¹ Sa meu vacavania lea tata o Jisu vurara na tisaipeli qa vecera, ² "Ba kilatia no ni oti e i rua na siga sa na mai oti ka na kani vata ni Lako Sivia, e i sa na solia ka na Luve ni Tamata me sa na vako i na kauveilatai." ³ A va sa qei soqoni vata na bete levu, na vunivola qa niva na vimomo yalevu i na lea were na bete levu o Kaiafa. ⁴ A ra sa lia vata mera sa lawakitaki ni Jisu, me ra sa vesukia qa vamatenia. ⁵ A ra kawa me kua ni yaco no na marau, me kua ni tubu ka na mauwe mai vuara na tamata. ⁶ A sa nooloki no o Jisu i lea were o Saimoni na vuiavuka mai Pecani, ⁷ ni sa vakarautaki na teveli me kani, a sa kau mai vua ci lia na vibulou a lia na tavaya waiwai saulevu na alapasita, qa sova i e ulu ⁸ A ru sa borisi na tisaipeli ni ru sa tolavia na kwa sa tara na vibulou kwe qaru vece, "Na yava na kea i balebale na lem valusinia tu ka na kwa kwe? ⁹ "A ma vina cake me volitaki me rewa mai ka e i levu na i yau me re wase na dravudravua." ¹⁰ Sa kilatia vina tu o Jisu, qa vecera, Na yava na vu ni vatilem cakatia na vibulou kwe? A sa tara va au a lia na i vakarau tetelagi. ¹¹ O ba sa dau no qara tu ga na dravudravua, ia qi tam dau no vakalevu i va vatikem. ¹² Ni sa sova na waiwai kwe qu yago, a sa tara no me bale tia lequ vakarau lai bulu. ¹³ Qi sa vakadudutakinia no i va vatikem, e i na vunautaki na i tukutu'ku vina kwe i na vi yasa i vuravura, qa cavuti no ka na vibulou kwe me kea i vananumi." ¹⁴ A qei lia vuara na tinikarua, o Jiutasa Isikarioti, a laka tavira na Bete yalevu, ¹⁵ qa kwaya, Na yava o ba rewa ni solia va au ma ga qi na mei koya yati vatik in? A ru sa qei vakarautakinia a tolusagavulu na tiki ni siliva vua. ¹⁶ A sa rewa ni vakarautakinia koya ka me soli koya vuara. ¹⁷ A ru sa laka tavi Jisu na tisaipeli i na i matai ni siga ni madrai tam valeveni qaru veco, "I vei na vanua e vinatia me ba vakarautakinia ka na magiti ni Lako Sivia mo vayagatakinia?" ¹⁸ A vecera mera laka i na vi korokoro yalevu qa kwaya vuara na tamata, sa kwaya na i vakavuvuli, Sa yaco mai lequ gauna i qulima. Qi na maroroya na Kanivata i lem were qaru na lequ tisaipeli. ¹⁹ A ru sa tara na tisaipeli na kwa aru sa leivece, qa ru sa varoutakinia na magiti ni Lako Sivia. ²⁰ A ru sa vauagatakinia vata na magiti qa niru na tisaipeli ni sa gilo mai na vanua. ²¹ A sa tukunia vuaru na tisaipeli i na gauna ni ledru vauakavi no ni na lia vuaru e i na soli koya yati. ²² A ru sa rarawa vakalevu qaru vitarotarogi, Tam ni au Turaga. ²³ A soumia qa kwaya, "O koya e i na sala e lima vata qa i au ina veleti o koya e i na soli au. ²⁴ E i na sa na laka na Luve ni Tamata, ni sa volai oti baleti koya. Sa cakaca vua na tamata a solia na Luve ni Kalou me vamatei. A vina cake me kua ni sucu mai." ²⁵ Jiutasa, o koya a mecatakinia a kwaya. Ma ni au vakavuvuli? O sa kwaya du mai." ²⁶ Ni ru sa kani no, sa qulu na madrai o Jisu masulakinia, qa ciqitia. A solia vuaru na tisaipeli qa