¹ Pi-eliya ige imatiti wawa Jelusalemuisa iyopikenava, ayaema imatiti wawa-miva piyoma, piyamba-ka pigo nageva kamba kanara kaema ige imatiti wawa-lapa aisagakuwema. ² Nageva agagasau-wema tigenda tindama agaenava, ageva ige Masedoniya kinapa piyamba omitae-ma ige waya wawa Akaiyaisa-va ago wagaiti kavuvi yoke pugataema. Tigenda tindama agaena-wambava okaena asi-itatagini igeva pindanava putaema. ³ Ivava nageva ige yakala isakasau-wema nana-viyema igalu ige waya wawa-miva piyamba nipiki-vema tage ukunombe kamana tigeka igeva kambali-ne usanaga. Pigolo tigeva yoke pikivema, ppiyamba nage ugaitaesa pumagina. ⁴ Igalu piyamba kaisa wawa Masedoniyaisa kanama kapi nagege pigo agusakivema piyamba tige kama yoke pundakive, tageva tani puwakiyema-nageva kamba kanala ka kamanapa ukuwema tave namatiti ena tigepindi windi-kava nagenda. ⁵ Piyamba-kana pigo nageva napuwema piyamba ageva alaketa-mba esegima enoma ige yakalala-pa, tigeti kanama pigo yoke piyoma ayaema amundana avaga piyamba tige wali kamana ugaindepa. Pindanava ageva nana-viyema ayaema pi-amundanava yoke puma piyamba ayaema -ena tige napimagili amikena kapi tindayaga tige. Pigo kamba piyamba kaisa-enava tigeva kamba napima amikena-vepiyo pigo tigeva esegima yokili tigekava imema. ⁶ Agowapa pindanama-ndava ageva piyamba-nama: ae yagalama-vaya kamba okaena aindana akivipa, kamba kanala okaena nasanava yoka-vikiyema, pigo ae yagalama-vaya okaena aindana agagavipa, okaena nasana yoka pugagaviyema. ⁷ Atagana ka ka waya wawamava amenoma agewa napima-gina andalasa agewa amikena avala. Ageva kamba ameno-ma nana age andala pundana-yo o kana amima ige wasa nami esegima umagini age amiyo ikivetapa. Anutu-va avugaga-viye kevaya amupumagina amigaga-vi kinakaga. ⁸ Pigo Anutu-va ayaema-enalipa tigenda okena-ena pulitaki-yema, piyamba-kana pigo ayaema kanatapa, tigendava wikiyema ayaema-ena tige kavovikiveta-pa ageva. Ageva tige okaena aogi eliya puma avolakiv-eka ema. ⁹ Ageva piyamba ige amanda kinambi kaegainda-ema. "Ageva imigaindi-yema ayaema kota piyaenava ageva ayaema andala wawa. Alaketa-enawapa wima unda unda pu-wandiyema." ¹⁰ Ae yagalama ige ago ena pikena kinapa aindanava imigaga-viyema, ke atamagina pigo yago avotakena-enava pugaviyema, amima pigo pigina tigenda aindanava okaena avolakiyema akenava. AGeva tigenda alaketa-enamava nasana avolama mevapuma okaena-ena avolaki-yema. ¹¹ Tigeva meva puma okaena-ena avolakivema ayaema-enalipindiva tigeva pigo tigeva amikena kina avolakivema. Pindanama-va amima Anutu-ti aisa kamana wakiyema tage ayaema eliya kinambita eilya putaombe-takaga. ¹² Pi-eliya tage putaombe-pa kamba ige imatiti wawa Jelusalemuisa-manapa iyopikena-ema. Agelova meva puma okaena eliya avolata ema Anutu-ti wama amikenava. ¹³ Nana-viyema-ema, pi-eliyapa atakama tigenda timatiti-ena pigo agama piyamba tigenda timatiti-enava esegi puwatae-ma. Tigelova ewasa-ena amikivema Anutu-pa tige kamana avindili pigo uma avola eka Mesaiya-nda aogi kamanawa. Tigelova Anutu-pa ewasa-ena amikivema Jelusale-muisa ige imatiti wawa iyo pundili yavake imendana-litasa ayaema waya wawage. ¹⁴ Igeva nunamu tigepa ulitamamind-a-ema. Ige pindana pumaminde-pa nana-viye-ma tavela Anutunda paluena-wapa tige tivo-vola windagi-naema. ¹⁵ Atagana wanoma aisa kamanapa Anutu-ti pi-tave amundana-ge Paluena wakeva agenda!