¹ Nageva ivava pekimi-pikenaga puwe tige awaemavi kaee kamana. "Piyamba wasana-ma kamba waya-wawa-ena punda-kivipa, ageva aogiena raka puwakiye uga mikenava." ² Nana-viyemae, igeva menku-ena puma avora kena-ga pugave-e, piyamba-kana pigo kaka wamiva waya-waipa miyena agenda, kaka wembira-va wawi-tova miyeno igenda. ³ Wamava kanara wayawa-mbageva wikiye, pigo waya-marova kanara awegeva wikiye, piyamba-kana pigo isigeva a isupa akumiso isigewisipa. ⁴ Wayama-va auwapa kamba aevavuneliye, kambae, awae-garima aevapundiye. Paviyambato, wamarova kamba auwapa aevavundiye, kambae, wayawamba aevavundiye. ⁵ Isigeva kapi wikienava a isupa akuniso, isigeva ka isinda purindinisi pigo kaisa-yagava pagasara mikivese, piyamba kaisinda purindini-si pigo nuna-muena pikenamanda-ga. Pigo aindiva isigeva isupa atokaema wikivemeka kapi, Nana-viyemae, aluyagaramava ataka tivikiye tiomanda auma yagarava tigenda. ⁶ Piyamba ma kamana nage yopa, ageva piyamba umara-nda kamana aegarai-yomayane tigeva, kambae tigeva uga tigeti timava aegara-kive-e. ⁷ Nageva piyamba napuwe ayaema wava nage posapuma age yagara mi-iyomagi. Piyamb Anutu-va tonama amundana kaka-kinapa imiye, ka-yaga-ramava ka amundana uregina to kayagara-marova toka amundana uriye. ⁸ Pigo wa age-yagara minde-ke pito waya iwaegi puwanda-keva nageva piya uwe, ageva kanarane ige kamba waya wawa-ena pikivepa pigo piyamba kamasa pumagina nagene miyomba. ⁹ Piyamba kamba aogima ige ima aevavikivepa, egava kanara-pikiye ige waya-wawa-ena pikivepa, igaru inda-oma asiwakiye menkue na pikenaga. ¹⁰ Iva wage wayae ago waya-wawa ena purinde kinpa, nageva pi umara-nda kamana timawe tigepa, kamba nageviye, piyamba Tave-yagarama iye agewa, waya-magava kawae-garimageva a waya-wawa ena-risipi apakovisoma ageva. ¹¹ Piyamba-kana pigo age waya-wawa-enawisi apako-vikivipa awaegari-mage, ageva to warova ka ureno, o ageva andara pugaitegina to awaetato wano. Wamava a waya-wapa agaruwano ageva. ¹² Piyamba ivava ayaema tigepa urimikena-ga puwe nageva, piyamba ka nanata varavisa waya nda kivipa kevaya kamba amatiti punda wae pigo wayama amu puwama agege mikena-ga pekinava, ageva a-agaruwano pi waepa. ¹³ Piyamba ka wae wara wakina pigo wa Isu-ta kamba amatiti-pikivipa, pigo wama wayake mikena pekinava, pigo waya mava wava kamba agaruwano. ¹⁴ Wama kamba amatiti pikivipa, ageva kamba wayawakeva atokaendi-ye, pindana pindani-aka ageva Ewasama mindiye, pigo wayama kamba amatiti pumagina ka masige atokae-kivipa, piyamba piyavikivipa, sigenda yagara-wisipa Anutu aovindiva kamba kalini pikive-e, pigo ivava igeva Ewasama mindae. ¹⁵ Pigo piyamba wamay wayamayo Anutu-ti kamba amatitip pikivipa, pu wamay wayamava atate pigo wakenaga-viye, atagana ageva wano. Nana-viyemae, pi masiyo aragava kamba igana-vindiva ige umaratae kamana pindiva kamindae. anutu-va tigeka kegae utae anda paruena-wake pasema mi-iyoma. ¹⁶ Wayapa, kageva ayamba agane, kageva kawaepa aopuma-gina monokina-ndanava pikivepera kambae? ¹⁷ Ataiyo kakatipa tige aya tima Tave-yagarama utaritandi-sapuma mikiveyo tigeva, pigo age Anutu tigekava kegae-utaine. Pindanava ageva umaranda-enae nagenda ayaema monopindi. ¹⁸ Ka yagara-mava au kasatae pi kanata Anutu kegae umagina kamatiti-ena poutaginava? Age maki atatai aliwa ukaikena-gava a napeno age kasataipa. Age kayagara au kamba kasanda yagarago pikana'a Anutu kegae umagina kamatitiena po-omitae? Ageva aupa akasane. ¹⁹ Kau kasakena-enayo kamba kay kasakena-enava pindanava tave-enava kambae. Piyamba Anutu-nda umara-nda kamana aegara-kenaena va ageva tave-enarakane. ²⁰ Kaka kinapa kegae ikenara mikivene, ageva mitagina pikanata Anutu kegae umagina kamatiti po-omitaine agekava. ²¹ Tigeva uga enya kina mitaegana Anutu-va kegao utaine tigekava? A napinapi puwaiya pindana-gava. Piyamba pigo kage kanara fri pikena va kanarana