¹ Ivava nageva tige urimi-kenaga uwe, ayaema nanata-vara, mono kamana-pisa nageva uma avorari-mitauwe tigepa. Tigeva u-urindiri pigo asinde-kae pita tigeva. ² Ageva pi aogi kamana-taka pigo Anutu-va tivavutai-ne tigepa, pigo piyamba tigeva egema ayaku-magiri pi kamana nage urimitao tige tigeva kamba uga-sugama-va timatiti-pikive-e. ³ Nageva amaru-ena uritaonda-na tigepa timita-uwe, piyamba Mesai-ya tagenda agunda-enaraka puritai-sapuma-gina piyamba Anutu isa-oma isapumagi-na. ⁴ Piyamba-kana pigo igeva kaitatae agepa, pigo ageva to asitae kaka-ga yaga migaite-gina piyamba Anutu isaoma isapu-magina. ⁵ Mesai-yava Pitata umagina avorawa-tae, pigo ageva aindiva naya tara-mu-purite tara umuma eriya kinawa-tapu uma avoratae. ⁶ Pigo ageva aindi ka-kanata 500 imatiti wawra uma avoratae. Okena-wipa ima uma mitae, pigo ige kaisa wipa iwi wigaitae. ⁷ Aindi wapa Jemsi-tato uma averatae, pigo aindi-watova ageva ayaema amonda kinambi-tato uma avoratae. ⁸ Pigo ai ago-gorakapa, ageva nageta amba-avoratae, piyamba anowamba yagara ataisapumagina, kamba atakena kanatapiye. ⁹ Nana-viyemae nageva eriya kinambi-tapa aiagogo-raka mindo kagae. Nageva kamba arataka yagarava minduwe ige nageka eriya yagara-gae ikenova, nana-viyemae Anutu-nda mono nama wa asore puga-saotakagae. ¹⁰ Pigo Anutu-nda paruena-wambae, maya yagara iva nage mindopa, pigo agenda paruena-wapa nage nanda-vipindi mindiye, ageva kamba ugava mindiye. Nana-viyemae, ayaema kaisa eriya-kinambita-pa nage esegimapa eriyapuwe. Kamba nagende ege-enanaka-va pi-eriyapa puwe, kambae pigo Anutu-nda paruena-wa nagege mindi-kaga pi-eriyapa puwe. ¹¹ Piyamba-kana pigo piyama nage-yo o ige kaisa kinake kapi tage mono kamana yo kiri tigeva timatiti pe-e. ¹² Iva ige mono kamana undini piyama MEsa-iya purinda-pindisa asitaema igiripa, nana-viyema tige kaisaripa purinda-pindisa askiena-ena kawi ndiyeva ikive-e? ¹³ Pigo piyamba purinda-pindisa asikena-ena kawindis-inda, kanara mesa-yarova kamba asitaisine. ¹⁴ Pigo piyama Mesa-iya kamba asitai-sinda kanara ne tage kamana tige urimombe kamana-a piyama uga-sugaena puwaisine, pigo tigenda timatiti-enayaga-pa uga-suga-enapu-waisine. ¹⁵ Pigo, tagerova kambari kinanda-na pombesine Anutu pindanaga-va. Nana-viyemae, tageva kambari kamana Anutu-kava une, piyamba age Mesa-iya asitataema pi-kanata age kamba pundi kaga. ¹⁶ Piyamba purinda kina kamba asikive-kagavo, kanarane Mesa-iyarova kamba asindiye. ¹⁷ Pigo piyama age taga ikivipa. Anutu Mesa-iya kamba asitata-kivipa, kanara-ne timatitienaripa tigenda-va uga sugaena puwakina pigo tigeva agunda-enaripi-ndi mikive-e tigeva. ¹⁸ Pigo ige wasana kegiva-ya Mesa-iyata imatiti putegini pigo puritak-ivepa,, uga kakawa kive-e. ¹⁹ Pigo piyama pi taumaga tage egema napima gita pigo Mesa-iyaka agava-vukune-mbepa. Kanarane ayaema kina tandara-ena tavarapi wikiye tage. ²⁰ Pigo ivava Mesa-iyava, ageva amaru nasanae ige kegivaya ago amaru puwande-kina-mbindava, puwanda-pindisa