¹ Pi kanata tige katipisa tokinake kamana winda-kiripa. Piyamba tigeva Koriti mete wigina ige ave-isakina-mbi ayigitita-kive-e kotiva pigo mono namapindi-sa aeva kina itaigina ayigititakenava kambaya a-a? ² Igeva kamba aganda-ya imatiti kinambi mamavisa kina koti poitaki-ve-emava? Pigo piyamba kanara ige mamavisa kina koti-poitakivepa, nana-viyema tigeti tivakapa amana kamana avoraipa kamba aiykinda-tasa? ³ Tigeva kamba agae ige ankero kinakevanape ayigi-itakune-muvenape? Ayakitane, tage mamavisa kotiva kanara ayikikuna? ⁴ Piyamba tige kanara kamanati aogima ayikiki-vepa ayaema yaga, nana-viyema tigeva kotiripa atae kamba mono namata aevavunde kinambi iyatapa? ⁵ Nage pikamana yopa tige tinindana-rika ga uwe. Piyamba-paya kaisa kinapa kambavuya mindae tige tivaka-pipa aogi napiena-yagapa pikundu-ena aogi pikenava tige nanatava-rage pigo namana-parageve? ⁶ Piyamba kamanapa asiye, ka amatiti yagarama to ka amatiti yagara avavurite kotira wipa, pigo ige anutu-ta kamba imatiti pekina-mbi kotiri ayiki titaepa. ⁷ Tagatagane pindanava tige kristeni-va timokamana tivakapi wikiye, age pindana pipa tigeva ago alusi puwae. Ayamba tigeva pikunduena-va. Kambava urikive-e. Nana-viyema tigeva kamba itagini tarikiva tive-e? ⁸ Piyambaane, tigva asore poitandiri pigo kambari kamana oitae igepa, kaisa, pikinapa igeva tinatavarae tigepa. ⁹ Itgeva piyamba-nemava kamba agandae, ige kamba aogi kinapa anutu kumapindi-va kamba asupasiki-ve-e? A kambari kamana-takava kamatitipo. Ageva kupiyo-enae, pigo kambaari anutuge pigo mareti apako-magini pigo wamava waro umagina pigo agau kagauena puma kamba aogi-ena pe-e. ¹⁰ Pigo kundana-enae pigo akuni-kena-enae aya ema pindana pigo spaki-enae pigo akaya kamana ikena-enae pigo kaisa ena tokinambi-nda uma paivikena-enage. Kamba ka pikma pisava asupaskikive-e anutu kuma pindiva. ¹¹ Kaisaripa ago pindava putaene paipa. Piyamba-kana, ivava tigeva ago kalini-puwae pigo tigeva ewasa puwae pigo tigeva arataka puwae anutu aovindi Tave-yagara Isu-mesaiya eriyatasa Anutu-nda ege Hawa-musa-wapindisage. ¹² Ayaema-enava nagepa esoso pundiye pikenava, "Piyamba ayaema-enamarova kamba naoikiye nagepa. Pigo ayaema-enava nagetapa esoso oundipa, piyamba ka enava kamba atakana aeva punatana nagepa. ¹³ "Nasanava ageva tanda-mandae pigo tandava ageva nasana urikena-enae." Piyamba, aindiva Anutu-va tarayaga-ena uma pagi-vugaikiye. Piyamba taupa ageva kamba kupieo-ena pikena-enava kambae. Piyamba-kana, taupa ageva Taveyagara mandae pigo Taveyagar-amava tau aopikena enava uma yoke potakiye. ¹⁴ Anutu-va Tave yagara-va asitatai-kana pigo tagepa asirata-kiye tave ege-enawatasa ageva. ¹⁵ Tigeva kamba agandaya piyamba tiupa kapi Mesaiya-kena-emava? Pigo nageva Mesaiya au umigi meku wae amukuwe. A piyambapa avorao. ¹⁶ Tigeva kamba agandae piyamba-nemava, wama meku weke atokaeyipa tigeva katindana puwae piyamba Anutu isaoma isapumagina, "Tarava ka indana pukwaki-vesema." ¹⁷ Piyamba, kevaya Tave yagarage atokae-kivipa, ageva Anutu Hawa-musa-pindiva kandana puwae. ¹⁸ MEndu-ena pusanagave Pagasara miyo! Ayaema kaisa wasanami agunda-ena papa aveisa ita peye, piyamba wsanama menku-ena pipa, ageva auwa asore pikenago piye ageva. ¹⁹ Tigeva kemba agandaya tige tiupa Ewasa puwanda Hawamusa-omanda maru-waremava, ageva tigepind mindiye, pigo Ewasa puwanda Hawa-musapa tigepindi. minda-gina pigo tigeva Anutu-ndarae? Tigeva ago agaya piyamba tigeri mindunema-va a-a? ²⁰ Anutu-va tave ikatasa ikapugaitae tigepa. Piyamba-kana ayaema-ena pigo tige pikivendanava.