¹ Tigeva togma-ka avuwa-kena-enavindi aegarai-yo pigo Ewasa puwanda awamu-saoma atakivi eriyata esegima piye. Tigeva togema agaiyo ygasagana avora-kena kamana-omanda eriya-waka. ² Wasanama kevaya to kamana pisa ikivipa kamba waya wawa-va imikamana-piye ageva Anutu-ge iye, pigo kamba wasana-mava kamba wasanamava avindi kamana uma avora-atae nana-viyema ageva kakanda kamana awamusa-oma esegi-ena-rasa iye. ³ Piyamba wasanama ugasakina avorakena kamana uma avaraipa amatiti-ena esegi pikenae pigo wasana asimagini aogi-ena pumagini pigo waya wawa mda kanara-sa itakenaga. ⁴ Wasanama kevaya tomanana pisa ipa agewa esegi puriye, piyamba wasanama kevaya ugasakina avorakenda kamana ipa mono-nama esegi patae. ⁵ Nage navikivi-kagava tige avaemava tomatoma kamana iyomae, piyamba kanara-sawanoma-va nage navikivi-kagava tigeva ugasa-kina avora-kena kamana uma avoraiyo. Wasana-ma kevaya ugasakina avora-kena kamana ipa wasanama kevaya tomatoma kamana ikimapa agasae (Kanarane wasanama kana kamana awaevikivi-pa), Pigo ige mono nama pinaisa waya wawava ese-gi pikive-e. ⁶ Pigo ige nanata-varage pigo ige namana parageva, piyamba nage tigeti kanamagi pigo tomatoma kamana amba ukuvepa, ayamba nageva tigepa tiyopukuwe? Nageva urimuku-we tigepa Anutu kaka kamana nayakipa nage o napiena tige timipe o ugasa-kina avorakena kamanape o tige posenda puriya-kikena. ⁷ Piyamba ige kaisa ena kamba ima wima piyamba kana o kita kamba tomatoma aga ikivindana-va ige, ayamba wasana-miva agakive-e nana enarasa wasana-miva aegu-miye-emava? ⁸ Pigo piyamba pankura-oma tona aga ekinava, wasana-mave pikanatapa ayamba akendanari wakena-va yoke pikiye? ⁹ Ageva kamasa pundiye tigetapa. Piyamba tige kamana ikive kamba avora-kivipa, wasanama-va ayamba tige kamanapa avikive-e? Tigeva kama napa ikivepa pigo kamba wasanami-va agakive-e tige kamanapa. ¹⁰ Togane, okena tomatoma kamana windiye manavipa pigo kamba ka pikamana-pisava kamba agowapa windiye. ¹¹ Pigo piyamba ka-kamana-oma agowa nage kamba avinda-kawopa, nageva kamana ikivikina-tapa tomarisa kina kanda pukuwe. Pigo wasana-ma kamana ikivikinapa nagetapa to marisa kina-kanda pikiye. ¹² Kamasa- oumae tigetapa. Tigeva tivuwae piyamba awamusaoma eriya avora mekana nomava, piyamba-kana pigo tigeva esegima eriya puma mono namapa esegi piyo. ¹³ Piyamba-kana wasana-ma kevaya to kamana-pisa ikivipa, ageva piyamba nunamu eno pikamana-pa aweveno-ma. ¹⁴ Piyamba, nage tokamana-pisa nunamu ukuvapa, nagenda awamu-sande-mbayaga nunamu-iye, pigo nagenda napi-enanepa ugasuga-ma windiye. ¹⁵ Piyavikivi-ka pigo nageva nana-vukuwe? Nageva awamu-sandepi-ndisamana nunamuva ukuvera o nageva napienan-epindisayaga nunamuva ukuwe. Nageva awamu-sandepin-disa iniva unda pigo nageva napi-enane-pindisayaga iniva ukuwe. ¹⁶ Piyamjba kage anutu agega-e awamu-sa-kapindisa uma asaguye-gana, ayamba tokina-mbava piyava ikiye, "taganeva" pikanata kage aisa kamana ikivembepa, pigo piyamba ageva kamba agakiye kageka-va nana kamana-pa ya enemava? ¹⁷ Tagene aogi aisa kamana embepiye pindainamava toginapa kamba aopiye. ¹⁸ Nageva Anutu-kava piyamba aisakamanapa uwe, nageva paviya-kita tomatoma kamanapisava ugauwe tige ayaema-rapa. ¹⁹ Pigo mono nama-pindiva nageva napuwe nayaka amu ava kamana nagende napi-enavindisava ukuwema, pavi awara to kinapa igo kaegauwe pigo kai kuwe naya tara avamu asa kamanapa to kamanaka. ²⁰ Tige nanata-varage pigo tige namana-paraseva, tigeva a piyamba napiena-ripa yagaraga-ndamova mi-iyo. Ayaema kamba-ratagaena-va, tigeva amana yagara-gandama mi-iyo. Pigo tigeva napiena-nipa anasa waya-wawami napiena gand ama-giri mi-iyo. ²¹ Anutu umaromda kamema-tapa