¹ Ni sa qwataqwata mai na vanua, a ra sa soqoni vata kece mai na Bete Levu na vunivola qa ni ra na tuqwaqwa qa ra sa lia vato me ra sa soli Jisu me sa vamatei. ² A ra sa vesukia, qa vatalai koya dei va Pailato na Kovana. ³ O jiutasa, o koya a macatakinia, sa tolavi Jisu ni sa vamaduataki, sa vivutuni qa vakasukania na tolusagavulu na tiki ni siliva vuara na Bete Levu qa ni ra na vunivola qa kwaya ⁴ Qi sa i valavala ca, qa qu sa cala ni qu sa solia vuara na meca na tamata tam cala. A ra qei kwaya E i bale i va ei? Tarogi ko ga. ⁵ A sa qei viritaki na tiki ni siliva i na were ni lotu, qa lako vale yati me lai lilini koya ⁶ A ra kau na tiki ni siliva qa ra kwaya, "E i tam cala me maroroi na tiki ni siliva i na kisi ni lavo ni tia a sau ni dra." ⁷ A ra sa lia vata me ra volia e i lia na tiki ni qwele. Me re dau bulu ka na bulagi. ⁸ Na kea i vakadudu i na gauna ni kua na tiki ni vanua ni dra. "Na Vanua ni Dra," na siga ni kua. ⁹ A sa tukunia rewa o Jeremaia na parofita qa sa va sinaiti, sa kwaya, A ra sa kau a tolusagavulu na tikinisiliva, na i sau sa tau vua mai vuara na luvei Isireli, ¹⁰ qa ra solia me tia i voli ni vanua ni dau tuli kuro sa tukunia oti va au na Turaga." ¹¹ S dure o Jisu e mata na kovana, qa sa tarogi koya, "Sa niko du na ledra Tui na Jiu?" A saumia o Jisu qa kwaya, "O mu sa kwaya du mai." ¹² A sa galu o koya ni ra sa beitaki ni koya na Bete Levu qa nira na tuqwaqwa. ¹³ A sa kwa vua o Pailato "O tam varogo na levu ni kwa o sa beitaki ka?" ¹⁴ A tam bau saumia lia na tata, qa sa qei madua vakalevu ka na kovana. ¹⁵ A sa dau kea i valavala i na gauna ni Kanivata me serekia na Kovana e i lia na tamata cala sa digitaki mai vuara na lewe ni vanua. ¹⁶ I na gauna vata so kwe a lia na kai vesu dau vatuburarawa o Parapa. ¹⁷ A ra sa so qoni vata sa vecera o Pailate, "O ei o mu sa vinatia mequ sa serkia o Parapa se o Jisu Karisito?" ¹⁸ A sa kilatia ni ra sa soli Jisu vua i na ledra vuvutakini koya ¹⁹ A so lai gatule no i na i nono ni vilewai, a sa vakautia mai vua lewa yalewa a lia na i tukutuku ka kwaya, "Kua ni vatara e lia na kwa vua na tamata dodonu e. Qi sa rarawa vakalevu sara mai na tadra baleti koya." ²⁰ A ra sa vakaikai ni ra na tamata o kora na Bete levu qa ni ra na tuqwaqwa me re sereki Parapa qa vamatei Jisu. ²¹ A sa tarogira na kovana, "O ei vuaru na rua o mu vinatia mequ sere kia va kem?" A ra wwaya kece, "Paraga," ²² A sa vecera o Pailato, "Na yava e i dodonu mequ tara i va Jisu sa vakatokai o Karisito? A ra sa kwaya kece, "Vakoti koya i na kauveilatai." ²³ A qei kwaya o Pailato, Baletia na yava, na cala yava a tara o koya? A ra sa qei kisa vakaikai, "Vakoti koya" ²⁴ A sa tolavia o Pailato ni sa malumalumu lewa vatulewa, sa levu na kosakosa qa na mauwe mou vuara na tamata, a sa dralia e lima i na wai i medra mata na tamata qa kwaya "Qi tam kilatia lia na kwa mai e dra na luve ni tamata. Sa qei lemu." ²⁵ A ra sa qei kwaya kece, lea dra me sa qei leda qa leda kawa. ²⁶ A sa qei sereki Parapa mai vurara, a sa qei rubilaki ni Jisu qa soli koya yati me rube i na kauveilatai. ²⁷ Sa qei leimei o Jisu i na were ni volavola ni matanitu qa ra sa qei soqonitia na i lala sotia. ²⁸ A ra sa livatia lea i sulu qa ra vataqania i na lia nai sulu balavu. ²⁹ A va taro a lia na i sala vakavoto qa ra vataqania i e ulu, qa biutia a lia na i vakatakilakila e lima i matau. A ra koruva i e mata qa ra valialiacia qa ra kwaya sa loloma, Ledra Tui na Jiu!" ³⁰ A ra katasivitia, qa ra rubilakinia e ulu. ³¹ A ra valialiai koya qa ra livatia mai vua na wabale qa vataqania lea i sulu du, qa mei koya me lai vako i na kauveilatai. ³² Ni ra sa laka yati, a ra tolavia sara a lia na tamata mai Kirini o