Wase 22

1 A tata leqwa vuara o Jisu i na tata vatautauvata, qa kwaya, 2 "Na mataniru vakalomalagi e i tautauvata qa lia na Tui e i vakarautakinia e i lia na soqo ni vakamau lea saravou. 3 A vatalara lea tamata cakacaka me ra lai covira mai na sureti i na kani ni vakamau, ia a ra tam laka lia mou. 4 A qei vatalara leqwa a ra sewa na tamata cakacaka, qa vecera, Tukunia vuara na sureti, "Tolavia, Qu sa vakarautakinia tu na vaiyavi. Sa vakamate e i sewa lequ bulumakau urouro qa sewa leqwa na manumanu, qa sa vakarautaki rewa tu na vikwa taucoko. Ba laka mai i na magiti ni vakamau." 5 Ia a lala lia a legaya qa ra sa laka vele mai na lea i laulau qa lia i na lea vanua ni cakacaka. 6 O kora na kea vo a ra sa qulumira lea tamata cakacaka, vakamaduataki nira, qa vamate niva. 7 A sa rarawa vakalevu na Tui, qa vatalara lea setia me re lai vamatenira na dau laba qa ra bulania ledra koro. 8 A qei vecera lea tamata cakacaka, Sa vakarau tu na vakamau, o kora kece na sureti, a ra tam yaga me ra sureti. 9 Ba laka i na vibasoga kece ni sala qo ba sureit kora kece mai na tamata me ra mai vayagataki nia na magiti ni vakamau. 10 A sa sinai na were ni vakamau mai vuara na vimataqali tamata. 11 A sa tolavira na vulagi na sureti, qa tolalau nia a lia vuara a tam vaisulu tu i na i sulu ni vakamau. 12 A sa vece na Tui, Lequ i tau, o laka vakayava tu mai keni ni o tamtaqa tu na i sulu ni vakamau? A sa madua o koya. 13 A sa vecera na lea tamata cakacaka na Tui mera vesukia e lima qa e la qa Walatakinia i na gigilo me tagi qa qurutia ka e bati. 14 E re sa bi e re leico, ia e i sewasewa beto e re digitaki. 15 A ra sa leka na Farisi qa ra lai vitalanoataki me ra na coritia vakayava lea tata. 16 A ra sa qei vatalai kora lea tisaipeli vua, qa nira lea todani o Eroti. A ra kwaya va Jisu, Vakavuvuli, mam kilatia niko sa du sara vakalevu, qa vakavuvulitaki na du i na lea calevu na Kalou. O mu tam matakucia e i lia qa tam doka medra mata na tamata. 17 Tukunia mai va kemam, na lem vakasama. E i sa dodonu vakalawa me saumi na i vakacavacava i va Sisa se i lala? 18 Sa kilatia tu o Jisu ledra malumalumu qa kwaya, 19 Vakaraitakinia mai va au na i lavo dau musukia na matanitu. 20 A ra sa qei kau viua a lia na sede. A sa qei vecera o Jisu E mata o ei qa o ei e yaca sa volai tu? 21 A ra sa qei vece, "Sisa" A sa qei vecera o Jisu, "Ba solia va Sisa na kwa sa lei Sisa, vua na Kalou na kwa sa lea na Kalou." 22 Nira sa varogo a ra sa mataku qa ra sa deini koya tu qa laka dei. 23 I na siga so kwe a ra laka mai a sewa nai lala lei Setoki, a ra kwaya ni lala lia na tucake tale, a ra laka vua. 24 A ra tarogia, Vavuvuli, a kwaya o Mosese, Sa mate e i lia na twagane, e i tam valuveni, o tacia twagane me vakamau taki ni e lewe me sugui luvei tukuya. 25 A ru vitu na vitacini twagane. E tukani a vakawati qa mate. A tam vatuveni, qa sa deini e lewe tu i va tacia. 26 A mate leqwa na i karua ni twagane qa tara leqwa na i vakarau so kwe, qa mate leqwa na i ka tolu, me yacovia na i ka vitu ni twagane. 27 Ni sa oti kece sa qei mate muni na vibu'lou. 28 I na siga ni tu cake tale, o ei na lea yalewa o koru na vitu na vitacini? Niru vakamautakinia kece? 29 Ia o Jisu a saumia qa kwaya , O ba sa lei vacalai baletia o ba tam kilatia na lesoni se na kaikai ni Kalou. 30 I na siga ni dure cake mai na mate e i na lala na vakawati se soli ni vakawati. E i sa na wetai na agilosi mai lomalagi. 31 I na siga ni cola leqwa mai na mate, o ba sa wilia na kwa a kwaya na Kalou i va vatikem. 32 A kwaya, O au na Kalou i Eparayama, na Kalou i Aisake, qa na Kalou i Jekope" Jiova tam ledra Kalou na mate, ia ledra na cola. 33 Ni ra sa rogo na lewe ni vanua, a ra sa ririko i na lea i vavuvuli. 34 A ra sa varogo na Farisi, ni vagalunira na i lala lei Seteki o Jisu, a ra sa sosoqoni vata. 35 A lia vuara, a dau ni lawa, a tarogia vatovolei koya 36 "Vakavuvuli, na i vakavuvuli yava e i qwaqwa talia i na lawa?" 37 A saumia o Jisu, Lomania na Kalou mai mu yalo taucoko, lem numia taucoko, qania mu loma tauco ko 38 Na i vakaro tetelagi talia qa tia i matai ni vakaro muni. 39 Na i karua ni vakaro-Lomaniva na wekam me wetai lem lomaniko. 40 O koru na i vakaro ruarua kwe e ritia vu ni vunau qa ni va na parofita. 41 A ri si soqoni vata no na Farisi, sa tarogira o Jisu i na lia na taro 42 Na yava vatilem numia baletia na Karisito? O ei o luvea? A ra vece "O Luvei Tevita." 43 A vecera o Jisu, Sa vu vakayava ni sa lei co me tia Turaga o Tevita, ni sa vu ni Yalo Tabu. 44 Sa kwaya na Turaga vua na lequ Turaga, Mai no i qu lima i matou mequ va malumalumu nira kem meca me re mai tia tutu ni mu la? 45 Ia o Tevita ma ga i sa kwaya na Karisito, Turaga, ia e i na qei luvei Tevita vakayava 46 A lala lia a rewa ni Saumi koya, qa lala lia a rewa ni doudou me tarogi koya leqwa i na sewa na taro i na siga so kwe qa laka yati.