¹ Nageva nava-mone-oma kamana ikena-vuve ige karisteni kinambi akive, tigeva piyamba piyo nage Gatesiya-isa mono kina ² Ka sonda-oma amaru yagawa, tige kakatomba ataiyo mone tige yoke pumara-ndakive. Piyamba-kana pigo pikanata nage kanaki-ripa, tigeva kambaro akivikive-e kaisa-enava. ³ Pi kanata nage amba avoraku-vopa. Kegitavaya tige utamara-kive isake ofa pikena mono-kova aisaga-kuwe nageva Jerusalemuiva. ⁴ Piyamba pigo kanara nage wakenava, kanara ne igeva nagege uga wakive-e. ⁵ Pigo nageva tigeti kanakuwa, pi kana-ta piyamba masedoniyai wamagi. Nana-viyema piyamba nageva Masedoniya-i wamag-indae. ⁶ Piyamba-paya nageva esi-vikivi kanatakeva tigege mikuwe, tigeva napoikive-e nage pa pi kanata to aukai wakena pekinipa nage. ⁷ Nana-piyema nageva kamba naviye iva tige tigakenava pi alo kana-pindi. Nage mavipa e-era-avara mikenaga naviye tigegeva. Piyamba Tave yagarama kanara-ne ikivipa. ⁸ Pigo nageva Efesasi-i mimagi Pentikosi puri kivita uma age vukuwe. ⁹ Tave kavi awiwae nagetapa, pigo okean tupuena-ro avorae. ¹⁰ Pi kanata Tomoti kanatou-pa, ageva mamagina ageva kamba aekuraveno, nana-viyemae ageva Anutu eriya Pitakae, piyamba nage Posamba. ¹¹ Ka kinamba-va kamba akaya kamana-pa otano agekava, Tigeva agepa aopuma-giri tinda parurisa aisagaiyo agepa. Nageti kanano NAgeva agavavu-nduwe agekava nageti kananoma kaisa ige masi mavige navurite kananoma. ¹² Tage tagando-remba Aoolosi-kava, Nageva kamana onima ege Potamuwe agepa ageva kanama tigepa amba tiganoma ige tanata-varage. Pigo ageva kamba aumaviye iva kanakena-va Pigo ageva aindi kanakiye kaisaena aoinma kanara-sakinova. ¹³ Tigeva aogima aevaviyo, timatiti-enara asima-giri egeviyo, piyamba wasanagan-dama mi-iyoi tigeva egema mi-iyo. ¹⁴ Tigeva ayaema-ena pikivena-nava tivuwakivi-ndana-sa piyo. ¹⁵ Tigeva ago agandae Stefenasi alaniva, igeva amaru alainiye Akaiata imatiti pikenava, pigo igewipa imigasi-magini kaisa imatiti kinambi eriya pikenava putae. Ivava nageva ege kamana uwe tige nanata-varaga. ¹⁶ Tigeva piya kinambi imenda-pindi miyigina pigo ige kegevaya kaisava taopi-kive-e. ¹⁷ Nageva amu puwe pi kanata Stefenasiya pigo Fotunatusiya, pigo Akaikusiya. Ige amba avorae kava, igeva tige maru ure-e. ¹⁸ Ige kanaega-na tagenda awamu-sa tombava aogaso esegiena uriye. Piyamba-kana pigo tigeva aogima agaiyo piya kinapa. ¹⁹ "Esiya-isa ige mono namambiva amu kamana aisagatae tigeti. Akuila-ya pigo Prisilaya-gi akimagini mononda-na pekino mbi napindi tigeka puritatae Tave yagarama pindi. ²⁰ Ayaema tanata-varamiva ama kamana uritatae tigeka. Tigeva kaisaro iyepama amu kamana oitaiyo igeka. ²¹ Nageva Polinae, nage kaetauwe makamanapa nagende nayapisa. ²² Piyamba ka-kinamba Tave yagaraga kamba avikivipa, kanarane ageva asore-puwakiye. Tagenda tave yagarae, kavev kanao! ²³ Kagoya-enawapa Tave yagara Isundava tigege wikiye. ²⁴ Nageva ayaema tigekava navuwae Isu-Mesaiyapindi.