata tage auta agandala-va, piyamba paitaka tage Mesaiya ayigi-atatao-mbesapumava. Pigo ivava tageva kambalo kamasa kitisava wasanava ayigi-itanomo. ¹⁷ Piyamba-kana pigo, piyamba ka-kina Mesaiya-pindi minda kivikaga-va, ageva kasa kina nema. Ayaema paisaena-va igenda pagi puwandi-yema. Pigo ivava kasandana puwanda-ema igeva. ¹⁸ Ayaema pindana-enava Anutu-tisa kanaema. Ageva pulataema tagepa age Mesai-yapindi. Pigo ageva tamiyema tagepa pi-eliya wasana avavulite Tave yagalali kanaiyoma. ¹⁹ Ageva piyamba-ne, Mesaiya-pindiva, Anutu-va eliya piyema ayaema kina ma-ma-visagava kanai-yoma agewati-ga. Ageva kamba isuyema igeguvo-enagava igenda. Pigo Anutu-va tamiyema tage pi-eliya puma wasana avavulite kanai-yoma age-wati kanakivepa tage pukuna-mbeka. ²⁰ Piyamb pigo Anutu-va utalatae tagepa piyamb ige wasana-mi Mesaiya utataesa puma ma-mavi. Ageva kamasa puma piyamba Anutu putai pi-eliya tagepindi. Tageva tivigaunema piyamba tigepa, Mesaiya ageslas "Tageva kanaiyoma Anutu-ti!" ²¹ Ageva Mesai-yaka tagenda agunda-enale ulenoma putaema. Mesai-ya age kevaya kamba ka agunda-ena punda pi-yagala. Age putaipa piyamba tageka alataka piyoma Anutu-va Mesai-yapindi.