asitaipa. ²¹ Ka yagara-ma purikena-enava avoratae, piyamba-kana to kayagara-maro asikena-enarova avoratae. ²² Piyamba Adamu, ayaema puritae, paviyamba, Mesa-iyatapa ayaemava ima-uma mikive-e. ²³ Pigo kakapa agewa kanata averakivee Mesa-iya amaru-nasana-raka mindiye, Piyamba-kana pigo kevaya Mesu-iya alaini minda-kivipa auma urikiye pi-kanata age kana-kiviyagava. ²⁴ Pigo ayaema-enava pagi puwakina pigo Mesa-iyava mara-mima unda-unda puwa-kena kumapa Anutu Tavare-mba amikiye. Pi-kanatapa ageva aloke gavmani-manda ege-enawake-va pagi pugai-kiye. ²⁵ Nana-viyemae, ageva kini-mimagina pigo ayaema tupuwa kinapa agisa amenda-pindi itamagina mikenae agewa. ²⁶ Pulikena-enava aiago-go tupuena-e age Pagi-pugai kenava. ²⁷ Nana-viyemae, "Ageva ayaema-ena agisa amenda pipindi ataneliye." Pigo pi-kanata ige ikivepa, "Ageva ayaemaena atandiye, " Ageva amba avorae wasana-ma kevaya ayaema-ena agewa amenda-pindi atandinda-naga ipa. ²⁸ Pi-kanata ayaema pi-ndana agewa amenda-pindi witaipa, kanarane ivava Mesa-ivava agewapa wasana-ma kevaya amenda pindi miyekinava ageva age amenda pindi-ro mikiye. Pindana avorakivi-pa Anutu ayakima-gina piyamba ageva ayaema-enamanda agoe. ²⁹ Pigo nana-viyema ige wasana-miva puwanda kinambi igera-pa wani-pa ukagave-e? Piyambato wasana puwanda kinatova kambaro asikive-e, nana-viyema igeva igetakaga wanipa uritaena. ³⁰ Pigo nana-viyema pigo tageva tupuena-ma andavipi-ndi ayaema-vagava mine? ³¹ Ayaema yagava nageva purikena-ena agaga vuwe. Pinda-nama peki nageva kage kagega-eva asugu-kuwe, nana-viyema. Isu-Mesa-iyapindiva, tagenda tave-yagara, age nageva pi ayaema-en ava windiye. ³² Nageva nanaena uruku we, ige wasanami agate pigo ayikiki-venda-nawapa. Piyamba nage Efesesi-isa kavu kavataga-ginake akendana pukuvopa. Pigo ige wasanava kami purinda-pindisava asigave-e? Piyamba-kana pigo ige purinda kinapa kamba-raka askive-e "Ataigita tage nate pigo wanipa nano. Nana-viyemae aiva tageva puwakune." ³³ A ataigina ige wasanamiva kambari kamana-pa urigasaiyo, "Ige kambari tagauagiva aogi napiena asore pugagave-e." ³⁴ Asima! Pigo arataka-mba miyo! A agunda enava po. Kaisaripa tigeva kamba Anutu-pa agandae. Nage pi-kamana yopa tige nanaenari pendanaga timipiyoma uwe tigeka. ³⁵ Pigo kaisami-va ikive-e, "Ayamba ige purinda kinapa asikive-ema, pigo igeva aya iyaga paya kanakive ema?" ³⁶ Tigeva aivo-sawa-ema! Nana-enavava amara-kivemben-donava kage kamba avagapa ikivikana puwate-ginagane. ³⁷ Nana-enavaya kage akivembepa, age pi-auamanapa kamba aiamana-piye, pigo witi-gandama avora-siyo o kaisa-enaga ndama avorasiyo. ³⁸ Pigo Anutu-va ka au tamikiye agewa utama randi, pigo nana aitasae, ageva tamitae agewa au. ³⁹ Ayaema taupa kamba kamasa-pundiye pigo, ige ka au waya wawa-mindava windagina pigo tona au kava-taga kinambinda-va windiye, pigotona au kavara-omandava windagina pigo ige pisi-omandava tona autoro windiye. ⁴⁰ Manda kumatisa aupa windagina mama visa autova windiye. Pigo