¹ Tage piyamba avombepa ka tige tivakapisa kupiyo-ena pe-ema ageva kamba aogi-enarakane age pindanava ige aveisa kinambi-geve kamba pene. Tageva avune kayagara tige tivakapisa avuwamba weke wimami-yesema ageva. ² Tigeva tigeguva- enape-e! Tigeva tigetika tinda raena piyo. Tigeva agaru-wakasai-yo piyagarava kevaya pindana tige tivakapisa pumikivipa. ³ Nana-viyemae, nageva kamba tigegeva mindu-we matautapa, piyamba awamusapindiva, nageva tigege minduwe. Pgio hageva ago agaga-sauw pindana-va aeyagara-mavava piyemava, kamasa-puma nage tigege pavitai mitao-sapumagina. ⁴ Pikanata Taveyagara Isu agera kapi mikivi epa, nagenda awama-sande-penape tigege pavitai mikiye, pigo Tave yagara Isu-nda ege enawapa tigege mikiye. ⁵ Nage pinda a popa aluyagala amikenga puwe piyagara-va ma-au asore penamaage pigo auma yagara-wapa tagenda Tave-yagara puritai-pindi aogima miyenama-e. ⁶ Ageva kamba aogi-vundiye tigegae inata-pikenava. Tigeva aganda-vera o kambae, aman takanda-enandoma skoniva puru-vive. ⁷ Aeyova-kasaiyo tigetipa pigo ukasaiyo pi ava ra tapa tigeva piyamba kasa skoniganda pikive-e kamba puru-pugavi-sapumagina. Nana-viyemae, Mesaiya agewa aumava tamitaine tagepa, pigo piyamba sipsipi kandama avorata-gini igeva aegutae piyaga Anutu Israeli kina tiatagini aogima mitae ta. ⁸ Piyamba-kana ataigita tageva amundana peno tave-yaga monondana pikena yagava. Kamba pi amundana-va avala kagu-kanda-enarasa-geva kambae, pikamba aogi-ena pikena kaguko pigo pipiya-ena pikena-geva. Kambae, ataigita tageva pikamba kaguwa winda skonimage amupeno. Piskoniva aogi-enama-ndage pigo taga kaman-omandage awame-enawa windiye. ⁹ Awa-enama andavipin-di nage tigeta kaeyo pa, nage urimuwe tige kegivaya kupiyo-ena pikive-kinakeva aumu atokaei-yoma. ¹⁰ Nageva ma mavi avei miye kinakava kamba uwe, o ige wika napiwae kina kaya uwe, O ige kambari kinakaya, O kambari Anutu-ta mono-nda pe kina-kaya. Kambae, pindana pikenava, ageva pagasara mikivene kageva pikinambitaepe ma mavipe pagasara mikivene. ¹¹ Piyamba pigo nageva pi awa enava tigeta ka etauwe urimikena ga tige piyamba kevaya kupiyo-ena pikivi yagarageva a-atokae-iyoma, o igewika napiwa-kive kanata-varaga-yo, ige kambari anutu-ta monondana pekina-kayo, o ige ka ekina-kayo, o ige spakive kina-kavo, o ige kambari ekina-kayo. Ige piya kina, a-naana-rova igegeva nao. ¹² Nana-viyema nageva mono nama-oma avei minde kina ayigi-itakuwe? Kambae, tigeva mono nama-oma andavipi-ndi minde kina aygi-itaiyo. ¹³ Anutu agewa mono-nama-oma avei minde kinapa ayigi-itakiye. "Piyagara tige tivakapi kamba aogi yagara mindipa agaru-waka saiyo."