¹ Piyamba nage to kinambi kamana pisayo pigo ige ankero kinambi kamana pisa ukuvopa, pipa piyambane togina-kava kamba nivikiye nagepa, kanarane nagenda kamanande-pa piyamba pero agaganda-mano o kaisa kapaganda-mane. ² Piyamba nage ugasakana avorakena eriya urinda-kuvopa, pigo ayaema taga kamana-ke pigo kakanda kamana ke aganda-vuvopa, pigo nageva tave namatitiena urunduwe kanara amukava ekana maruwa-tasa wakenava, pigo piyamba kaisa kinaka navikena-ena winda kivipa, kanara ne nageva ugasuga-ena minduwe. ³ Piyamba nage kaisa enane kotawi kawinda kina mukuvapa, pigo nage naunde agaiyoma imukuvopa,pigo piyamba to kinaka navuwa-kena ena kamba winda-kivipa, kanarane nageva kamba kaenava pinda na-vindisava urukuwe. ⁴ Avuwa-kenaenava, ageva pasema mite pigo togina aoginea potakena-enae. Avuwakena-ena va kamba aipiganava atate o kageka kageva asagukena-enae. Ageva kamba kavore-ena pute akendana-ena pikena-enayane. ⁵ O kaisa kina asore pikena-enayane. Pigo ageva kamba kagekaka-va napiwa-kena-enae Ageva kamba kamanda-nava avaga puma pigo kaisami pugai kivenda-narkava napi-itama-mikenae. ⁶ Ageva kamba aunda-enagava aviye kambae, ageva taga-enaga aviye. ⁷ Avuwakena-enamandava aogi nasana aeiye agendava ayaema-enamanda pigo amatiti-enava windiye ayaema-enamandava age vegina pigo agavivundiye ayaema-enava aindi avorakivi-ndanava pigo ausugu-enava uriye ayaema-ena avora-kivindana-rakava. ⁸ Avuwa-kena-enava kamba pagipuwakiye. Piyamba ugasakina avorakena kamana windipa, igeva pagi puwa-kive-e. Pigo piyamba tomatoma kamana windipa igeva pagi puwa-kive-e. Pigo aogi enage pigo aogi napiena-geyaga winda-kivipa igeyagapa pagi puwa-kiye. ⁹ Nana-viyemae tageva kaka avawa agand-ombe-ka ekana avorakena-kamanapa kakata une. ¹⁰ Piyamba-kana, pi kanata tagandana-wa kana-kivipa, ige kaka avawapa pagi puwakiye. ¹¹ Pi-kanata nage amana yagara mitaopa, amana yagarami esa kamana utauwe piyamba, piyamba yagarami napiena putauwe, pigo yaganami napima-gini pesandana putauwe. Piyamba pi-kanata nage anasatao-pa, nageva amana yagarami penda-nava kaitauwe. ¹² Ivava, tageva agaune ayaema-enava, kama-sapuma tage wani katupindi agaombe-sapumagina, piyamba aindiva kapi taowa atamagita pigo aogima agakune. Ivava, ngeva amana avawa agauwe, piyamba-kana aindiva tagamba agakuwe, nana-viyemae, nageva pindana-va ageaveve-ma aganduwe. ¹³ Piyamba-kana ivava, pi-kakaga-enava wiyeno. Ageva amatiti-enagana pigo amatiti-enamava aya ema-ena avorakiye aindiva pigo avuwa-kena-enage-e. Piyamba-kana togina-ka avuwa-kenaenava amaru-enaraka-ne ige pindana-vindisava.