¹ Ayaema nanata-vata nageva ati navuwae tigege kamana-ikenava piyamba ayaema wasana Anutu- hawa-musa awitarindegana, pigo nageva wasana-mitike Paisa tindagega piyamba ukuwe pigo kamasa puma amana yakara-ndondo-gandama Isu-Mesaiya-pindi. ² Nageva nono timimu-we, pigo kamba ege nasanaviye, piyamba tigeva kamba wakara-sa-ndae ege nasana nakenava, pigo ivaya0gape kamba waka-rasandae. ³ Tigeva Paisa indara miye kinake kamasa puma tigeva mindae pigo kamba aogienaga napiwa-tegiri pigo kamana avikena-enava tigege windagiri pigo itgeva hawa-musa urinde kinamba waesamba-pa kawae. ⁴ Kawmava piya iye, "Nageva Poli aegarauwema," pigo kawinaro-va piya iye, "Nageva Apolosi aegarau-wema." Piyamba tigeva imatiti kina miyesambapa kamba mindae? ⁵ KE Apolosi-viye? Pigo ke Poli-viye? Isigeva Anutu eriya kinatana-egiri tigeva isigeta timatiti-enava pe-e. Pi tara warara-va Tave yagarama eriya isimegini-si pese. ⁶ Nage nasana-va auwe, Apolosiva wani amegina Anutu-va masana avorae. ⁷ Piyamba-to wasana-mava nasana ategina yo o wasana-ma wani amite pikinapa ayaemava kamba igeva windiye. Piyamba Anutu age nasanava pikana tave agiva age asa-ando windiye. ⁸ Kevaya wasanama nasana ategina kevaya wasanama wani nasanavindi amite-gina-vipa age tarayaga-enava kamasa pundiye, isigeva nana eriya pemetaka-va ikapa urikivese. ⁹ Tageva wa wayapa Anutu-nda eriya kina mindo-kiri tigeva Anutu-nda yago-gandma mindiri Anutu-nda na kandama mindae. ¹⁰ Anutu age parwena-wa namitae wasanama aogi napiena-magina na kiyisapu-magina. ¹¹ Kamba kayaga-ramava tumupa asikiye ago kayagar-ama asigasitapa pigo piyagar-ava age Isu-Mesaiyae. ¹² Piyamba aeyaga-ramava-ya tumu asitama nakima-minda-kivipa igeva ago golasa, asigainde ne, silvatasa, ewasa puwanda yavatasa, va, yoni, witi-oma ayambu-rasa. ¹³ Agenda eiryawa-pa avorawa-kiye, nana-viyema yage-omanda kane-wambava eriyawapa agendava uma avora-atakiye, pigo agena eriya-wa averaki-vipa yakuwake. Pigo vaku-oma va ayikikiye nana eriyapaya aya wawa-mivaya pekana. ¹⁴ Piyamba aewawa-manda-vaya eriya winda kivipa ageva i kawapa urikiye. ¹⁵ Piyamba kayaga-ramanda eriyawa vaku-oma takivipa, ageva asore puwakiye, piyamba piyagarava kanara-sawakiye, pigo ageva yakupindi-sa ai-irosa-wakivikana. ¹⁶ Piyamba kageva kamba aganda-kivene Anutu-da nawanda-emava pigo Anutu nawa-musa kage-pindi miniyema-va? ¹⁷ Piyamba kayaga-rama Anutu nama asore pikivipa, anutu-rova piyagara-va asore pikiye, Anutu namapa ewasapu-wandiye ageva piyamba-kana pigo tigerove ewasa-ma mi-iyo., ¹⁸ Kayaga-ramava agewapa kamba kambari-danava pureno. Piyamba kayaga-ra tige tivakapisa piyamba napikiye ayaema-ena mamavi-saenava aganduwe-ma, Pavigoe "Atayo ageva aivoyaga-raena puwakiye" Pigo aindiva ageva aogima alamimi puritegina saveyaga-ra-ena puwakiye. ¹⁹ Aogi napiena-wipa ayaema waya-wawami-ndava Anutu aovindiva aivo-enaganda-enae. Anutu isaomava piya iye, "Anutu-va ago agagasae ige wasanami napiyenda-nava ige kaisa kina kamba aogiena poitake-naga pendana-va. Age pindana pendana-va igewi asore purikenaena pe-e." ²⁰ Pigo anutu kamana-omava piyaiye, "Tave-yagara-mava ayaema save kinambi napiena vindiva agandu-weiye. Ayaema-ena ige napima pikivendana-va kamba avorakiye. ²¹ Piyamba-kana pigo ige kaisa waya-wawa mi igega-eva a-asaguyiyo, aya ema-enava tigenda-enae. ²² Pigo Poliyo, o apolosiyo, o Keapasiyo, o ige waya-wawa ma-mavisa kinano, o aumayo, o purikena-enayoio ayaema-ena ivawindi-ndanayo, o ayaema-ena aindi kanaki-vinda-nava ayaema -enava age tigenda-enae. ²³ Pigo tigeva Mesaiya-ndara-egina pigo Mesaiyava ageva Anutu-ndae.