manda kumatisa auomanda ewawa-enawapa kamba kamasa puviye mamavisa auomanda ewasa-enawapa. ⁴¹ Pigo ka kani yage-omanda windiye, pigo ka kanito o-omanda windiye, pigo to ka kanito nori manda windiye. Piyamba ka morimava ageva kamba kamasa-pundiye piyamba tokanori-oma kanewa-pindiva. ⁴² Kama-sapundiye ige purinda kina asikive-pindiva, nana-enavaya ige kaimara-kivepa asore puwakiye, pigo nana-enavaya asikivindanava kamba asorepugakiye. ⁴³ Tau tage kaigai kunombe-pa, kamba amu-eri ava wikiye ageva, pigo pitau asikivipa kane wandaga asikiye. Ageva kamba ege-enava wikiye pi kanata ige kaita-kivepa age, pigo ageva ege-enayaga asikiye. ⁴⁴ Tau tage kaiyo-mbepa ageva mamavisa-e pigo asikivi taupa ageva manda kumatisae. piyamba ma-mavisa taupa, kamasa-puma-ginaro manda kumati-sa tau-omanda-rovo awamu-sapindiro wikiye. ⁴⁵ Igeva piyamba kaemara-ndae, "Amaru Adamu-va auma uritae," Pigo ai-agogo Adamava auma imikena awamusa-pindi avoratae. ⁴⁶ Pigo awamu-sapa kamba amarupa kanatae, kambae, ma-mavisa tau paitama kanatae, pigo aindi awamu-sapindisa taupa kanatae. ⁴⁷ Amaru yagara, Adamu-va mamavisae, Anutu agepa marasa potataine. Pitasa Adamu-va manda kuma-tisae. ⁴⁸ Wasana kevaya mamavi avoraipa, ageva kamasa-pumagina Adamu-kanda-piye, kevaya mamavi avorama-gina, Manda kumatisa kina kanda-pipa, egeva piyamba Mesai-yage kamasapiye, kevaya mand-kumatisa. ⁴⁹ Kama-sapuma-gina tageva ma-mavisa konambi imakanda-mae, piyambato tageva manda kumatsa yagarama amawato umami-ndune. ⁵⁰ Ivava tige nanata-vara, nageva piya-ikenaga-puwe, mamavisa kinake auwake pigo agenda korawa-keva kamba asuvasi-kiye Anutu kuma-pindiva. Ige asore puwakena-enamava kamba urikiye ige kamba asore pikena-enava. ⁵¹ Agao! Ka kakanda kamana kage ugamuwe. Tage ayaemava kamba puruku-ne, piyamba tage ayaemava awe-vukune. ⁵² Tage-va amana kanata senisipukune, piyamba taori-kaete pigo taogao-mbesapu-magina, pi-kanata ai-agogo pankura-oma-aga-ikiye. Pankura oma agaekina pigo ige purinda kinapa asima pigo kamba-ro asore-pikive-e, pigo tagerova senisi pukune. ⁵³ Nana-viyema pi-taupa asore-pikena tau-oma kamba asore pikena tau uriye, pigo pi-tau purikena tau-omava kamba purikena tau uriye. ⁵⁴ Piyamba-kena pi-kanata pi-asore-pikena tau-oma kamba asore pikena tau atakina, pigo pi-kanata pi-purikena tau-oma kamba purikena tau atakinava, igeva alaiti-oma kamana piyamba ikive-e, "Pirikena-enava alusi puwatagina Isu wini putaema." ⁵⁵ Purikena-enamao, esegiena-gapa aeta windiye? Purikena-enamao, akendana-enaga pa aeta windiye?" ⁵⁶ Agunda-enamanda okendana-enawapa purikena-enae, pigo agunda enamanda esegienawapa wari kamana-ne. ⁵⁷ Piyamba Anutu-ka aisa otano, kevaya tage puratatai-kaga Isu-Mesaiya pindi wini piyamagina. ⁵⁸ Piyamba-kana, tige nanatava-rava, egema mimagiri a ise-enava piyo. Ayaema yagava Tave yagarama eriya andavi-pindima-nami-iya pigo tigeva agaiyo oiyamba eriya tave yagara-ma-nda tige pepa kamba alusi puwaki-ema ageva.