veceru, Qaratia, Kania. O kwe qu yago." ²⁷ A qaratia a lia na bilo qa vavinavinatakinia, qa solia vuaru,, Somia o vatikem coko. ²⁸ Ko kwe qu dra ni veiyalayalati vou a ta sova me batetia na kea bokoci na ledra i valavala ca. ²⁹ "Qi sa vecei vatikem, Ai na tam somia leqwa na wai ni vauni, me yacovia leqwa lequ Somia na waini vou i na lea matanitu o Tamai au." ³⁰ a ra sa lagasere, qaa sa cavatia na Ulunivanua ni Olive. ³¹ O mu na lutu vele kece bogi ni kua baleti au, ni sa volai oti tu. Qi na rubilaki nira na i vakatawa ni sipi qa ra na sesea lea qele ni sipi. ³² Niqu sa na dure leqa, qi sa na teiteimata i Kaleili. ³³ A qei vece o Pita, "Ma ga ere na tarabe kece baleti kemu, Au qi na tam tarabe." ³⁴ A qei vece o Jisu Qi sa va dudutakinia va iko, i na bogi qa nikua, ni si bere ni tagi vakatolu na to e na lawakitaki ni au. ³⁵ A vecei koya o Pita, "Ia ma ga ti na mate vata, Qi na tam tata cakacakataki niko." A ra vadudutakinia taucoko na tisaipeli na i tukutuku. ³⁶ A ra sa vimeme i qa Jisu i na lia na vanua o Kecisemani qa vecera na tisaipeli, "Ba nodoki no keni mequ lai masu." ³⁷ A mei Pita qa niru na luvei Sepete qaru sa tekivu meru rarawa qa lu'vuci vakalevu. ³⁸ A sa qei veceru, Sa rarawa vakalevu qu yalo i na mate. Teva nodoki ga no kai kwe qa teva sarasara vata no." ³⁹ A toso vasewasewa i mata, a Koruva, qa masu. A tukunia, Tamai au. Ma ga e i sa rewa, vatala dei na bilo kwe mai va au. Me kua ni yaco qu loma, ia me yaco gu mu loma. ⁴⁰ A lesu taviru na tisaipeli qa tola viru niru sa moce tu, a qei vecei Pita, E i rewa metu yadra vata no me lia na au wa? ⁴¹ Vakatawa no qa masu mo kua ni lei vakatovolei. Sa qwaqwa na yalo ia sa malumalumu na yago. ⁴² A deiniru leqwa tu qa masu, A kwaya, "Tamai au, ma ga e i tam laka dei va au vaka o mequ somia, e i na yaco ga na lem numia." ⁴³ A lesu leqwa mai qa daniru niru si moce ga, ni sa bibita medru mata ina matamoce. ⁴⁴ A deiniru leqwa tu, qa lesu leqwa me lai masu vakatolu qa tukunia leqwa na i tukutuku. ⁴⁵ A laka taviru mai na tisaipeli o Jisu, "O ba si moce ga i na vakacegu. Ba tolavia sa yaco mai kwe na gauna me sa soli ka na Luve ni Tamata medra lima na i valavala ca. ⁴⁶ Ba tu me teva laka. "Ba tola, sa valeke mai kwe o koya e i na soli au." ⁴⁷ A si tata no qa sa laka mai o Jiutasaca lia vuaru na lewe tini karua. A ra sa laka qai koya mai a lia na i lala mai vuara na Bete levu qa nira na tuqwaqwa. A ra sa vakaiyaragi tu mai na i seleiwau qa ra sa vakaiwau tu mai. ⁴⁸ A sa vakaroutakakinia sara a lia na i vakatakilakila o koya a soli Jisu, qa kwaya, "Na tamata qa ni yabotia sa ni a so kwe mo ba qulumia kata." ⁴⁹ A sa coravi Jisu mai qa kwaya, "Cola vina Vakavuvuli," qa yabotia. ⁵⁰ A vecei koya o Jisu, "Lequ i tau, tara ga na kwa e i dodonu mo tara." A ra sa qei mai medra lima va Jisu qa qulumi koya kata. ⁵¹ Tolavia, a lia a ru dure tu qa Jisu a donia e lima, qa dretia mai lea i sele wau qa drutia e taliga a lia