¹ Tige nanata-varage pigo namana-parageva, pikanata nage Anutu-nda kaka kamana-wa urimita opa tige, nageva kamba ige save kinambi nauka kamana esa pumava kamba utauwe. ² Nana-viyemae, pikanata tigege mindapa nageva ka ena agano-mayane, kambae, Isu-Mosaiya-ke pigo agenda puritai uyawake nageva agano-mapuwe. ³ Pigo piyama nageva ege-ena kawinda yagara misuma tigegeva mitauwe, pigo naekuru-enage tavarava-enage okaena-ra pumami-tauwe. ⁴ Pigo nage kamana-ndemba anda-vipindige pigo nage kaisa-enage uma atatao-ndanavi-ndigeva, ageva aogi save-enamanda-geva kambae. Kambae, nage putaonela-nava nawa-musa-oma nda ege-enawaka putauwe tigeta amba avora wataika. ⁵ Piyamba-kana pigo tige timatiti-enava kamba wasana-ma napiena-rakava wiyeno, Kambae, Anutu esegi-enara-asane. ⁶ Ivava tageva uma avora ataune aogi napi ena ige waya wawa ege puwende-kaga, piyamba kamba ma mavisa napiena-rakaviya o ivasa anasa-kina kegivaya pagi-puwakive-kinambinda-gayane. ⁷ Kambae, tageva Anutu napiena uma avora ataune taga kamana-oma andavipindisa kakawnda kamana, age pinapi-enava Anutu Paitaka utagaindi-ne tageka uriyo-magina. ⁸ Kamba ka mamavisa anoyambu yagarama va pi napi enava urindiye, nana-viyema piyamba igeva agatae agepa pikanata, igeva kamba Isupa uyarapa itagikive-ema. ⁹ Pigo Paitaka kamana-pa piyamba witataine, "Pinda-na aoma kamba agakivi-ndana, pigo kamba age-oma avikivi-ndana, pigo kamba napienama napikivi-nda, age ayaema-ena Anutu yoke pugaindiye ige pitu kegivaya ageka avawaki-ve kinambi-nda. ¹⁰ Ageva pi ayaema-enava Anutu uma avora atandiye tageta Hawa-musa-oma-eriyatasa. Nana-viyemae Hawa-musa-omava ayaema-ena aguyosae pigo piyambato Anutu-nda kaka-enawa anda-vipindi windinda-naraka-yake. ¹¹ Kega wasa-nama napiena-vindiva agakivene, kambae, agewa hawa-musa-oma asa agewa aganda-kiye? Piyamba-kana kamba kawmava aganda-kiye ayaema-ena Anutu-pindi windinda nava, kambae, Anutu hawa-musa-oma pindanava agandiye. ¹² Piyamba mamavisa nawa-musapa kamba uritaune tageva, kambae, tageva Anutu-tisa kanatai hawa-musa uritaune, ayaema-ena Anutu uga tamitaindana agakenava. ¹³ Tage uma-avora ataombepa pi avaema eno va tagete kamanane, age wasa na-ma- napiena-mava kambaro posenda puraya-kikiya piyamba Anutu hawa-musa-oma asa-ando posenda purayakiye. Anutu hawa-musa-oma uma avora atae hawa-musa-oma kamana-ke aogi napi ena-ma naw-musakeva. ¹⁴ Wasanama kamba Ewasa-puwanda hawa-musa kamba urinda-kivipa ageva kamba ayaema-enava Anutu hawa-musa-pindisa ena-va kamba urikiye, nana-viyemae pi ayaema-enava agetapa ugasuga-ena puwae. Ageva kamba agakiye, nana-viyema ageva kamba aiykikima pigo aya ema-enava kamba agakiye. ¹⁵ Wasana-ma kevaya Ewasa puwanda hawa-musa urinda-kivipa ageva uga aya ema-ena ayikikiye, piyamba-kana kaisa tuwami-va kabi ayigi atakive. ¹⁶ "Nana-viyemae, kega Tave yagara-ma napi ena vindiva agakivene, pigo ageva aogi kamana-tasa kawana-gatakiye ageva?" Piyamba tageva Isunda napi-enawake pigo aumawa-keva urundune.