¹ Tige nanata-vara, ivava nageva tigepa urimike-nage puwe eriyawa-mbanda-ga, Awamusa-omandaga. Piyamba-kana pigo nage navikivi-kagava tigeva aogima agepa agama mi-iyomae. ² Tigeripa ago agandae piyamba pi-kanata tigeva aveisa kina mindune-mava, ige kaisa kinambi tigepa paivurite wamagini kambari anutu kamana kamba unda ena-ra mononda-na uma putae, pigo igeva tigenda napienari paivuri-taegiri pigo tigeva uga watae. ³ Piyamba-kana pigo nageva napuwe tigekava piyamba kamba ka-kinamba-va Anutu awamusa umava piyava ikiye, "Isu-va asore puwakiye-mava," pigo kamba ka-kinambava piyava ikiye, "Isu-va ageva Tave-yagaraemava," Pigo Ewasa ouwanda awamusa-ne. ⁴ Ewasa puwanda awamusa-omandava tomatoma eriyawa windiye, iyipa ka-awamusa-ando windiye. ⁵ Pigo Anutu-ndava tomatoma eriyawa windiye, i-ipa ka Tave yagarava asa-andoe. ⁶ Pigo tomatoma eriyapa windiye, i-ipa ka-Anutu asa-andoe, aya ema kinapindi ageva pasema eriya piye indavi-pindi. ⁷ Anutu-va Ewasa puwanda awamusa-omanda ege-enawa imitae kaka kina ayaema kina iyope-noma. ⁸ Pi ka awamusa-oma, ka kinapa napienamanda aogi kamana-wa yomava ege-ena wapa amiye, pigo to ka kinapa ageva napi ena amima-gina Anutu agano-mae. ⁹ Pi ka awamusa-oma, ege amatiti-enava amiye agepa, pigo ka kinapa inundana kaviri-kena eriya amiye. ¹⁰ Pigo ka kinapa agepa eiegi eriya amiye iva kamana ekina avorakena eriya, pigo ka kinapa agepa kamana ugasakina avorake-ne-ena eriya amiye, pigo ka kinapa agepa aogi awamu-sake pigo kambari awa-musake agakena eriya amiye, pigo ka-kinapa tomatoma kamana-pisa ikena-eriya amiye, pigo to ka-kinapa toma-toma kamana awevi-kena eriya amiye. ¹¹ Ka-awamu-saoma pi ayaema-enavindiva eriya piye pigo Anutu kaka-kina utamarai kina eriyapa imiye. ¹² Kamasa-puma ageva taupa ka-andoe, iyipa ka-ka enama ka taupa avorae, piyamba kamassa-pumagina Mesai-ya kandama. ¹³ Ka Ewasa puwanda awamu-satasa tageva wani umagita ka-taundana-va pune. Uga kageva Juda kina-kayo o Griki-gaya o uga eriya pembe kina-kayo o yga miyembe kinakayo, anutu tage puratataipa ayaemava ka awamu-sapisa naiyomae. ¹⁴ Taupa kaena-manapa ka windi-ye, kambae ageva okena-enawa windiye. ¹⁵ Piyamba agisa mava undana, "Nageva kamba ayanda-yakana-ka-awarisa aupa minduwe iye." Pigo ageva ka-aune. ¹⁶ Pigo piyamba ao-omava undana, nageva aonaya-ka kamba ka-aupa mindu-weiye, piyamba ageva ka-autoroe. ¹⁷ Piyamba ayaema aupa aoe-isinda, auomava ayamba avisine kamanapa? Piyamba ayaema aupa aoe-isinda, ayamba au-omava augndava ayamba pigaisine. ¹⁸ Pigo anutu-va kaka avawapa atataine autapa pi-kanata age potandana agepa. ¹⁹ Piyamba ayaemava ka-avaena pundisida-aupa aeta windisine? ²⁰ Piyamba-kana pigo kaka avawapa au-omanda, ayaemava ka-aundana pundiye. ²¹ Ao-omava kamba piyaeva-omikiye, "Kageva kamba nagegeva mikivene-mava," ²² Piyamba kaisa taupa tageva napukune kamba esegi-enawapa windiyema, piyamba-piye ageva tave-enara-kane tage taupindisa. ²³ Age ige kaisa taupa tageva napune igeva kamba aogi punda-ema, agepa tageva iwatoena poitune igepa. Pigo ige kaisa taupa tage kamba agakena avara windipa age tageva aogima irari-kaega-saune igepa. ²⁴ Kanara tau-omanda kaisa avawa kamba iwatoena poitakuno-mbepa, pigo igeva tave igi-u-ure-e ago. Piyamba Anutu-va ayaema avawapa akivuga-sima kataundana potataine, pigo ageva tave agi imitaine tage napima kamba aogi ena-ema napitao-mbe taukava. ²⁵ Age piyaviki-kikagava kamba tau andavipi-ndiva awarosa-pikiye. Piyamba kaka avawa taum anda pundipa kaisamipa kamasa-pumagina aevavoitano. ²⁶ Pi-kanata ka avama aukekinava ayaema au-omava kamasa-pumagina aukeno. Pigo ka-ava wamba tave agi unekinava kaisamiva amu-piyo igeva. ²⁷ Piyamba-kana pigo tageva-ayaema Mesai-ya autae pigo tageva kaka avawa mindune agenda. ²⁸ Pigo mono nama-oma andavi-pindiva Anutu-va nana eriya kina utaitatae, pigo igerovo eriya kinatoro e, kakaga-enava ageva posenda kinane, pigo kaisava asa ekina avorakena ege-eriya imitae, kaisava inu kavarikena eriya urita, kaisava togina iyopikena eriya uritae, kaisava mono nama aevavikena eriya uritae, kaisava toma toma kamana pisa ikena eriya uritae. ²⁹ Piyamba tageva ayaema-va mono kamana ikena kinana pigo kamana ugasa-kina aindi avorakena kinana pigo posenda pikena kina-paya mindune-a? Piyamba tage ayaemava kanara egema asa-avora-kena-enava pikivayae a? ³⁰ Piyamba tage ayaemava inyu kavarikena eriyapaya urundune a? Piyamba tage ayaemava tomatoma kamana pisa ikena eriya paya urundune a? Pigo piyamba tage aya emava kanara-paya pikamanapa awae pukune? ³¹ Tageva esegima napeno amaru eriya ewasa puwanda awamu-saomanda urikena-ga. Pigo nageva tiyakikywe tigepa aogi-enawa aogi kioma-nda auma-wapa.