piyamba kao-marandae, "Nageva ige waya-wawanepa kamana oimukuwe nagenda tana kaman-pisa pigo ige togina mbi iwamuta. Piyvi-kivipa nage kamana-pa kamba avikive-e" Tave yagarama age iye. ²² Piyamba-kana pigo tomatoma kamana-pisa ikena-enava, piyamba awame-enae ige wasana kamba imatiti punde kina iyakikena. Piyamba ekina avora-kena kamana uma avonakivipa, piyamba ige imatiti waw-minda awame-enae pigo ige kamba imatiti kinambi-ndayane. ²³ Pigo piyamba ayaema imatiti wawa amba akima kapi pigo ayaema toma-toma kamana ikivepa, pigo kaisa kinake pigo kamba imatiti kinake apasi-kivepa, piyambapa-va igeva kamba piyaeva ikive-e tigeva aivosa-wa-emava? ²⁴ Pigo piyamba tige ayaema ekina avorake na kamana igina pigo ka yaga-ra kamba amatiti-punda yagara-yo o to kayagara kanama apasikiye, ayaema kamana aviki-vipa anda peigayukiye agepa, pigo pi kamana-omava agepa ayigi-atakiye agepa. ²⁵ Pigo ayaema andavi-pindisa kaka-enawapa agenda, avora mekana-kina pigo ageva aowa mavindi atama-gina Anutu menondana potama pigo ageva piyamba umagina avora kiye, taga Anutu-va tige tivaka-pi indiyema. ²⁶ Aindi-wapa nanavaya avoraki-ye, ige nanata-varage pigo tage namana- parageva? Pi-kanata tige kapi amba akivundiripa kawinaga-va ini urindane, ka winagava kamana kaisa kina oimi-kena urindane, kawina-gava Anutu ugami kamana urindane age, pigo ka-winaga-va toma-toma kamana-pisa ikena kamana urindane, pigo ka wina-gava pi kamana awae-vikena kamana urindane. Kanarane, tige ayaema-ena pikive-ndanava mono nama esegi pikena-ga piyo, ²⁷ Piyamba kawina toma-toma kamana-pisa ekinapa, kanarane atao taramayo o kakaga-ma pieriyapa pikiye, kamina-va amaru ugasakina pigo to kawina-va akata ekina pigo kawina-va isige kaman awaeveno. ²⁸ Piyamba ka-kina pikamana awae-vikena kina kamba minda-kivipa, kanarane ige wasana-mi toma-toma kamana ikive-kinapa pasema mono nama-oma andavi-pindi mi-iyo. Igeweikaga utegini pigo anutu-kega utevikive-e. ²⁹ Atagana tarama-yo o kakagama ekina avora-kena kamana-pa ekina pigo ige kaisamive avima-gini pigo ayikiyo pikamana. ³⁰ Pigo piyamba, Anutu ka aogi napiena kayagara amiki-vipa kevaya mono namapindi minda-kivina, kanarane atao ekina kamana avora-kena kamana umikivi yagaragava kawa mu akunama. ³¹ Tige kaka-timba amonda kamana-pa uma avora-kive-e ka-kanata-pa, pigo ige wasanami-va napiena uma-gini esegi pikive-e. ³² Awamu-sap ige amonda-kina-mbi amenda-pindi mimagi-na amonda kinambi aeva-ve-e. ³³ Nana-viyemae, Anutu-va kamba paigu-vagu mapa pundiye piyama ageva anda paru-enana-sa awitandiye. ³⁴ Kamasa-pumagina ige imatiti wawamimono nama-kanda-magina, ige wayapa pasema mono nama-oma anda-vipindi mikenae. Nana-viye mae, igeva kamba yuva oitandae kamana ikenava, piyama pigeva amenda-pindi mikenae wari kamana-oma isapumagina. ³⁵ Piyamagi-na ige ivuwama-gina napiena urikena pundiniva, kanara-ne igeva iwaegika nawiti ivigakenae. Nana-viyemae, ageva kamba aopienae wayama mono namapindi kamana ikenava. ³⁶ Piyamba-paya Anutu kamana-pa tigeta-paya kanatae, a? Piyamba tigevaya Anutu kamana-pa amaru uritae? ³⁷ Piyamba ka-kinamba piyama napiki-ve ageva amonda kmanda-vo o ege Kristem-naemagina, ageva agama napeno piyamba ayaemaenava nage ka em tigetiva aisaga-tauwemagina, Tave yagarama age nami kamana nageva uwemagina. ³⁸ Pigo piyamba ka-kinamba kamba agama-napekinapa pindana-ga kanara-ne, tigerove kamba agama napitaiyo agekava. ³⁹ Piyamba kana pigo ayaema nanata-varage pigo namana-parageva, tigeva esegima uriyo amanda kamana ikena-enava, pigo tigeva a akua-taiyo ka-kinamba toma-toma kama-napisa ikena pekiripa. ⁴⁰ Pigo tigeva aogima arata-kamba mono-ndana aegaraiyo.