¹ Negeva tigekava kamba agama uga mi-iyo-mava kanaviye ayaema nanatavara, nage naviki-vikava tigeva agaiyo tage tavaremba-giva kayo-wani avaka igayoma pigo kanata ene, igeva ivuna-oma amenda-pindi mimagini. ² Aya emava ivuna-omake kayp-wani-omake amenda-pindi mima-gini wanipa uritae, Mosese tuwa mikiveka-ema otamagini. ³ Pigo ayaema-va Awamu-sa pindisava kamasa nasana nataene. ⁴ Pigo ayaemava awamu-sa pindisava kamasa wani nataene. Pigo ayaema-va pi awamu-saoma yava-pindisa tumi wani nataene, ageva igege nasitaine. Pi yavapa Mesaiya agewane. ⁵ Piyambato, Anutu-va okenawika-va kamba amuputae igekava, pigo wasana purinda kinambi iupa ayaema aukai waesani mavindi asore sare piwata-eiye. ⁶ Pi ayaema-ena avorataind-anava amanda nawa tayakima-gina tageka agamagiri a-agunda- enavindi-va pigo tiyo- iganava kasaiyomae, piyamba ige putaesa pumagina. ⁷ Tigeva a kambari anututa monondana pikena kinandana-va a-avoraiyo piyamba kaisawimbi pesapuma-va piyamba ige isapindi kaetesa puma-gina. "Ige waya-wawa nasanara maramima-gini nandini-pigo wani nandini pigo asimagini danisi-enapum agini pigo kamba aogi ena putae. " ⁸ Pigo tageva kamba kupiyp-enava peno piyamba ige putegini ka-yaga, 23,000 wa waya-wawa puritae-sa pumagina. ⁹ Pigo tagerova Mesaiyapa kamba atakaveno, paviyamba okena wimbiro putaegana kuya-oma asore poitataisa pumagina ige. ¹⁰ Pigo tagerova kamba tamo kamana-pa eno piyamba okena-wimbi putaesa-pumava. Pigo wasana aivurikena ankero kanama amba asore poitatai-sapumagina ige. ¹¹ Ivava, pi ayaema-ena avaraipa ama-kanda-ena tave tayaki-kenaga piye, pigo igeva kaetae kawana-kena kamana tage kegita-vaya aiagogo kana mekana-kivita mikuno-mbe kinambitendaga. ¹² Piyamba-kana pigo kevaya age egema asimamuku-we undanava agewata aogima aevama mimagina kamba wareyano. ¹³ Kamba ka-ataka ena tigasa-kiripa ageva tomaenae kambae, piviyamba ayaema atak enava avoraga-vine mamavisa ayaema waya-wawarapa. Piyamba-kana Anutu-va kamanawa aega-kagaviye, pigo ageva kamba ka-atakaena ava atakina tigenda ege-enav tigaikiye. Piyamba ataka ena tigeta kanakivipa, kanara-kana Anutu-va ke-ima tigepa tiyopikiye. Pi-kipa piyambane, age pekiri tigeva asima egepikive-e, pigo pi-ataka-enamava tigepa kamba mavindiva uma titakiye tigepa. ¹⁴ Piyamba-kana pigo ayaema nagenda nao tuvarakapai tigeva tiyegaka wagasai-yo kambari anututa mononda-na pikena-enagava. ¹⁵ Nage kamana yopa tigeta napiena urinde-kinambita usuma uwe, pigo tigeva aogima aiykikive-e nage kamana yopa. ¹⁶ Pi ayaema-aogiena pi kapu-oma andavipindi windi-ndana timombepa, Mesaiya kura tage urivo-mbesa-puma kamasa-enayane? Pi-skoni tage apako-vugavo-mbepa, piyamba ageva Mesaiya aukeva kamba kamasa-pundiye? ¹⁷ Nana-viyemae, ka-skoni-mana-andoe, piyamba-kana tage ayaema waya-wawa-va katauandoe. Pigo tage ayaemava ka skoni-visa nagagavune. ¹⁸ Israeli kanambi pandana agaiyo. Pi-kanata yaga naepa yavewata kaetama nae, pindanamava Anutu-ke aki Poitagaviye piyavewata? ¹⁹ Nana-enagava-ya nage ikenaga-vopa? Age pi kambari anutu tagandana pika? O nasana ige piyamba kunda avasama-gini kambari anutu amimogini tagandana peka? ²⁰ Piyamba nageva uwe aveisa kinambi kambari awamusa kaisaena amimagini agunda avasa-gaeka, pigo kamba Anutu-tapiye. Nageva kamba naviye kambari awamusa-omage tige atokaesa-nagava. ²¹ Tigeva kamba Tave yagarama kapuvisava nandiri pigo kambari awamusa-oma kapuvisa-geva nakive-e. Tigeva kamba Tave yagara-ma tevoriklisava nandiri pigo kambari awamusa-oma tevorilisava nakive-e. ²² O piyamba tageva Tave yagara-makaga anda puratama-gina pigo amokamana uratanoma pukuna, a? Tagenda ege-enama agenda ege-enava againdiya, a? ²³ "Ayaema-enava kanara pundiye tage pikenava" Piyamba ayaema-enamava kamba taopikiye.-aogima mikenava. Piyamba ayaema-enamava egema miyoena-va kamba pugataki-ye. ²⁴ Tageva kamba napiwano tagete taopike navenagava. Piyamba, tageva kaisa kina iyopike-naga napeno ige. ²⁵ Tigeva nasana maketiri aisagakivepa uganakive-e tigeva a okena napienave puma ivigata-nasiyo. ²⁶ Nana-viyemae, "Ma-mage aya-ema-enage windinda-nava, ageva tave yagara-mandae." ²⁷ Piyamba ka aveisa yagara-ma kavigama nasana agege nakuse-ekinapa, piao kage age namati wakuwema napindanapa. Kageva nana nasanava-ya uyoke pumaranda kivi nasanava nao. A okena napi enava puma avigao. ²⁸ Piyamba pigo ka-yagarama ugamikiye kage, "Pi -nasanava kambari anututi kunda avasagae nasanaema," a nao. Pindana kage pikivembepa, agepa aopikiye pi kamana kevaya kage ugami yagarava. Pigo kanara-toro piye to ka yagarama napienaro aopikenava. ²⁹ Pi kamana nage yo kamanapa, ageva kamba kageka napi ena kaopikena kamanapa uwe kambae, ageva kaisa kinambi napiena iyopikenae. Nana-viye-ma kaisa kinake napiena-wimbageva nage pukuvondanava ayigina-takive-e? ³⁰ Piyamba nage aisa kamana umagi nasana urukuvopa, nana-viyema wasanamiva imokamana umava nagepa mavindiva natakive-e? ³¹ Piyamba pigo, rage nasana nano o wani nano, o nano-ena-vaya kage pikivembepa, ayaema-ena pavi pikivembe-ndana puma Anutu Tave agi amo. ³² A ka Juda-yo o ka Grki-yo, o ka Anutu-nda mono nama-wa kamba aogi-enavindi ware-ke enava apo. ³³ Piyamba ayaema kina-kagava amundana pi ma puwe nage pondanava. NAgeva kamba aogim nagende naopikena-enagava aguyosagau-we, kam Nage aogienaga aguyosagao-pa okena waya wa iyopikenna-gae, anutu ige ivaven-ma.