¹ Piyamba nageva uga-yagara-vaya minduwe a-a? Piyamba nageva eriya-yagara-va kaminduwe a-a? Piyamba nageva Isu-Mesaiya Tavere mbapa kamba-vaya agandu-we? Piyamba tigeva tave yarama-ke nageke-eriya kinandana-va kape-vayae? ² Piyamba nage kaisa kinata kamba eriya kina mikuwopa, nageva tigenda eriya yagara mikuwe. Pigo tigeva agakive-e nagenda eriyande pa Tave-yagara-mapindi. ³ Pindana-mava nage aukaiva egepunata-kive, ige pi-kinambi nage eriya agakive-pa. ⁴ Piyamba tagekava kambava-ya yeva urata-kivevayae nasana nate pigo wani nate-pikenava? ⁵ Piyamba tage kava kamba-vaya yeva uratakive-e amatiti weke atokae-kenava, piyamba kaisa eriya kinambi pesa-lumava, pigo ige tanata-vara Tave-yagara-mapindi minde igege, pigo Sigasige? ⁶ Piyamba nagege Banabsigeva kamba-vaya yeva ikive-e eriya pikenava? ⁷ Kega irevu-yagara-enapuma-va kageka-nda nasana kuenava pene? Kega yagoena potamava kamba ukaga-vene? O kega puimaka-pa kitama-va nana-andiwapa kamba nagavene? ⁸ Piyamba anoyambu kinambi napienapasa nageva pikamana-pa uwe? Piyamba wari kamana-oma pindanaga-va kaiye? ⁹ Kamana-pa Mosese isapindi witame, "A bulmaka-omanda awamu-pa akunoma araisi-omanda anawa atuvuye-kinapa." Piyamba Anutu-va bulmaka-omanda-gavaya napima pigo ageva pikamana-pa utaine? ¹⁰ Piyamba aguva tagekaya utae? Anutu agewa tageka utae, ae-yagara-maga-vaya makumani-ndana-pa kamutisa kumamiyo, pigo wasana-ma araisi-omanda aiwa um memdanava piyamba nap eno kaisa nasa na-wapa uruku wema. ¹¹ Piyamba tage hawamusa-pindisa-ena tige tiva-kapi akuno-mbepa, piyamba tageva tige pikive eriyata-sava okena-ena urukune. ¹² Pigo ige kaisa kinambi tigetisa kaisa ena urikenaga kanara ye umaranda kiveka-gava tagane tageva kambaro tigekava ye emapiye? Tageva kamba egemapa pindana-gava une, pigo tageva ayaema kundu en-ava aesagavune, pigo tageva Mesai-yanda aogi kamana wakena kewa akuni-kenaya pune. ¹³ Piyamba tigeva kamba agandae pinda-naemava, ige mono nama aevave kinambiva mono nama-pindisa nasanava ure-e? Pigo ige mono yavera aevave kinambiva wasanami mono yavera metama-gini aguna avasagae nasana uma nae. ¹⁴ Piyamba-piyo, Tave yagarava kamanapa piyamba atae, ige wasanami aogi kamana uma avoraepa, igeva aogi kambana etasa nasanava uma naiyo. ¹⁵ Piyamba nageva kamba egemapa uwe pi-ye-e kamana-tapa. Pigo nageva kamba kaetauwe pi kamana-pa tigetapa pindana nageta pikena-emava. Ageva kanara-sawakiye nage puwakana-va igaru wasa nami uma mavi-ndi natasanaga-va pi-kamana yotaka nage. ¹⁶ Piyama pikanata aogi kamana uma avoraopa, nageva kamba nageva uma asagukuwe, nageva piyaveno. Nageva asore- puwakuwe piyamba kamba aogi kamana uma avora-kuwokava! ¹⁷ Pigo nage nanda-oma aumaraka kamana ukuwopa, taga nageva ika urukuwe. Pigo piyamba nage nandavisa kapuku-wokava, tagane nageva agauwe Anutu nami eriyapa ka pukuwa ma. ¹⁸ Ageva nanae nagenda ikandepa? Pikanata nage mono kamana ugavopa, nageva wasanaga mono kamana ikapiyo-va kamba ugavuwe, Pigo pindana-mava kamba naopuga-viye nage namba umagi mono kamana yondana-va. ¹⁹ Uga ayaema waya wawarapa nageva fari yagara mikena-puwe, aya ema kinambi-nda eriya yagara mikena-puwe nageva, piyamba-to nageva okena urusuwama. ²⁰ Pi-kanata Juda kinake nage mitaopa, nageva Juda kina-kandama mitauwe Juda kinakeva, nana-viyemae nageva Juda kina igaikena-gandae. Pigo pi-kanata nage Alota aegara kinake mitaopa naguva Alo aeg kina kanda-ma mitauwe pipa kambae, ugeva Alo aegarae kina igai-kenaga putau. ²¹ Pigo pi-kanata nage Alo-oma kamba aegama amenda-pindi miye kinake mite nage mitaopa Alo0ama amenda-pindi kamo miyesa kinabi miyesapu-ma mitau ige Alo-oma amenda-pindi kamba miye kina igaikena-ga. ²² Pigo pi-kanata nage imatiti-ena kamba ege punda kinake mitaopa, nage mitaopa amatiti-enawa kamba ege-vunda kina misum mitauwe ige pi-kina igaikenaga. Nageva ayae kina-mbita-pa paviya-ena pugavuwe, nana-viyo ae nage napi-enava kaisa kinapa ima urioma. ²³ Nage aya-ema pi-eriya ponda-nava mono kamana uma Mesaiya uma ege-votakena-e, pigo Anutu agoi-ena yoke. Oumara-ndinda-nage urikenaga nagenda. ²⁴ Tigeva piyamba-nemava kambava-ya aga-e, aya ema kina karu enavindi waemava, ka-kina-andoma ikapa ukaga-viye? Piyamba-n pigo kalusuma ika umuro. ²⁵ Wasanama pi-karu-enavindi wakenava, ageve auwapa aogima aevavotama-gina trenini-enava piye pi-kanata-pa. Igeva piyama-gini asore-puwak na ikapa ukagave-e piyamba kage karusembepa kamba asore-pikena ikatakaga karuseme. ²⁶ Piyamba-ka pigo nageva ugasuga-mapa kamba karasunda o ugasagama-pa kamba iguguya pa aeguwe kambae. ²⁷ Piyamba-ka nageva nau-omanda aumava kawanau-we nagende naegarao-ma, pigo aindi kaisa kina kamanapa oimuwe, nagenepa ikapa kamba kasanomagi.