¹ Nagenda kamasa-ena aegarai-yo tigeva, Kamasapu-magina nage Mesai-yanda-ena aegarao-sapumagina. ² Nageva ivava amupuwe nana-viyem tigeva ayaema-enanekaga napinatae-kaga nagenda. Pigo ayakuma-giri ayaema kamana nage timo tige. Piyamba-kana pigo nageva urimuwe aogi-enaraka pe-ema. ³ Ivava nageva piyamba napuwe age Mesai-yava ayaema waminda anoyambu-yema agaiyoma, pigo wava ageva wayamanda anoyambu-yema, Pigo Anutu-va Mesai-ya anoyambuye. ⁴ Piyamba wama anoyambu irarikae-tama numamu-iyo o aindi avorakena kamana iyo, ageva anoyambu-wa anindana-ra aetae, ageva Mesai-yae. ⁵ Pigo ka-wemba kamaba anyoambu irari-kaema nunamu iyo-o aindi avorakena kamana ikivipa i ageva awae-garima anindanara aetae. Pindana pipa kamasa-puma wayama anoyamburisa anoviya kasa egasae kaga agewanda. ⁶ Piyamba wayama kamba anoyambu irarikaekena pundana-va, ageva anoviyapa kasama arosano. Piyamba wayama anoviya kasakena-ga anipekinava, ageva kanara-sakiye anoviya irarikae-kenava. ⁷ Wamava anoyambuva kamba irari-kaeyano ageva, nana-viyemae, agewapa ageva ama awato enawane Anutu-nda. Pigo wayapa ageva awae-garimanda awato-erawane. ⁸ Wava wayapisava kamba avorataine, piyamba waya wavisa avorataine. ⁹ Anutu-va waya-kava kamba napima wava putaine, piyamba ageva waga napima-gina pigo ageva way apa putaine. ¹⁰ Pina agorakaga wayamava anoyambuva irari-kaeyano, piymba ageva Anutu-nda eriya puwema uta-atakina ankero kinambiva agaiyo. ¹¹ Piyamba ige Tave-yagarama kinambiva, wayapa age asapa ka-miy eno, pigo warovenape. ¹² Ageva piyambane, wayapa wavisa avora-gina pigo warova wayapisa-ro avorae. Pigo ayaema-ena va Anutu-pisa avorae. ¹³ Tigeva tigeti-kaga ayigi-kagategiri: Ageva kanara wayamava kamba anoyambu irari-kaema Anutu-tiva nunamuva ikiyomava? ¹⁴ Tagere pukuno-mbenda- nama, piyamba wama e-era anoveye wikivipa, agewa anindanara aerikiye. ¹⁵ Pigo piyamba wayama e-erara anuviye-wikivipa, ageva kanara awatoenae, nana-viyemae, Anutu amitaine agepa anoyambu irarikae-yanoma. ¹⁶ Piyamba pigo ka-yagarama pindana-ga amo-kamana ikivipa, tageva to pindana pikena enava kawi-ndiye, pigo Anutu-nda mono-ndana enawamba-rova ka windiye. ¹⁷ Ivava nageva urimikena-puwe tigeva aegaraiyoma. Nageva kamba amupuri-tauwe tigekava, nana-viyemae, pi-kanata tige kanama monondana akima petapa, aogi-enava kamba avora-gagaviye tigetapa, piyamba tigetapa kamba aogienari avoraga-gaviye. ¹⁸ P"aitakapa tigeka nageva piyae urimikena-ga putauwe, pi-kanata nage tigeka mono-namapindi amba arive-ema avigavopa, tigeti tivaka-pisa apako-vaku pugaga-ve-e, pigo nageva pi kamana taka amanata namatiti pi tauwe. ¹⁹ Nana-viyemae nage napitaopa mono nama tipa amana amana puma apako vaku puwa-kiye magandae, tigeva aomiga agakive-e ayamba tigenda waya wawa miva Anutu avikivindanava aegara-kivevaya-emava. ²⁰ Piyamba-kana pigo tige monondana pikenaga amba akivundiripa, ageva kamba tave yagarama nasana-va angagave-e. ²¹ Pi-kanata tige nagaga-vepa, tigeva ago nasanava amaru u-urinde-gini kaisava aindiye, kaisava nasanaga avegina pigo kaisava wani namagina spaki-veginama. ²² Piyamba-paya tigeva kamba-vaya nasana nate pigo wani nate pikena namapa kamba-vayae,a? Piyamba Anutu-nda manonamapa ugasu-ga enaema napindiri pigo tigeva kaisa nasanawi kawinda kina uma mavindi itama pigo igeka inipiyomagiri, a? Nageva nana ero ukuwe tigekava? Nageva amu kamana uritakuwa, a? Nageva kamba amundana-va puritak uwe pindanara-kava! ²³ Nageva Tave-yagara-matisa urondanama na, age pindana-mana-ando tigepa timuwe, age Tave-yagara Isu. Pi-aseka Judasi agepa umagina tupu kina-mbi iyapi atatae. ²⁴ Aindiva ageva breti umagina pigo Anutu-ti aisa-kamana otamagina pigo ageva apako magina utae, "Pindanava ageva nagenda naunema-gina, ageva tigendae; tige pindana pundiripa nageka napikiveka-gae." ²⁵ Nasana nagaitegini akawapa kapuro uritae kamasa-pumagina, pigo ageva utae, "Pi-kauwa nage kuratasa kasa-eriyane. Ayaema kanata tige nandiripa, tigeva napi-iyo nageka." ²⁶ Ayaema kanata tige pi-breti nandiri pigo pi-kapuvisa nandiri-pa, tigeva Tave-yaragara puritaindana-wakaga uma avorai-gina kanake na-enawa avorano. ²⁷ Piyamba-kana pigo ka-kinamba kamba aogiena pumagina breti-wa nandana Tave-ya-garama kapuvisa nakivipa, ageva Tave-yagara manda auwake pigo kora-wake asore piye. ²⁸ Atagana wasanama-va agewa ayigi-kagate, Pikitisa ageva bretiva nandana kapu0visava nakiye. ²⁹ Piyamba wasanama Kamba aogim napima Tave-yagarama aukapa pigo nategina pigo wani nate pikivipa, ageva asuwawaw mete agewati kanae. ³⁰ Pina agorakaga okenaripa inuena ure-e pigo tigeva kamba ege-enaripa windiye pigo tigenda kaisaripa ago puyewa-ndae. ³¹ Piugo piyamba aogima napima-gita pigo tagete ayikikuno-mbepa, tageva Anutu-nda ayikikena yaverapa kamba asikune. ³² Piyamba pikanata Tave-yagara-ma aiygita-takivip tage, ageva aogi puragakiye, piyamba pigo tageva kamba mamageva asore puwakune. ³³ Piyamba-kena ayaema magenda nanata-varava, pi-kanata nasana nakenaga amba akivundiripa, tigeva towina-kava a-agava a-gava magiri. ³⁴ Piyamba kawina nasanaga naviye-ekinapa, atagana nawatisa nano ageva. Igaru tigenda tiyamburo agero umagina Kotiganda-enaro purita-kiye tigenda. Oige ayaema kaisaena-mandaga isa kaema nageti aisagakive-pa, nagene ka nama pigo tigege amba iyoge ukune.