¹ Piyamba-kana pigo, tagendava windiyema pi-eliya Anutu tamima tageka piyaipa, pigo kamasa puma piyamba tage Anutu-nda paluenawa ulombesa-puma, tageva kamba tanindanava puneema pi-eliya pikenava. ² Piyamba-kana, tageva kambae unema ayaema-enama tanindana tamima pigo tage kakalata-kena ena-gava. Tageva kambalie-nama -pindiva ka mindune-ma. Pigo tageva kamba punema kaogiena-yo o Anutu kamana awaevike-na enava. Pi-kanata tage taga kamana-omanda uma avola ataombepa, ayaema waya wawamiva agaiyoma piyamba tageva Anutu aovindiva alaketa ena punema. ³ Pigo, piyambato pi-aogi kamana tage kakama umamu-kunombepa atu kukuenavindi, ageva kakawaema Kegivaya asole puwamagini pigo Anutu-to pagasa ayaema mikive kanapa. ⁴ Igetasa, ayaema ma-mavisa kambali anutu ige napienava akuitaki-yema Isu-Mesaiyanda aogi Kamanata imatiti-pikena enava. Pina agolakaga, igeva kamba kanata agakiyema aogi kamana-omanda kanewapa Mesaiyanda, kevaya age Anutu-nda amawata. ⁵ Tageva kamba tagetekava uma avolaunema, pigo tageva Isu Mesaiyaka uma avolaunema ageva tave yagala, pigo tagelepa piyamba eliya kinataema tigenda Isu agel'a. ⁶ Anutu kevaya utaema, "Kanepa asenavindi ilosama takiyema." Pi kaniomava tage tandaviyi-ndi kane takiyema, Anutu agake na kani tamitae Isu Mesaiyanda paluena wa-pindi. ⁷ Pigo tagendava ayaeama pi aogi enava windi-yema tagepindiva, piyamba ma tinioma andavi pindi-gandama. Pigo ageva ewasala avolakiye ma piyamba pi tave eseeiena-va, Anutu-ndae pigo kamba tagendavi-ya. ⁸ Tgeva tomatoma kitisa kuna enava asesa-gavunema, pigo pinava tagepa kamba malapa tataema. Uga tagenda napi enakepa kamba aogima ayaema-enagava ewasavipiyo, tagenda tandalaena-mava kamba awita ema. ⁹ Igeva kamba aogi na pulata epiyo tagepa Anutu-va kamba akava tamiyema tagepa. Igeva taeguyepa tage pigo tageva kamba asole-enava ulunema tageva. ¹⁰ Ayaema kanatapa tageva Isu-nda pulikenenava tage tauta ulunema, piyamba Isu-nda aumava paguta avolanoma-ema tage taupindi. ¹¹ Tage kegitavaya auma uma mindombepa aganoma ayaema kanata Isu-nda pulikena-enava tage tauta ulundunema, pigo Isu-nda auma wapa waeta avolakiyema tage tauta. ¹² Piyamba kana pigo pi-pulikena-enamava tagepindi eliya pikiyema, pigo Isu auma-omava tigepindi eliya pikiyema. ¹³ Pigo tageva kamasa Awamusa ulundu-nema tamatiti pikenava, piyamba Anutu kamana ige amonda ki nambi ka egai nde-sapuma. "Nageva namatiti puwema, pigo nageva uwema." Tagevanape tamatiti punema, piyamba kana pigo tageva unema. ¹⁴ Tageva agaunema piyamba kevaya tave Isu asitatai tagetava kapi Isu-ke asila taki-yema. Tageva agaunema piyamba ageva tagepa tavavulite kapi tigeke wakiyema paluenawa-mba andavipindi ageva. ¹⁵ Ayaema-enava tige tigevindiyema ageva. Piyamba kana pigo paluena wamba kanatapa wama okaena-ena pikiyema, Anutu-nda ewasa ena-wakava inata mevapuma wakiyema aisa kamanapa. ¹⁶ Piyamba kana pigo tageva kamba napienava malapa atanoma. Iaganema, aveisa taupa tagenda asole pikenaga-viyema, pigo tagenda tandava ayaema yagava kasa kasa puma miyema. ¹⁷ Pi-alo kanatapa, ayaema amanu kundu-enamayo pigo tauki vaki-enamayova tagenda yoke pulataema agenda kanawa kawima mima unda unda puwakivi tave kani-omandaga. ¹⁸ Nana-viyema tageva kamba agaunema ayaema-ena taoma againdana-va, pigo ayaema-ena taoma kamba kanata agakivipa. Nana-viyema ayaema ena taoma agakivinda-nava Pagi Puwakiyema, pigo ayaemaena taoma kamba agakivindana-va wima unda-unda puwakiyema.