paviyavo. ²² Tave yagarama kekavaya kegae uma uga eriya kimanda- na poikivipa, Tave yagarama-nda ageva fari yagarae. Piyamba-kana pigo, pifari yaga rama ikanata kegaewa avimagina amatiti pikivipa, ivava Mesaiya-nda uga eriya kinawane. ²³ Anutu ago ika tivugaitae tigepa tave-ikatasa, piyambano wasana- matapa a uga eriya kinandava piyo. ²⁴ Tige masimavige pigo aragawae-keva nana laifuvindi tageva mitaokana pigo Anutu-va kegae umaya amba naega-raiyova utae, tageva piyalaifu Anutu-geva miyeno. ²⁵ Pigo kegivaya kamba mareti punde kinambi kamanapa, Tave-yagara-mava kamanapa kamba unamindiye nagepa, piyamba nageva napiena atauwe Tave-yagara-manda paruena-wapindi-piyamba ige ekaga, nageva uma avorat-aopa ageva tagene. ²⁶ Nageva piyamba-nema napuwe, nana-viyema, kunda-ena kanai-kaga, ageva kanara paya wasana iva miyesapumavaya mikive-e. ²⁷ Kageva ago mareti puwatambene? Kageva waya kaikena-gava ke ku-enava apo. Kageva uga minda-pela wayakava o kageva kamba mareti pundane? A waya kava aguyosao maneti pikenava. ²⁸ Pigo kage mareti-pikivembe-pa, kageva kamba aunda-enava pene. Pigo piyamba wayama kamba mareti punda-tasa mareti pikivipa, ageva kamba agunda-enava kapiye. Piyamba-kana ige kegivaya ago mareti puwae kinapa imayaga minda-kive kanatapa okena kundu-ena ukakive-e, nageva tige tiyopikenaga puwe. ²⁹ Piyamba nage pikamana yopa, kanapa ageva wakara-sawae pikanata wakenava, ige wayawi minda-kive kmambi-va piyamba igeva wayawi kakaminda-suma mi-iyo. ³⁰ Ige kegivaya kuwe atamamindi-niva kamba kuwe atasuma mi-iyo, ige kegivaya amunda-na pymamindi-niva, kamba amundana pusuma mi-iyo, pigo ige kegivaya kaisa-ena urite kanandinava, ka ena kamba mete kananda suma mi-iyo. ³¹ Pigo ige kigivaya mamavisa waya-wawa-mige kamana uma aku-atakive-kava, Piyamba mi-iyo igegeva kamba kamanapa nima akunundu-nema igegeva, nana-viyemae mamavisa-enamava atuti mekanae. ³² Nageva piyamba napuwe anapi napienage wari-enageva puma mi-iyomagi. Wasanama kamba mareti pundinava Tave yagarama eriya pikenaga-va amupuwae, nana-viye mae ka-enamava kamba akuata-kiye Anutu aegara-kenaena-vindiva. ³³ Piyamba mareti yagarmava mamavisa-enaga waari puwategi-na pigo napi-napi puwae, nana-viyemae, ageva waywa-ke pigo yagara wake aeva-voisitaken-aga wari pute pigo napinapi pute viye. ³⁴ Pigo napi-napi-enava tarara apakoviye. Piyamba-kana pigo wayamava Anutu aegara kena amu puwae kamba mareti pundatasa, pigo ageva ewasama ma-autapa mindana pigo nawamu-sapindiva Anutu monondana potakenaga, piyamba mareti wembava mamavisaena-ga wari pugaviye, ayamba awae-garimanda eriyapa aevavotaku-we magina. ³⁵ Nage pikamana yopa tige tivo pikena-ga uwe, pigo nageva kamba kunda enava tigetapa atakemanga, nana-ena ageva arata-ka pundika. Piyamba-kana pgio tigeva tave-yagarama aovindi-va arataka-mba mima pigo ka enama kamba napiena-ri uma paivenoma tigenda. ³⁶ Pigo kayagara-ma piyamba napitae ageva araga yagara kamba aogi ena potama gina aogiena-wandaga mareti pik enaga, nana-viyema, anda-wapa taverata-ka awiwae, atagana mareti. Peno auma-wamba pimba. Ageva kamba agunda-enaviye. ³⁷ Pigo piyamba ageva napiena aku-atamagina pigo kamba ka-enamava aku-atakiye, pigo ageva kanara au-omanda napi-enawapa aogima kawana-kenae, agevaa ka nara puwakiye piyamba age pi wae kamba urikivi kagava. ³⁸ Piyamba ka yagara-ma waya uruwemagina otamagina urikivi waepa, ageva aoigena piye, pigo piyamba napiena akuka-simagina wama urikivipa, ageva aogi-enaro piye. ³⁹ Ka-wemba pi-kanata mamavi akma uma mindana awaege uma atokaekivi-pa. Pigo piyamba awae age puwakivi-pa, ageva uga-guta mindiye kekavaya napikivi-nata wakenavai piyamba ageva Tave-yagara-ma pindi miyena. ⁴⁰ Piyamba nage pikanata ayikopa, ageva amu-puwakiye piyamba age iva mindisa-pumagina mikivi-kagava. Pigo nageva piyamba napuwe Anutu awamusa nageva urundu-wemagina.