¹ Ayaema wasana-miva piyamba tagaiyo tagepa Mesai-yanda eriya kanawane-ma pigo Anutu-nda kaka-kamana wapa aogima aevaviyo. ² Tageva arata-kamba mindata pigo Anutu eriyapa peno age tamitai-kaga tage, nana-viyema, ageva ago agandiye tageva kanara pukunema-va. ³ Piyamba ne nageva, ageva amana-enaraka-and oe tige ayiginata-kenava nage O, ayaema mamavisa kinambi nage ayiginatakena-va. Nana. viyemae, kamba nagendepa ayigi-kaga puwe. ⁴ Kamba aganduwe nageva ayamba-paya ayigina-taemava ige, piyamba nageva arataka yagara-naemava kamba ukuwe. Tave yagara ma age asa-ando ayiginata-kiye. ⁵ Piyamba-kana piugo tigeva a kakinapa kotivotaiyo ka ena-akava nana-viyema, Tave-yagara-ma kanapa kamba avorandiye. Ageva ayaema-ena kakandinda-na urite kanamagina ewasa-enari me atama0gina ayaema tandavi-ndisa ena uma avora atakiye. Anutu-va aekina-paya amu-enava amikiye. ⁶ Ivava, ayaema nanata-varage pigo namana parageva, tige amanata ma napiena-va nageke pigo Apolosi-ke napi ena atauwe, piyamba-kana pigo tagetasa tigeva kamana-oma agawa pa agakive-e, "Aogasaiyo ige nanaena-vaya ago kaedaind-akivendana-va." Piyamba-kana tigeva a tigeti tigeva asagundiri kaisa kinapa aiyerari-kaeiyo. ⁷ Ke tigepa tigama-gina kaisa kinatapa tokinakanda-va piye? Aeaema-enava tigeva urindae, tigeva ugaraka ure-e? Piyamba tige uga urindiripa, nana-viyema tigeva tige asagundiri kamba kaisa ena punduna-enava pe-e? ⁸ Tigeva ago u-ure-e ayaema-ena tige tivinda nava! Tigeva okena-ena u-urindae, tigeva kinigundama mindae, kamba tage tiyoputo-kiri tige! Tagana, tage agatao-mbenda-nava tigekava kiniganda-ma mi-iyoma, tageva-nape kinigandama tigege mikenaga. ⁹ Nageva napiwe Anutu-va eriya kinawaka-va aindi raka mi-iyoma-ema, piga piyamba mindune tageva koti-omava purikive-ema utagainda kina mindune. Tageva avorataka mindune ma-mavisa kinambi iyorake pigo ige akero kinam bita-keva. ¹⁰ Mesai-yata tageva aivo kina mindune, pigo Mesai-yata tigeva aogiema-raka agandae. Tageva ege-enaropa kawindiye, pigo tigeva ege enaripa windiye. Tigenda tave tigiva windiye, pigo igeva tage tageva uma mavindi kasae. ¹¹ Kanama pikanata awiye, tageva nasanaga tavuma-gina wanika pigo tamema asae, pigo tageva kamba tautasa-ena windagina, pigo taegu-yegana natepa kawindiye. ¹² Tageva tayatasa esegi eriya pumamindu ne-pikanata kamba aogi ena puragamami-ndegatava. tageva aogi-enaro poitaune igepa. Pikanata kamba aogi-ena purataega-tava, tageva asima esigivune. ¹³ Pikanata ige kambari kamana urage-gatava tageva aogi kamana oitaune igepa. Tageva piyamba ugasuga-enagandama avoraune ma mavipa pikanata ige wasana-mi akesi puratamagini mevuraga-saepa. ¹⁴ Nage aya-ema kamana kaetaupa tige tini peno kamanapa kamba kaetauwe, pigo tige tiyo pikenaga putauwe ayaema-va hage yagara-emagi. ¹⁵ Piyamba tige naya-taramu tauseni kina Mesai-yapindi aeva puritakena kina minda kivepa, tigeva kamba okena tivarimba-va mindae. Nana-viyemae, tivarimba-ndanaraka-pa nage punduwe Isu-Musai-yapindi mono kamana ikena kitiva. ¹⁶ Piyamba-kana pigo nage navikivi-kava nage pukuvonda-na aegaraiyo. ¹⁷ Pina agoraka-ga Timotipa agaruwa-taogana tigetiva kanatai-ne, ageva piyamba yagarane-kandamagina pigo navuwa-taine nage pa Tave yagara-mapindi-va, pigo ageva ayae ma eriyapa aogima pugaviye. Ageva napie na asirita-kiye tigenda nagenda-ena Mesa iyapindi, piyamba posenda puriyakosa puma-gina aya ema aukaige mono namapi ndige. ¹⁸ Ivava, tigeva tigeti tigegae asagumagiri piyamba nape-e nagekava kamba tige tiva kana-kiyema. ¹⁹ Piyambane, nageva avaga kana-kuwe tigetiva, piyamba Tave-yagarama agewa auma ikivikava. Nava pikavore kinamb kamana avikenava kapuwe ige, pigo nageva esegi-enawi agakena puwe igenda. ²⁰ Nana-viyemae, Anutu-nda miyava kumawapa kamba wasana-ma kamana-tasava avorataine, piyamba esegi-enawa-tasage pigo ege-enawa tasage-e Anutu-nda. ²¹ Tigeva nanaga tiviye? Tigeva nagekava kanda mete kanama aogi puratao-mavera o avuwa-kena-enage pigo awamu-saomunda pasem-e nawa-ke-e?