Saimoni, a ra vakaikaitakinia me lai cuku lea kauveilatai. ³³ A ra sa yaco yati i na vanua Kolikoca, Na vanua ni qavokavoka. ³⁴ A ra solia vua na waini me somia waki vata tu qa na wai kolikoli. A tovole qa tam rewa ni somia. ³⁵ A ra vakodia i na kauveilatai, qa ra sa qei wase lea i sulu qa va wiri madigi, ³⁶ A ra sa yadravi koya so keni. ³⁷ A ra sa qei vola a lia na i tukutuku i e ulu, "Ko kwe o Jisu ledra tui na koi Jiutia." ³⁸ A ru lili qai koya tu a ru rua na dau driva, a lia e tiki matau qa lia i e maw i. ³⁹ A ra tata vacacatakinia o kora kce, ⁴⁰ a ra kurekure qa kwaya, O kwaya mo talarakinia na were ni lotu qa vaduvenia leqwa ni oti e tolu na siga, vacola niko! "Ni o tia Luve ni Kalou, siro civo mai na Kauveilatou!" ⁴¹ A ra sa qei valialia koya vakalevei sara na Bete levu qa ni va na tuqwaqwa qa ra kwaya, ⁴² "A vacolanira na tamata ia e i tam rewa ni vacola ni koya. O koya na ledra Tui na Isireli. Me siro civo mai na kauveilatai, me te rewa ni vabautia. ⁴³ " E i vabautia na Kalou, me vacolani koya sara ma ga ei rewa ni sereki koa." A kwaya, O au na Luve ni Kalou. ⁴⁴ O koru muni na daudriva a ru lili vata tu a ru sa valia lia i koya muni. ⁴⁵ A sa gilolo mai na vanua i na i ka ono ni auwa qa sa o lonia mai na vanua me yacovia na i ka ciwa ni auwa. ⁴⁶ I na i ka ciwa ni auwa, a sa gigisa i na tagi o Jisu qa kwaya Ilai, Ilai lalasaki ca nai" kea i balebale Lequ Kalou, Lequ Kalou e soi deini au i na vuku ni yava? ⁴⁷ A ra sa rogoi koya na tamata, qa ra kwaya, E i covi Ilaijia. ⁴⁸ A sa laka vasauri mai a lia na tamata qa luvuya a lia na tiki ni sulu i na waini kolikoli, qa watavivitia i na lia na sina balavu qa solia vua me somia. ⁴⁹ A ra sa kwaya na vo ni tamata, "Ba deinia koya talia tu. E i na mai vacolania o Ilaitia se i lala." ⁵⁰ A sa qei gigisa i na tagi o Jisu qa solia e yalo. ⁵¹ A ra sa tolavia, sa bo ka rua na latilati ni were ni lotu mou yata i ra qa sa sakure na vuravura, qa tata bokaboka na vivatuvatu. ⁵² Sa ta dola na i bulubulu qa ra sa dure cake mai medra yago na tamata yalo dodonu a ra moce tu. ⁵³ A ra sa dure cake mai na i bulubulu i na gauna ni tucake tale, a vilakayaki i na vikoro koro yalevu qa vatakei koya vakalevu sara. ⁵⁴ Ia o kora na turaga ni valu qa nira na yadravi Jisu tu a ra sa tolavia ni sa uneune qa na kwa sa yaco, a ra sa mataku qa ra kwaya, "Sa du sara o koua na Luve ni Kalou." ⁵⁵ A ra bi na vibulou a ra vatakuci Jisu vali mai Kalili me tolavia lea gagadre a ra saravia koya tu mai vakayawa. ⁵⁶ A lia vuara o Meri Makitala, Meri na munai Jemesa qa Joseva, qa ni munadru na luvei Sepete. ⁵⁷ Ni sa yaviyavi, na tamata vutuniyau mai Aramacea, o Josefa o koya muni a lia vuaro na Tisaipeli Jisu. ⁵⁸ A cedrevi Pailato, qa tarogia e yago ni Jisu. A vakaikainia o Pailato me soli vua. ⁵⁹ A sa dere e yago ni Jisu o Joseva, qa olonia i na lia na tiki ni sulu savasava sara, ⁶⁰ qa va do kinia i na lea i bulubulu vou a tasi mai na vatu. A sa qei vaqiqinia a lia vatu levu me seqotia tu ka na i bulubulu qa laka vakayawa. ⁶¹ Meri Makitala qa ni e yaca a ru lai gatule no vibasou qa na i bulubulu. ⁶² I na siga taravia, na siga ni vakavakarau na bete levu qa ni ra na Farisi a ra sa lai soqoni qa Pailoto. ⁶³ A ra kwaya Momo, te numia na gauna a si cola ka na dau vivacolai, a kwaya E i oti e i tolu na siga' qi na qa dure leqwa. ⁶⁴ Mo vakarotia nai bulubulu me qwaqwa me yacovia e i tolu na siga, me kua ni ra mou drivatia e yago ga ra qei kwaya, Sa dure cake mai na mate, e i na qei levu cake na vivacalai mai na i matai. ⁶⁵ A sa qei vecera o Pailato Ba yadravia. " Lako qo lai vakatania vina" ⁶⁶ A ru sa qei lai vakatania vina nai bulubulu, tuvatu nia i na vatu qa lia na kea i vakatawa.