na bete levu. ⁵² A qei vece o Jisu me taunia lesu leqwa lea i sele i wau ni va na mate ga i na i sele wau o koya e re vakayagatakinia. ⁵³ O ba numia niqu na tam rewa ni covi tamai du me vatala civo mai e i sivia e i tinikarua nai lala agilosi? ⁵⁴ Ia e i na vakasinaiti vakayava na i vunau, me na vakaya cori ga kwe? ⁵⁵ A tatanira o Jisu qa kwaya "O ba sa laka mai i na i sele" wau qa na i wau me wetai na daudriva? O ba tam vesuki au niqu vivakavuli tu i na were ni lotu i na visiga. ⁵⁶ Ia ko kwe sa yaco ni sa na vakasinaiti ga na dedra i vola na parofita." A ra sa deinia koya tu na tisaipeli qa ra sa laka vakatikitiki. ⁵⁷ A ra sa mei Jisu va Kaiafa qa i vuara na Bete levu o kora kece a ra sa vesuki Jisu i na vanua a ra sa bose no mai ka. ⁵⁸ A qei takuicia o Pita i na lia na vanua yawa vuara na Bete levu. A rusu qa sa lai no qara na dau lewa me tolavia na i cavacava. ⁵⁹ O koya kece na Bete levu qa nira na Vunivola a ra sa vei tolavia na i vakaidudu cala yava baleti Jisu me rewa ni ra vametei koya ka. ⁶⁰ A ra tam tolavia lia, qa sewa muni na i tukutuku cala a sa laka mai. Oti a ru sa qei tase mai a ru rua, qaru kwaya. ⁶¹ Na tamata kwe, a kwaya "Qi na rewa ni basurakinia na were ni Kalou qa qu tara vou leqwa i na tolu na siga." ⁶² A sa qei dure na Bete Levu qa kwaya, E i lia lemu i sau ni taro? Na yava na vu ni ledru beitaki niko ka? ⁶³ A galu ga o Jisu. A ru qei vece na Bete Levu, "Qi ni Kalou, tukunia va kemam o iko o Karisito, na Luve ni Kalou." ⁶⁴ A saumia o Jisu, O sa kwaya du mai. Ia qi sa tukunia va iko, i na gauna kwe me laka yati na luve ni Kalou sa gatule no i e lima matau Qwaqwa ni Tamaya, qa na laka mai ka na o ni lomalagi. ⁶⁵ A ru sa qei dresulakinia kedru i sulu na Bete levu qaru kwaya, Sa tata vacakacania na Kalou' Na yava leqwa na ivadudu ni lea tata. "O ba sa varogo na kwa a kwaya" ⁶⁶ Na yava o ba sa numia?" A ru saumia qaru kwaya, Sa rautia ga na mate''. ⁶⁷ A ra katasivitia e mata qa rubicia, qa sewa a ra tobalakinia qa ra kwaya, ⁶⁸ Varovisai va kemam o iko o Karisito, se o ei a robakiko?" ⁶⁹ A via no vali o Pita i na lia na loma ni bai qa lakatavia mai a lia na vulau qa vece O iko o muni o noqai vali qa Jisu mai Kalili? ⁷⁰ A qei coritakinia o Jisu medra mata na tamata qa kwaya, "Qi tamvakawa na kwa e mai kwaya." ⁷¹ Ni sa deinia mai na matamata, a tola lau nia sara a lia na vulau qa vecera, "Na tamata kwe a dau no vata vali qa Jisu mai Nasareci." ⁷² A coritakinia leqwa qa tata yalayala ka ni tam kilati Jisu. ⁷³ A ra sa lakatavi Pita mai o kora na valeketia tu qa ra vece Sa du ni o iko muni e i lia vuara baletia na kwa e tukunia sa vakaraitaki ni a no ni o iko e i lia vuara." ⁷⁴ Sa qei tekivu me vorisi qa rarawa, Qi, tam kilatia na tamata kwe, sa qei tagi vakasauri na to. ⁷⁵ Sa qei numia lesu o Pita na kwa a kwaya vua o Jisu "Ni si bere ni sere na to, e na vakamaduataki ni oui vakatolu. Sa qei rusu i tevai qa lai tagi vakalevu sara.